我的瓶瓶罐罐

罐罐

一直比较中意Baby Pink呢个牌子～价比性比较高，可以买来玩玩咖。
第一个系渠既Jelly base，好好用，虽然冇咩遮瑕力，但用渠就算个妆维持5个钟头都唔会泛油。
第二个系T-zone cover，用渠觉得好滑，遮瑕力都ok。
绿色同紫色既系液状眼影，搽咗之后冇咩色，但亮度绝对可以用来打底。
橙红色既系液状腮红，不过我中意用来当眼影，做腮红颜色太夸张啦，用来做眼影颜色刚好衬淡妆

圆圆既鸵鸟油润唇膏，好好用，好滋润，云尼拿味道，香到好中意闻，好似雪糕。澳洲比较好卖既了吧～
隔离既系美宝莲既唇彩，如果要同BF kiss,而且好激烈既，最好唔好用，否则后果。。。渠会食晒D唇彩，脱色好严重既唇彩。表姐送既。
银色既系Fasio既唇膏，淡淡既桃红色，有闪粉，好正。涉谷109败家既战利品。
黑色既系はんあり小町蜂蜜润唇膏，味道有D似焦糖。好用又平，日本周街有。同日本既家人一齐买送既时候顺手买既，应该系系酒々井既超市吧～
隔离既系Bonne Bell蜂蜜味道唇彩，有D粘，不过都几滋润。比较中意用既一款。
跟住系Prestige桃红色唇膏，唔错既颜色。
最后系都几有名气下一个日本杂牌既VE润唇膏，好油，冬天用好D，我既紫色系提子味道。好似300日元就败咗翻来，小贵啦～

第一个系Face of Australia既眼线笔，金色，用来画下眼线好sharp。既然叫得Face of Australia,就梗系系澳洲Australia呢度买咖啦～
隔离既系Austalis既黑色眼线笔，唔多好用，不过够黑。
金色既系Fasio眼部散粉，液状，好正！系东京千叶一个药妆店买既，同同牌子的分色唇彩，睫毛膏系07冬季限量礼包。
跟住系Panda Non液状眼线液，黑白双色，比较难用，不过效果好好！
之后系Fasio睫毛液，效果都好好，不过个刷既设计唔多好用。
粉红色既睫毛液系日本扫货扫到既，不知名品牌，要技术好好先唔怕搽到一旧旧。
黑色既系Face of Australia既睫毛液，最常用渠，唔会太浓太夸张，翻学用刚好。

粉红色盖既系La Pansee膏状腮红，唔容易推开，不过效果唔错，有闪粉嘎！唔记得边个送既了～
黄色既又系日本杂牌蜜粉，控油既，都好好用。不过好少。
京都艺妓紫色同黄色既系香水膏，好香，京都清水寺个条古老街扫既。
之后系Australis腮红，都系个句，我买来当眼影，我偏好呢种颜色既做眼影，晕。

系日本既好姐姐小坂早贵送既Superlover化妆包，大细用来装化妆品放系手袋刚好。

不知名杂牌8色眼影同12色膏状闪粉，眼影还可以，用来画晚妆，闪粉就唔多好用，好粘，好难推开。两个都系翻中山顺手败既，老实讲，唔多敢用，惊毁容，人本身已经唔靓咖啦～再毁容，得了～毕竟真既太杂牌啦，少用为妙～
另外两个眼影系美宝莲同Australis既，ok，唔算太好用，偏好用腮红当眼影

仲有Marie Claire唇彩，好少用，D颜色唔多适合我，d粉红色好假，其他个D又太成熟,某个靓仔送既圣诞礼物。

黄色包装既系珍珠粉软膜，好香嘎！都唔错啦效果，用完觉得块面好滑。
蓝色既系La Candy补水软膜，一包应该系一次用嘎，不过多到可以分两次。香到～觉得过笼～不过补水效果一般。
Skinvitals虽然贵，不过物有所值～较前面粉红色既系Skinvitals既Q10面膜同眼膜，一块3个几澳币，不过好好用！橙色既同牌子既去黑眼圈眼膜，效果唔多明显。
绿色既系Optrex舒缓眼膜，累既时候用好正。好舒服。
右上角系西藏红花红酒补水面膜，用过一次咋，未可以下结论。唔知边个去上海玩扫俾我既。
樽装既系西藏红花补水水面面膜，好用，翻中山屈银纸减价时候15蚊扫既。平时40几好似。

澳门扫既精华素，金色既系祛斑面部精华素，粉红色系眼部精华素，好油～唔多敢用，怕起油脂粒，听讲唔错。
Fraiche头发香薰，好好闻既香味！不过唔平水。系日本见评价高买来玩既。
最后系欧莱雅紧致眼霜，双管嘎，一边红色一遍白色。好似唔多有效甘子。

强生既水水，味道唔多讨好我，不过用完唔会刺痛，ok啦。不过好快用晒，貌似系冇究竟成分既。
之后两个系屈银纸既水水，减价18蚊两支既时候买既，超级好用，粉红色玫瑰香味同紫色薰衣草香味，紫色既味道好假，不过粉红色既好好闻。

Skin Success美白防晒面霜，平衡肤色唔错，又有闪粉，不过好油！夏天唔适合用！美国Palmer's既。
Za True White Emulsion，唔知点解我觉得有酒精味道，不过好滋润但唔油！好用！
Sana豆乳乳液，都十分好用既产品，适合冬天，好滋润。
跟住系我既最爱啦，Fancl Milky Lotion，好贵既一个品牌，不过一直好中意，超级好用既品牌！！！系日本机场买平水好多啊～香港澳门食水太深啦，概叹啊！
Garnier Generate眼霜，系乳霜性质，适合夏天用，唔会觉得太腻。
之后又系屈银纸既产品，缴原蛋白眼霜，冬天用好滋润，姑且唔好评论渠既功效。

Yumei紫色隔离霜，平衡肤色效果唔错，味道都可以接受，唔错。日本货。
Cezanne粉底液，都算比较好用既产品。
之后两个系Australis既粉底液，好服帖，味道都好香下，平时用都ok。

Face Of Australia遮瑕膏遮瑕力都好好嘎。
OXY暗疮膏，几好用，不过味道就。。。有少少对唔住观众了。
之后个三件系一套既，虽然贵，不过好用，BNC平衡肤色＋祛螨。日间用透明几，晚间用白色几，四方盒既早晚都用，系用日间晚间分开个两支之前用。480rmb一套。

兔仔个个系杂牌润手霜，味道唔好，都唔好用，只系见到可爱买既。
Dove 既润手霜唔会太粘，夏天用好D，好淡既花香。
橙色既Vaseline有修复功能，清香味道，好用。
之后系Legere紧致面霜，味道唔多好，标榜无添加香料，不过效果唔错。日本个个烂鬼姬路城对开条大街药妆店买既。

细细支粉红色既系屈银纸买既，30秒清洁黑头，好清新既味道，不过效果唔多明显。小贵，40几rmb。
隔离系有炭成分既去黑头，会发热，味道清香，效果比较令人满意。同牌子蓝色既系日本比较常见。
好细透明既系睫毛精华，成日用睫毛膏对睫毛伤害大，用渠来补救，虽然好细支，不过耐用到难以置信。
咖啡色既系不知名日本扫到既杂牌洗面奶，尚未使用。评价高就买咗了。
Sana豆乳细面奶，不过好似唔多适合我既肤质，对我来讲洗完面有少少油油既。
大大支日本扫到既Kose药用美白洗面奶，尚未使用。
Totally Juicy撕拉式面膜，好粘好难干，不过效果好好。
又一个杂牌日本洗面奶，好好用，可以当埋卸装一齐来，用到崩溃都用无完，够晒抵！

姿生堂保湿慕斯，香香的，效果还算OK，用完头发有蓬松效果。
隔离同品牌头发保湿霜有D太粘，不过效果可以接受，味道又系一级棒！
Za 去角质乳霜，唔系一般既好用，系好好用。
Curl Amplifier Hair Gel，令到扁踏既卷发恢复生命力，好绸，一般我都加水用，有闪粉，好用，不过好难闻既味道。

超级中意既两个产品，Fancl既贵价防晒，不过一分价钱一分货，一d都唔粘，其他防晒同渠冇得比。
不知名韩国唇彩，D味道好中意，淡淡果香，中意到成日舔嘴唇！效果好到＋01，搽完嘴唇好水润。

Za十周年限量版粉盒，一直都无多舍得用。超级中意个粉盒～好Sharp 既金色。

绿色好大支既系意大利既品牌，Alyssa Ashley既绿茶身体乳液，会令人上瘾既绿茶味道！朋友系欧洲买俾我既，不过虽然好中意，但我觉得呢个牌子好昆水，好稀咖，好似水甘，夏天用味道令人为之一振啊！
细个绿色既系瑞士一个贵价保湿液，透明既，冇味道，不过实在唔系一般既滋润。
有个米字既系Sana既保湿化妆水，呢个系列有两种既，一个系水状，一个系比较绸，我呢个系比较绸既，好似精华液甘，冬天用好掂当！
圆盒系西班牙一个唔知到乜牌子既润唇膏，朋友送既，水蜜桃味道，好吸引人，搞到我成日舔个嘴唇。
之后个两个系Cosline既水洗面膜，番茄既系去黄气既，好得意既粉色，黄色蜂蜜系保湿，两个都系香香甜甜既，不过黄色既有少少药味。都好好用咖。

上排白色个个系屈银纸买野送既，用过一个，OK啦～
第二个系骨胶原，效果。。。soso
第三个系玫瑰果～香，不过睇唔出效果。
第四个系炭咖，洁面效果可以接受。
下面金色既系中药睡眠面膜，唔使洗既。高丽人参，雪燕珍珠，冬虫夏草同灵芝孢子，又平又好用，大概7蚊一包，一包可以分三次用。

最细包既系贵价Fancl既Inner Active面膜，我只可以讲～一分价钱一分货。ic46tu:
两个相叠既系Hisamitsu既眼膜，蓝色既系透明保湿液既，红色既系白色牛奶乳液既。
红色既面膜系美容保湿，透明既，剪裁上比块面要大。
最前面既眼膜系好似Jelly甘咖，好似块胶甘，唔系湿既，唔怕整到周围都系，我用过效果比较明显既眼膜。
分红色既面膜系心机美人既，一个台湾牌子，好算可以吧！

呢个就系我最中意保湿面膜啦，Hisamitsu里面最好卖既！Hisamitsu既面膜美容液超多，每块都有20ml，敷完面个袋入面净翻个D美容液擦埋手脚都有剩咖，多得夸张，我系日本狂扫翻来既牌子。呢款经常卖断货。但其实Hisamitsu既所有东东我都中意。

[ 本帖最后由 lolly 于 2008-7-21 00:04 编辑 ]

附件: 您需要登录才可以下载或查看附件。没有帐号？注册