VTX 剧场版 剧场, VTX

Mika

我唔记得个题目应该点写...

那个什么基基,lydia-GG(有冇拼错?)你哋都快D写啦...

今次改短左少少..


男主角独白:我又行到哩到啊?

每当我想静静地咁谂下嘢嘅时候, 都会不自觉咁行到柏丽广场. (苦笑)我都唔知点解. (叹气)或者, 系因为佢啦.

老婆婆: 伯爷公, 小心D啊, 如果唔系撞亲就大件事喇.你知你噶啦, 几廿岁人..

老公公: (微笑)知喇伯爷婆,你都睇住啊, 拖实我只手啦. 就算你跌亲都有我扶住啊嘛..

男白: 又见到佢哋.佢哋真系好恩爱, 一齐左咁多年,都仲好似热恋中嘅情侣咁, 真系令人羡慕.

唉, 如果我同佢冇分手, 唔知, 唔知我哋会唔会好似佢哋咁呢?其实, 曾经, 我哋都好恩爱..

(柏丽广场某处)
男: 好攰啊..坐下先..

女: 好攰啊?不如我帮你(dup)骨啊

男: 唔好..你都好攰喇..拿, 你乖乖哋坐系度, 我去买嘢畀你饮啦!

女: 嘻嘻, 咁好啦!

(几日后, 女主角打电话畀男主角)
女: 喂? 等阵去食寿司咯.

男: 食寿司?唔得啊,我好多嘢做啊, 下次啦..

女: 咁啊...咁好啦, 你唔好做咁夜喇, bye bye

男: bye bye

男主角转身打电话给朋友: 喂,今晚决战喎, 我睇好皇马嘎!!记得等埋我啊!

(3个钟后)
男: 今晚真系过瘾, 我都话皇马赢硬噶啦, 头先最尾嗰球简直.....

(男主角忽然系柏丽广场遇到女主角)

女: (疑惑)点解你系度嘅?你唔系话好多嘢做咩?你头先.....睇波啊?

男: (牵强)吓....系啊...做完嘢.睇波囖.今晚决战啊, 你唔系唔知我中意睇波啦..哈哈..我送你翻去啊!

女: (心灰意冷)唔使喇.

男: 吓?点解啊

女: (激动)究竟你明唔明我想要D咩嘎?你宁愿睇波都唔陪我. 唔通我比唔上一个足球咩?

[UserName=VTX]男: 你讲咩啊?梗系唔系啦..咁今日...

女: 今日?今日我生日啊!!!!
(女主角随即含泪转身离开)

男白: (苦笑)冇错, 嗰日系佢生日, 我竟然唔记得.望住佢伤心个样, 我真系好心痛.
第二日我打畀佢, 谂住同佢道歉.

男: sorry啊, 最衰都系我, 竟然连你生日都唔记得. 其实我一早就买好礼物噶喇..

女: 算喇

男: (开心)你原谅我啊?

男白: 佢冇出声. 原本开心嘅我, 连呼吸都变得沉重.

女: 不如我哋分手啦.

男: (惊讶)点解啊?系咪因为琴晚?我知系我唔啱, 对唔住啊!

女: 唔系. 我觉得同你一齐好辛苦啊.真系好辛苦啊. 我哋根本就两个世界嘅人.

男: (激动)感情可以慢慢培养噶嘛,我哋都一齐咁耐咯,咩感情都有啦!

女: 冇用嘎. 就系因为一齐耐左, 我发觉我哋越嚟越远啊!!算啦, 唔好再讲喇.再讲落去都冇用.系咁啦.
(挂电话声: 嘟.....)

男: 喂! 喂!

男白: 唔经唔觉咁就过左几廿年, 我一直都冇结婚, 我心入面一直都放唔低. 可能系我唔舍得放低啦,有时好多嘢, 拎得起, 就唔系咁易放得低.

(柏丽广场某处)
男:(尴尬) 咦? 乜...咁啱啊......好耐冇见喇, 你......几好吗?

女: (尴尬)er...几好啊, 你呢?

男: 其实我....

(一中年男人一年轻男子突然从旁边走过来)

中年男: 老婆啊, 你又话好耐冇嚟过柏丽广场嘅, 咁难得嚟到,影翻张相先啦..

年轻男: 系咯, 好耐都未影过全家幅喇.
(转身向男主角说)先生,可唔可以帮我哋影张相啊?

男: (伤心)哦哦, 好啊.

女: 啊, 唔记得同你哋介绍, 哩个系我后生嗰阵嘅...朋友. (转向男主角)我老公同我个仔啊.

男: 哈哈, 咁大个仔喇.....嚟啊, 我帮你哋影.

中年男: 唔该晒!!

男白: 嗰一刻, 感觉有D尴尬, 有D难堪, 有D悲伤, 有D可笑. 咁多年冇见, 再次见翻, 我竟然帮我最爱嘅女人, 同佢老公, 仲有个仔, 影全家幅.不过, 睇得出, 佢好幸福.

女: 唔该. 唔同你倾喇.下次...再见啦.bye bye

男: 哦, 好啊, byebye
(女主角转身离去)

男白: 哩个背影..佢同以前一样, 冇乜点变, 唔同嘅系..佢身边....多左两个人.或者佢讲得啱.我哋根本就唔应该拖落去.佢而家咁幸福, 我就已经好足够.
感情就好似一条绳咁.该断嘅,一定会断. 就算避得开, 佢都会系第二个地方有另一个缺口. 断左嘅, 无论你点绑, 都已经成为事实.

[/UserName]

Mika

以下是引用基基在2007-11-23 17:05:19的发言：
顶，唔系唔写。系写唔成呀。。

有心就得嘅...

Mika

以下是引用基基在2007-11-23 17:22:35的发言：

詌人地能力有限吖嘛，
你写完詌巴比话我地那个什么基基,lydia-GG[em22]

摆明就系催你哋啦....我好心急...

Mika

以下是引用基基在2007-11-23 17:27:32的发言：

急就写得唔好。
之前都讲左等出完后备情人剧场版我先再念。
VTX都未搞掂那个，洗乜急。[em02]

我系话我急啊..

Mika

以下是引用基基在2007-11-23 17:35:28的发言：

都无你写得詌顺。。
我写出来d无特色发来都无意义啦。

咩特色啊?我都冇啊..

Mika

以下是引用VTX在2007-11-23 23:17:19的发言：
有D地方有D似恋爱毕业生嘅剧情哇。。构思都有少少似哇。。。

系咩..[em31]好未听过...系点嘎?

Mika

以下是引用0bi在2007-11-24 10:40:45的发言：

好快速度!! 掂錒``

其实写好左好耐喇,不过琴日先改短..