流水帐之广州火炬一日游!

广州, 火炬, 一日游, 流水

琴日真系身心都好疲累,但系系值得嘅
原本我打算跟住火炬跑,后来发觉可能性唔大
于是就谂住去D著名D嘅站点,例如南越王墓,广州艺术博物馆,陈家祠等等/ E* d3 ~' D' r) a7 c3 e; P
因为嗰D地方起码有车去到,去到之后都知道系咩路线传- q$ @: W# _, K
但有感人山人海,哩头广州市鼓励市民尽量出门尽量坐车坐地铁- o1 V* P6 J8 ^% y$ n# y
嗰头又话部分公交改线路,部分地铁又只许进不许出,打的又话封路
咁嘅情况之下我决定缩短我嘅路程: 起点-海珠桥-终点.  r5 }; l' ~, |4 Q( I# V3 Q
整个过程我真系行左成个广州咁滞...
头嗰两站庆幸地我都企第一排
而系终点站,我做左一件我觉得比睇火炬更加有意义嘅嘢,) {( X* l. f5 v% ~* M& d% f5 w
想知啊?睇落去啦~! 字数比较多,唔好介意! 睇相嘅请去[贴图区]8 t8 v3 I+ g/ Q% q) X' O: x

8 G9 o1 l5 p2 I' g& \
6:00
临出门口先睇到报纸话要我哋着红色衫,我谂谂下,都系唔换喇,费事晒左D时间.好在落到去车站,啱啱赶上头班车.部车去到环市路嗰阵,仲上左几个拎晒枪嘅武警!!枪啊!!!!
7:00-8:00
终于去到白云国际会议中心,我先知道原来我以前翻学放学成日经过嗰度...- X4 A3 |" W1 U
一落车,好多人啊,于是我就向后行,越行越少人,我就惊火炬会唔会唔经过我企嗰度.卖左两支旗仔,继续等.其间越嚟越多警察,后来仲拉埋警戒线.后来听人讲,原来我企嘅位置正好系火炬由白云国际会议中心出嚟嘅第一站!. ?6 [' Q3 A/ p7 ]) j3 P& ^
8:01-8:302 f; V  r8 \8 h) A& j
开始封路喇,我哋都好期待.忽然间见到天上面有三架直升机,对面马路楼顶又企左几个阿sir.警察又多左.而对面白云国际会议中心又放汽球又放白鸽.我哋知道,终于开始喇!!! 对面马路本来唔畀企,好多人唔听讲行左出去,D警察阻止唔嚟,惟有畀佢哋企啦.其间我哋见到火炬手投放车,上面坐满晒火炬手,佢哋有D拎住支火炬,又D同我哋挥手,我认到其中一个外国火炬手,佢好得意!
终于传到喇!我哋嗰度D人唔理三七二十一,扯开D警戒线冲出去马路,本身系第一排嘅我冲到出去都系企第一排!!我唔知嗰个火炬手系边个,净系知佢戴眼镜..火炬嚟到嘅时候全场欢呼,个个都好high,个个都大嗌"中国加油!"不过可惜啊,眨下眼佢就跑过左喇..
8:30-9:00
因为我唔知去边度坐车,于是就跟住D人行,点知入左去白云国际会议中心,嗰度好大啊!好多人,我见到好多采访车,仲畀我影到一个竞赛频道嘅主持人直播添!!
9:30-10:30
我行左半个钟先搵到有啱嘅车坐..而且仲要塞车塞左半个种!!车上面我听人讲,火炬2点先到北京路.几好啊,我可以趁佢未封路之前去到,仲可以食个饭先.开头我都有谂过去北京路睇,因为北京路有千年古道..但系我见车上面好多人都系去北京路睇,于是我决定去下一站,海珠广场!
落车之后我就去左M记食嘢,顺便歇一歇.
12:30-2:30
我见到M记入面好多睇火炬嘅都拿拿林落去,我又跟埋去喇..
海珠广场企左好多人,我点逼都只能够企第三四排.我知道会经过海珠桥,于是我又走左上桥,哈,嗰度竟然冇咩人喎,我又企第一排喇!桥上面人越嚟越多,太阳越嚟越晒,我块面晒到红晒啊!其间无论直升机经过又好,汽车上面又人向我哋挥旗仔又好,又人影我哋都好,我哋都欢呼,好似傻嘅咁.又不停嗌"中国加油!北京好运!"! `! f9 Q: D" b2 [6 M2 n5 w
突然间我哋见到好多警车,又见到好几部坐满警察嘅大巴.火炬到喇!!我哋D人癫左咁尖叫,挥晒旗仔&大旗.同样,火炬好快又跑过左...同之前一样,火炬走左之后我哋都唔舍得走..
3:00-8:00
我行到去滨讲打算坐的士去终点,点知原来好多人都打的,我就想后行,好好彩,又部的士落客,我就跑左上去.我话去天河体育中心,个司机都好头痛,佢话唔知东风路有冇封路,有叫要兜路行..但系周围都封,兜边度佢都唔知..好在,东风路冇封.其实兜路我都冇所谓,鬼叫系非常时期咩..& c2 A: w( s2 i- d" e  w& K
去到天河城,开始塞车,我见好多揸住旗仔嘅人都落晒车,我又落埋一份.本来以为我都算早,点知原来系算迟!去到嗰度,D人简直,堪比今年过年嗰阵嘅广州火车站.简直行都行唔到.好唔容易逼到入去门口,但系个个都唔知火炬会系边度嚟..我漫无目的咁跟住人流行.行到去东门,我见到有志愿者手来手咁围住栏杆唔畀人爬入去,但系又好多人(特别系捞嘅)蛮不讲理,系都要爬,D志愿者又唔够人,于是.....我就加入左佢哋!!!!!!我咁大个女都未试过一日之内拖过咁多男人只手(亦可以话,未试过日之内畀咁多男人拖我只手.)话就话男人,其实个个同我差唔多年龄.其间好多人都问我可唔可以加入我哋~梗系得啦!- z$ K& C( ?% ~8 a) H: k
我哋围住D栏杆,讲得最多嘅系"不好意思这里不可以进".嗰度真系好多人,好焗,好似发紧40度高烧咁,D人又系都要逼..
有一个捞佬,夹硬要爬,仲要系正我嗰度!佢死都要爬上去,我哋几个人死都要拉住佢,佢成个人系凌空嘅,混乱中我feel到畀佢踢左几下.搞掂佢之后一切回復正常.但系,我左边心口好痛,呼吸好困难,可能畀佢踢到.好在后来都冇事.
我企左三四个钟都冇喐过,好攰,只脚开始震.其实系因为D人不停咁畀,我要用个身挡住唔畀人爬,成个身嘅支撑点就落晒对脚度..
究竟火炬几时到,由边度入,我咩都唔知,咩都睇唔到.但系我觉得好值得,好多人经过我哋身边,见到我哋手来手咁,知道我哋系志愿者,系好自豪嘅.就算睇唔到火炬都冇所谓啦,反正之前我都睇左喇.
8:30-9:00
因为条水晶手链畀好多人摸过,吸晒佢哋D气,火炬入左天河体育馆之后人又多,一时之间都翻唔到屋企,所以我就去左正佳广场,我买水晶链嗰间店将条链消磁.9点我先走..6 f* Y3 X2 q. G) S8 f3 l9 X2 k
翻到去,连自己系边个都唔记得喇..- x& W6 S' w- Z
咁就完左喇,广州市同所有广州人嘅第一次,亦可能系未来几十年嘅唯一一次./ Q* i1 ~: m" l; q
琴日成个广州都系红色嘅,红色衫,红色国旗.你系可以感觉到,成个广州都充满激情,好开心,好激动,好兴奋,好自豪,好满足.