受够了..

今朝一大朝早你哋就嘈醒我,咁我补翻D睡眠时间都好应该啫?

你就闹我.

你问我去唔去听讲座

你问得我"去唔去",即系有选择啦?!

我话唔去你又闹我.咁你做咩问我啊!?

你叫我,我唔系"嗯"就"哦"噶啦

你又闹我

唔讲嘢你就话我冇大冇细,出左声你又话我,你想我点啊?

我根本就咩都冇做过,一粒声都唔出坐系你隔离食饭

你就一边食一边闹,

又话我唔积极, 又话我冇自觉性,又话我冇良心,又话我唔系人

你系我咩?你知我谂乜咩?

你成日唔系度,你点知我做过D咩?冇做过D咩?

我冇自觉性,冇良心?!

如果我冇,我一早就败晒你副身家,晚晚出去蒲唔翻屋企,细细个就学人食烟劈酒啦

我咁大个女净系出三次夜街咋! 仲要次次都系你车我去,车翻我翻屋企嘎!

我由细到大去亲边度都会同你哋讲,亦都好少乱用钱买嘢,日日放学就翻屋企,星期六日又唔畀出街.

你仲要话未见过有人好似我咁衰?!

成日搵我同你细个比.

大佬,你细个文革啊,点比啊?

你哋成日话我第日肯定唔会养你哋.

你系先知啊?你识预测未来啊?

你又唔系住系我个脑度,你点解咁肯定我唔会养你哋啊?

哦,因为我冇同你哋讲?

唔系所有嘢都要讲出口嘎

我根本就唔系嗰种中意将自己谂法讲出嚟嘅人

讲左又唔去做,咁讲嚟有咩用?

人哋情侣讲"我爱你"都未必真系爱啦.

使唔使我每日食左几多粒米都要同你报道啊?

生女唔知女心肝.

我知你哋系为我好,我知嘎,

但系你哋话我之前,可唔可以先了解清楚

我系咪真系正如你所讲嘅咁先呢?!

我真系觉得好委屈

明明冇咁谂过,你哋就偏偏一口咬定我系咁谂

喐D就话我哩样唔啱,嗰样唔好

再唔系呢,就咩都抓晒主意,唔理我点谂,然后就话我冇谂过.

同你讲我嘅谂法,你又话我驳嘴驳舌

我系人,我有感觉嘎.

我自认我EQ唔差

好多事过一阵就会唔记得

记得嗰D我都会自己默默消化

我一直都好努力将所有唔开心唔如意唔愉快吞晒落肚

同朋友诉苦永远都只有人哋诉,我做开解嗰个

我唔担保我所有吞左落肚嘅委屈唔会一次过爆晒出嚟

亦都唔担保我唔会突然攞起把刀插落自己度.

我真系受够喇.