黄子华语录..识睇广州话的绝对唔可以错过...唔好含住饭睇啊!

黄子华, 广州话, 语录

1. 愛情 ) I7 U& @( T" v
白雪公主，幾咁純潔無瑕。但係諗真啲，白雪公主，識得嗰個係王子，灰姑娘識嗰個又係王子；有個有特殊嚐好，鐘意錫青蛙嘅女人錫咗隻青蛙一啖，隻青蛙變出嚟嘅又係王子！有冇人諗過根本個王子係同一個人呢？根本呢個王子都不知幾花心，周圍溝女。仲無良到扮青蛙去溝添！
2. 情竇未開
我第一次戀愛之前，我認為自己就係楊過，而我同書里面個楊過唯一唔同嘅地方，就係佢有隻大鵰。
而我嗰陣，就鐘意撚呢個相思同畫眉多啲。同楊過一樣，我從來冇諗過要考第一。 ( \: m3 `$ g8 z; \1 }0 H* h
我只需要愛情，只要搵到我嘅小龍女，我就可以拋棄學業，退隱山林，搬入新界住。但係我一定要住西班牙別墅，我唔住得村屋，我怕蛇蟲鼠蟻。然後每個月至多出一次市區，不過我唔會逗留得耐，問亞媽攞完零用錢我就會入番入去。
冇錯，基本上，我由中一至中五都係喺呢種咁超然嘅思想下度過。嗰陣時學校最流行嘅辯論題目係：“中學生應否談戀愛？”我認為，我哋應該辯論嘅係“中學生應否讀書？”
而喺我第一次戀愛之前，我嘅小龍女只需要一個條件，就係靚，我知我知我咁樣諗好膚淺，但係嗰陣時我仲细，唔知道原來身材都好重要嘎。
3. 性
聖人話:“食色性也！” 食同色，好唔同！一個人無論幾鐘意食，會唔會比幾十蚊入戲院睇套“蒸氣騰騰小龍包”？一個人無論幾鐘意食，又會唔會為咗望一舊冇包住嘅牛肉望到畀車撞？
4. 愛情
戀愛唔係PART-TIME，你唔可以話：“愛！做完咪走囉！”戀愛係一盤生意，你要二十四小時諗住佢。自己生意，冇所謂PART-TIME 正識。人哋放假或者過年過節，你更加要開OT添。行花市啦行海邊啦睇戲食飯啦……
你有乜嘢競爭對手呢？我冇競爭對手？！你估你係專利巴士公司啊？港巴都執咗啦！有冇考慮結婚？咁就要向公眾交代，咁就即係上市啦！所以，“中學生應否談戀愛”唔係問題，問題係“人類應否有兩份全職工作？” # t9 l. S& g( Y6 u& [/ N$ n
你再拍拖，需要知會你老闆：“老細，我出面搵咗份戀愛，我真係好需要呢份戀愛，不過公司啲嘢我會照做，我兼顧到嘎。”然後你老闆會話：“咁你不如搵多份戀愛，咪直情唔使番呢份工囉！” 3 v" n) x2 H) t& }3 Q
5. 新鮮
依家啲人溝女，對絛女最大嘅要求係乜啊？唔係靚，最緊要，係夠新鮮！ + n5 _! U: u( U" Q8 J9 s# a
乜嘢叫做夠新鮮啊？就係話，溝咗一年嗰個，就唔夠溝咗半年嗰個咁正。因為半年嗰個新相識，新鮮啲。同樣，溝咗半年嗰個，就唔夠三個月咁正。溝咗一個月就唔夠半個月嗰個咁正。溝咗一日就唔夠半日嗰個正，如此類推，終於…… 溝咗嗰件，就唔夠未溝嗰件咁正！ ! u! H3 `& J: p# Q
咁即係點呢？仲溝唔溝好呢？一溝就唔正？！
6. 女人偉大 " q8 m- C& B- |3 |
黃：係愛情之中，女人最偉大！ 2 F6 @0 G& e6 j% J+ u2 q
男人嘅犧牲，就為咗追求美麗；而女人嘅犧牲，就只係得到一個麻甩佬！而最偉大嘅係佢哋根本唔覺得係犧牲。
如果你話畀一個女人聽，喂，你男朋友有口臭！
張：車，人梗有局部缺點嘅！
黃：佢仲有臭狐同香港腳喎！
張：咁佢咪好平均咯！
黃：佢啲鼻鼾聲唔使攪咪啊！   e& J3 F+ f' z7 d4 }
張：我男朋友一定係夢見我，我開心。
黃：佢屙尿亂咁啡！ 7 c* r2 F6 \& S' f6 a) \
張：好壯啊！
黃：佢啡完唔洗手！ & P' h' M# E( H8 [. L3 n9 a
張：邊有男人洗手嘎！ & j5 l2 ~( }( `. b/ q+ l3 l& C3 B
黃：我有！
張：姆型！ 5 V- L% m( f1 x# W. L8 K) U
黃：佢仲講粗口啊！
張：但係佢心地好！ ( P9 p/ W! r" m7 X
黃：佢係電梯度食煙喎！ 1 P0 e+ }2 O3 U+ [2 W9 K1 V# B
張：公眾場合都唔畀食咯，佢咪呢埋一邊食囉，你哋仲想點啊！你係咪想逼死佢？！係咪想逼死佢？！呜～～～
7. 責任何在
如果你話我聽，因為我唔靚仔，所以唔可以做戲，你唔應該話我聽！因為唔關我事，我唔應該負呢個責任，你應該同我父母講，係佢哋攪成我咁嘅。如果你要罰，應該罰佢哋。以後，邊個醜樣，就罰佢爸爸媽媽唔準做戲！或者剩係做茄呢啡！   L1 Z0 P# V; s: q1 _& W/ W2 B3 ?
我唔係一個唔負責任嘅人，為我爸爸媽媽嗰短短一剎嘅快感，我已經負責負咗廿幾年。你估做我好易做啊？ - ~& f' u+ `/ X$ D* a+ y
我細個讀書唔好，或者唔合格，我冇要父母負責。我自己簽晒啲成績表嘅。 2 p. `8 O: D' i$ ^3 k% Y
每當我爸爸媽媽有爭執鬧交嘅時候，我有冇叫佢哋為咗我嘅童年著想，忍下對方？冇！我叫佢哋出街鬧！ 7 w. N5 P# J3 g$ S  {2 ?& w$ s
我大個咗，唔知應該信邊個宗教，唔知做人為乜，唔知人生事業嘅方向都冇要求父母照顧我。 ' o5 y6 |% m3 [# t
反而係我調番轉頭，提醒佢哋：你哋要搵錢啊，積穀防飢啊，唔係第日老來無依無*啊！ / O  l3 b3 u5 W' t& ]; t* u$ W) c
乜嘢都係我！
8. 男仔唔駛靚仔
靚仔係唔係真係咁重要啊？有啲人話男人唔駛靚仔嘅，有才華咪得囉。
係，你有冇試過帶你嘅才華去落disco識女仔啊？人哋啲靚仔一行入去，唔使二十分鐘，就已經同啲女仔互相問問題：“你度定我度？” 6 U3 w( B* \4 Q6 w; [
我帶住我嘅才華入到去，幾艱難先搵到個女仔肯畀個機會我。唔係畀機會我交換問題，而係畀機會我天才表演。 7 N5 j0 B- k! F, N! v( r$ o( a3 q
唱歌跳舞做話劇講大話功夫表演，成套歡樂今宵一個人做一次…… 8 z3 k: v0 L: o; }
9. 演戲天份
我從小就知道，我係一個偉大嘅演員。
人哋細個成班細路群埋，鐘意玩扮結婚，扮爸爸媽媽。我細個，就鐘意扮姦夫淫婦。 ) _# Z' ]( J; I: m; d1 i( S
但係唔知係咪我個樣比較老實，我係從來都冇機會扮奸夫。每次我都係扮淫婦……嘅老公。 - v+ c4 L7 ~# T4 C2 X9 L
雖然係咁，雖然，我亦都係成班人之中最細嗰個。但係我已經可以將一個妒忌嘅男人心態表現得淋漓盡至。 " _) N$ D8 R5 T& Z! z3 j3 ]# I
當然，我啲朋友個個都讚我，話我天生出嚟，就係戴綠帽嘅。
10. 死亡
細個嗰陣，我係唔怕死嘅。
我覺得，係以前啲人先會死嘅。係歷史書裡面嘅人至會死。好多人唔明歷史有乜用，歷史咪話你聽邊啲人死咗囉。 ; o1 F% z  @" [" y
我從來未睇過一本歷史書有提到黃子華呢個名，我點會死啊。最緊要係，就算死都唔係乜嘢一回事。 , F& ]0 J/ T; l. C4 @0 }" U
細個嗰陣隔離陳師奶成日叫佢老公：“咁多人去死你仲唔去死？” 0 o! H! P, C, ^7 J) F" a
然後去完番嚟,阿陳師奶又會話：“死番嚟啦，唔死多陣添？” 6 J+ A. ]. R. m3 e' j) f$ ?  W" l
所以我一路都認為，去死，即係去街，同埋一定唔會去好遠。因為阿陳生每次都好快就返嚟嘅！ 1 ]; N! J5 i. }/ A. M
11. 賭馬
喂，賭馬係需要付出好多嘎。 * u& S) @7 Y3 A3 I
朝早要睇晨操夜晚要睇董鏢，又要同朋友交換讀書報告。
你估我哋睇得書少？市面幾多馬經啊？ 8 Y8 `1 T+ n: b2 ?
仲唔係話你睇得多就得嘎喎！
香港啲馬經，一埸十隻馬，十隻馬都有人貼，你自己思想唔夠獨立，咁你就死梗啦：
唔該，呢場每隻幫我落100蚊啊！希望中啦！ - @* A/ u$ H4 D, A* T, k
夏天嚟啦，抖暑啦，你估係畀啲馬休息咩？係畀我哋休息啊！ 1 f; d6 X0 ?: X' ?" u$ v
12. 泳池
黃：去公眾泳池嗰啲唔係叫做游水，嗰啲叫做浸水。因為喺公眾泳池游，只可以用一種泳式，就係彈式，同一個位，彈下彈下。
張：如果係高手可以用式，但係要潛落水底嗰度用。
黃：點解香港啲泳池咁鬼逼嘅呢？ - A, I- B( h# C' h( R
張：唔好問啊，趁人多你好快啲浸下。等陣所有人上晒水嗰陣，你就會發覺，個池啲水原來到膝頭哥嘎咋！你去浸腳指啦，下次。 & j- @0 a8 O4 x) t
黃：其實我哋香港人都習慣咗人多，去浸下水都好。但係可惜嘅係，呢啲水，唔係一般水，呢啲係暖水！你成日喺泳池度，你會髮覺有啲人，全身唔喐，眼碌碌。
張：哦！你喺泳池屙尿，咁冇公德心！由細到大我老豆都教我嘎啦，急尿，去隔離池啊嘛！
黃：所以我喺度，趁呢個機會，同你啲儬仔講啊！游游下小童池就走过嚟大人池，擒喺個池邊，唔好話我聽係學游水啊！
張：特別係擒正喺噴水口嗰啲啊！想毀屍滅跡啊！
13. 改名 $ P7 {) \* @* w) e6 M
改名，只係啲父母將自己嘅主觀意願套喺啲仔女身上。所以大部份女仔唔係叫美乜就係麗乜。男仔唔係叫阿堅，就係阿強，一唔係就叫阿祥。咁我哋係咪好美麗，好堅好強好長呢？
14. 黑白不明 * X4 w$ I4 m( s, b9 \
我非常欣賞鄧小平嘅“黑貓白貓，捉到老鼠就是好貓。”我老友阿雄個老婆生仔，生咗個黑人出嚟，我都係咁對佢講：“黑仔，白仔，快高長大就係好仔！”
15. 鬧人 7 d& ]9 j( U3 G9 U* Z) {8 u
以前我哋笑人，會話：“你有得發達？太陽由西邊出嚟啊！” 依家我哋就會話：“你有得發達？建築面積等於實用面積啊！”
又或者話人醜，現在我哋都會技巧好多：“你唔醜，你點算醜啊，你係塊面唔多實用咁解嘛。你嘅鼻台太大，啲眼耳口鼻咪唔見使囉。” : }9 j+ Z% h3 U! u: }, @
16. 失戀
失戀係會令人成長嘅。我失戀之前，一向都覺得世界上所有問題都有答案。 . A' w: e9 X/ v8 y# n% `! a0 L
點解我哋每日都要8點鐘起身返工啊？因為夠鐘囉！ . ?& R1 F' l8 _# r( o! |; ^2 _
點解我哋有夠鐘呢樣嘢啊？因為我哋唔用浮動上班時間囉。 : D( k  Y0 ^  I# H; s) z
點解呢個世界有戰爭？因為我哋有武器羅。
咁點解我哋要有武器啊？因為佢哋有武器囉。 . ^5 ^+ L8 `2 n+ F* W/ V/ Y3 d
一切都有答案，直到我失戀。 3 F! y. b# _! E2 l/ G/ H
阿珍，點解你唔愛我？阿珍畀咗一個經典嘅答覆我，佢話：“愛情係冇點解嘎，係唔可以解釋嘎，唔好問啦。”（記緊呢句啦） ! L, I# N7 r& m, \
如果番學阿sir問我嘢都可以咁答就好啦！“黃子華，物体燃燒點解需要氧氣啊？” 6 q& A' F2 k% K% ?
“阿sir，係冇點解嘎，係唔可以解釋嘎，唔好問我啦！” ; ]7 W% _( X. v4 h9 L1 f/ a% D- g
17. 隆胸
葉子微簡直為演藝界創下新標準。 # G7 F- v1 h. I2 D- Z
以後啲女仔想做明星，又唔使睇樣，又唔使睇演技，去磅啦！！！（加強語氣）得，入去磅一磅就得啦。“開黎，六斤半，片酬係六千五蚊一日，小姐做唔做？”“開黎，八斤有疤痕，八千減一千疤痕費，即係7千蚊一日。”
你話幾客觀呢！　
18. 愛滋論 4 h5 T1 I0 B9 G: B6 p5 q! V* }
點解冇人提及大陸收番香港呢？
其實即係有愛滋一樣，你係唔係走去驗先，我驗咗你係唔係可以醫番好我先，唔係嘎嘛，我咪唔去驗囉，咪當自己冇囉，如果有就等發出嚟咪死囉，係咪先？（高半聲） ; \; D+ @( s0 s3 m! _# {
同樣大陸要收番香港嘅問題都係咁嘎嘛，係唔係講下佢會唔收先，係唔係我帶侒荃套佢唔收，我見客又帶，連食飯都帶3個，唔係嘎嘛！（低半語） . L% c" F( l! j3 v4 B
大家嚟做個大嘅笠住香港，唔係嘎嘛，你講唔講，佢要收就收嘎啦！！
19. 一家和一國兩制 2 w- T& N% X! F& B7 s
世界上有乜羞恥得過親娘接返個親生仔番嚟，然後同個仔講：“阿仔你放心，我哋一家兩制嘎，嗰個係你大佬！”“仆街，人哋叫你啊！” （同大佬講，打大佬個頭）“sorry...sorry...有冇嚇親你啊，唔會發生喺你身上，我哋一家兩制嘎嘛，五十年不變！”
你知唔知道一國兩制最偉大嘅地方係乜啊，一國兩制最偉大嘅地方就係佢哋都肯認佢哋自己個制真係嚇親人啊！ ) {. P. l4 B* }9 {
20. 放假 7 o: }' _0 \* @+ ~
黃：一般人都會好珍惜每年一度嘅年假！
張：今年我要去夏威夷游下水。 % u0 f5 d/ j# T! n  O* |5 t
黃：如果你決定去夏威夷，你就要預咗付出沉重代價！前四後六！
張：我講緊係年假，唔係產假啊，子華！（真係啊……） # Y( Y5 Q8 A$ {
黃：前四後六嘅意思係，喺你放假之前嗰四個禮拜，同你放假之後六個禮拜，都要做到仆街！（死未）因為無論你放幾耐假，你嘅嘢始終係你做番。 ! V+ P( F' G6 s" {
張：係你嘅始終係你嘅！
黃：唔單止，放完假，唔係你嘅都會變成係你嘅！
21. 金撈 5 v0 q# d# f1 h( B" _9 f
點解要帶金撈？唔帶勞，有乜資格同人講，時間係寶貴？我嘅時間點值錢呀？（你話係唔係先）
嗱，支時針圍住行一個圈，12個鐘，十幾皮嘢，即係為皮幾嘢一個鐘。你一個鐘值幾錢啊？
幾舊水？我點同你一齊食飯啊，大家時間觀念咁唔同！ ) a: L5 r3 w) M/ n
唔單止咁，你帶撈，表示你個人有幽默感。勞力士，有邊個靠勞力搵食嘅人帶得起勞力士啊？越帶勞力士嘅人就越表示佢唔使用勞力！呢啲，就叫做幽默感啦。
22. 女愛情觀 0 l- r; S# J: F  w0 B% ~  u
女仔對愛同鐘意有好大嘅分別，如果個女仔知道個男仔鐘意佢呢，佢都會同佢去下街，睇下戲，食下飯，但想做進一步嘅嘢就唔得啦。
而女仔知道個男仔愛佢嘅時候係絕對可以付出更多。喺女仔心目中，鐘意等於“幫襯”，鋪鋪清唔好找我更多好處。 8 W" w( x; e8 u( |& B
但愛喺女仔心目中等於“收購”，收購包括“注資”，然後“閤並”……（係呀，係呀！）
所以女仔要男仔將佢嘅愛注資落嚟，嚟護口注資落嚟，最重要嘅係嚟錢注資落嚟。
然後去買 Joyce啦，Panda 啦，Gueeo啦，買到一身都係，等佢認為可以鞏固佢自己嘅價值，但佢哋係絕對冇得到男方嘅同意嘎！ ' {- z' L" Q, O6 C
嗱！我宜家同你哋講啊，你哋嘅黑箱作業，好容易破壞男方嘅經濟嘎！（你哋都好有共鳴啦） + G* b  ]7 ]; i# ~& D0 d9 E4 S4 z% {" e
23. 男愛情觀
男仔對愛就好隨便，愛同鐘意都冇分別，只要佢知道你鐘意佢，即刻可以帶你番屋企，或者去你屋企。
係唔係男仔心中冇愛呢？我覺得又唔係喎。係佢哋比其他人更清楚愛嘅定義。愛係乜呢？根據耶蘇嘅講法係：“愛係恆久忍耐又有恩賜，愛係不張狂，不大喚，不作害羞的事，忘記別人的錯。”
你話啦作為小小男人嘅我哋又點可以隨隨便便同你講聲愛啊！
所以以後有人同你講愛，一就係佢講大話（加強語氣），二就係有個耶蘇喺你面前啊。
但耶穌主將愛人如己任，博愛嘎！ / V  o" N. f0 y7 C, z- |
24. 自重
當乜嘢人都唔搵我做嘢，我就知道，我係一個偉大嘅藝術家，在生嘅時候係唔會獲得應得嘅尊重。唔止咁，我仲偉大過偉大嘅藝術家，因為我知道，我死後都唔會受到尊重。
25. 紅館 * B, X: L0 |* F" k) A# w7 ~0 m
依家做歌星，好犀利，因為有紅磡体育館。因為呢樣嘢，做歌星，可以喺一晚，就賺晒你哋朝九晚五一世人都搵唔到嘅錢啦！
啲人話，我真係唔明張國榮點解要退休，（點解？）佢一晚已經搵咗你一世搵嘅嘢，佢一晚已經做咗你一世人要做嘅嘢，仲有乜嘢可以做啊？唔退休做乜？做五場，已經輪迴五次！做三十場，輪迴三十次，如來佛祖都話：使唔使？ ; V6 E" ^6 q0 K: }( ^) U$ b/ b/ E+ R, j
啲人話，唔係嘅，佢唔捨得退休嘅！佢最後嗰場演唱會，佢自己都喊嘎。佢係喊，不過唔係為自己喊，係為咗你哋喊啊：“我就退休啦，我聽日就唔使DO 啦，你哋聽日仲要番九點，唔好遲到啊！！”
26. 迷惘
喺公司，老闆會同我講：“你番嚟唔係瞓就係去廁所，你當呢度係屋企啊，呢度係公司啊。”
我番到屋企，阿媽又會話： “你仲當呢度係你屋企咩，你番嚟唔係霸住個廁所就剩係識瞓！” % o# X2 k$ Z# z; a2 X2 }- v- Y/ {
咁……咁我番屋企又唔瞓覺又唔去廁所，番公司又唔去廁所唔瞓，咁我呢啲嘢去邊度做啊？ ( x* b6 m+ R: L/ Z7 R- {  R5 I
不過後嚟我諗過自己又係過份啲嘅，於是我就痛改前非。以後番屋企我就剩係瞓覺，番公司就剩係去廁所。 ; c6 C: k  B0 p6 |$ s5 J
27. 居安思危
董建華講咗咁多嘢。知唔知最啱係邊句？大家知唔知啊？ 0 t/ U" Y  y# r) A9 j
最啱就係：“我哋要居安思危，居安地思想危難嘅時刻。”
呢句嘢好得意嘎，居安就思危，咁你居危時思乜呢？你梗係更加思危嘎啦，咁樣居安嗰時要思危，居危時又思危，咁安嚟做乜鬼嘢呀！？（係咪先）
我哋居安就係唔想思危咋嘛，我哋宜家居安都要思危，董建華就話咗畀你哋各位聽：“你哋安極有限啦老友！！”
28. 老豆
我一向以為老豆，係option嚟嘅，附加嘎咋。
無錯，大部份人係有老豆嘅，就正等於大部份嘅車係有收音機一樣。但係嗰樣係option嚟咋嘛，唔係架架車都有。所以我細個嗰陣好憎啲儬仔成日喺我面前話：“我老豆點點點……”
我覺得嗰啲人好晒命，就好似你有部車，不停咁同人講：“我部車開蓬嘎，大包圍嘎！” 你不如話：“你老豆開蓬嘎，用無鉛汽油嘎……”
29. 十八歲
點解十八歲先至係合法年齡呢？因為到咗十八歲，喺法律上我哋就要對自己負責任
多餘，唔通十八歲之前，我哋就唔使對自己負責咩？唔通十八歲之前，我就可以隨時撲出馬路：“我唔信啊，我17歲半咋，你敢撞死我？”
唔通十八歲之前，我喺油麻地踩完個紋身佬一腳，個紋身佬會話：“死儬仔，你未夠十八歲，我忍你！” 0 U" ^6 n, l" w: A
唉，十八歲嘅最大好處，就係你到咗一個合法嘅做愛年齡。我想請問，有邊個做愛係因為合法先做嘎。我以為大部份人做愛係為咗快感同高潮。抑或你想話我聽，十八歲之前做愛係冇高潮嘅，十八歲之前做愛係白做嘅！咁樣十八歲就具有特別意義啦！
30. 中國古仔
每個番去大陸一定有起碼十個故事講番出嚟。歌仔都有得唱，一首歌總括番大陸嘅經驗： 2 d& y+ P' |  U- C3 l  y0 j! q# O8 x
“十個古仔，九個係曳，淋漓盡致，嚇壞腸胃，公安綁架，霸肚生仔，番到大陸，實會心悸，啊亂個鬼，賤個鬼，死俾你睇，法律隨時倒轉夾硬嚟，人人自動自覺甘心做蟻，因為馬克思你無曬問題，因為馬克思你無曬問題！”
31. 拜年
呢幾年，拜年嘅賀詞之中，最流行係邊句？祝你——不勞而獲。（唔係掛？） 8 d( |; a2 ?% W, x
恭喜人哋發財當然好，但係發財，都要有方法。有邊一個方法，好得過不勞而獲？（係咪）
不勞而獲嘅方法就係唔使方法，唔使方法就係最好嘅方法。我哋想發財，已經想到到咗一個禪嘅景界！ * D8 K# z; f5 D1 R2 O4 z0 T- m
不勞而獲既然可以成為新年賀詞，我期待喺未來幾年，我哋話人蛇鼠一窩，即係讚佢合群，話人非奸即盜，即係話佢勇敢！ . d6 O+ A' q4 f+ ]0 C7 Z0 W
嘩，真羨慕你呢個家庭，真係蛇鼠一窩非奸即盜。梗係，唔係我哋點會陷家富貴！
32. 兒童教育
我一向都認為，我哋成日呃啲細路仔，懶係nice 咁對佢哋，講到呢個世界乜嘢都好好咁，咁係唔啱嘅。（何解？） & F9 i+ \; \2 L  f" d
細個我同媽媽搭飛機，睇見廁所嘅水係藍色，我未見過，咪走去問媽媽嗰啲係乜？媽媽話：“係天空。”所以我就成為世界上第一個食過天空嘅人。
細個啲大人成日講童話講白雪公主。（你都聽過啦）佢哋講嘅就係白雪公主又靚又好人，好值得去追求。 # B* U: w# C; w! \
但係冇講到我哋唔係白馬王子！邊個人至係白馬王子啊？起碼有隻白馬啦。咁就即係馬主啦，你話係唔係啊？
講啲唔講啲好危險嘎。即係等如你同個細路仔講：“小明啊，飛出窗口好過癮嘅，成個香港望晒嘎，浮下浮下……” 但係唔同佢講：“不過你落到地下個陣，會快過搭電梯好多！” . o! H6 i& a. b5 Q; D' }; p4 K
33. 用家炒家 . {2 E# @; I1 ?6 q; z8 b
好多人結婚，最初就以為自己係婚姻嘅用家。後來先發覺自己係感情嘅炒家，於是想離婚。但係離婚又要攪幾年，睇住周街都係新盤靚盤，自己個盤又放唔出，幾難受！ 2 |" a* h6 ?/ O
34．扒 7 L/ B7 q7 `* \) ^
如果你係一件豬扒，咁你基本上係唔使減肥囉～一件豬扒，減咗肥，就係一件瘦扒，一件瘦扒就係比豬扒更唔開胃嘅扒，係咪？你買叉燒都唔要嗰啲啦

黄子华语录..识睇广州话的绝对唔可以错过...唔好含住饭睇啊!

相关主题：

[收藏此主题] [关注此主题的新回复]

[通过 QQ、MSN 分享给朋友]