[原创]限期十九日の恋 第二章 限期, 原创

Mika

第二章 第一节

十九天の第一天.

5月22日星期六, 我冇跟屋企人出去食饭. 六点几嗰阵,我同阿C发发下短讯就懒得再发. 突然间又有条短讯.我以为系阿C有D咩未讲啦, 点知一睇,竟然系帆! 佢仲问我点解唔睬佢!?

我当然开心啦,倾左几句之后我问佢做咩搵我, 佢话: "唔挂住你都唔搵你啦,傻猪."

你哋可以想像到,我睇完哩条短讯之后嘅心情系几咁兴奋嘛?!

5月30日中午放学, 原本我谂住帮佢斟水, 争几步就行到埋去, 点知只羊仔竟然捷足先登, 拿拿临咁拎佢个樽走.OK, 冇所谓啦, 仲好添,唔使我拎.装完水就去饭堂买饭, 我见到帆系度打紧波, 眼角余光望到佢望住我. 后来佢发左条短讯过嚟, 话其实佢唔想叫羊仔帮佢斟, 系佢自己要斟.叫我唔好乱谂喎. 又话以后都系要我斟,因为我斟嘅好饮D~
我同佢讲, 叫佢唔好畀支水只羊饮. 嗰只羊,成日借D2饮佢支水.
点知下午只羊问佢借水饮佢竟然应承!! 激死我喇! 哩头又介意我点谂, 嗰头又唔理我感受. 放学嗰阵,我对住佢大大声咁讲左句 "死人帆!!"

夜晚佢发短讯畀我, 叫我唔好嬲. 我好晦气咁话, 我"边有嬲你啊.羊仔都唔知系咪专登嘎,上次系咁今次又系咁." 佢话羊仔系咪专登就唔知, 不过就发誓,以后都唔借水畀佢饮. 我又好晦气咁话,我冇权嬲你. 佢发过嚟嘅短讯写住:
"有啊, 你系我心目中嘅地位好高嘎, 好有影响力." 然之后我又好蠢咁话: 我同你只系同学, 你睇得我咁重,我受唔起.
过左一阵佢复翻我, 讲左几句之后, 我问佢: "周围行? 陪女朋友周围行啊?哈哈." "咪陪你囖."

阿C话佢讲D嘢好假,谂落有有D似, 不过嗰阵嘅我, 又点会咁清醒啊.

[此贴子已经被作者于2008-2-29 17:09:41编辑过]

Mika

第二节

十九天の第十天.

5月31日, 我走去问佢使唔使斟水, 佢话好啊, 然后就拎住樽水, 一路行一路饮,饮完之后就畀我.佢隔离班个F见到, 以为个樽系我嘅, 就讲笑咁话佢: "有冇搞错啊,咁样饮完又畀人哋, 咩关系啊?" 我都想知,我同佢系咩关系.

下午放学,我谂住上晚修,所以冇走到.其实上晚修要交钱嘎,不过要交钱嗰阵我又未想上,所以冇交到. 嗰阵突然横风横雨,佢又去左打波, 我就发短讯叫佢小心D,唔好病亲.

夜晚晚修嗰阵唔知点解成个班又系得翻我一个....后来佢翻嚟上历史课. 8点几嗰阵佢上完课, 突然间问我走未,我以为佢叫我如果走就记得关灯关门, 咁我就同佢讲: "你走喇?" "想啊." 我心谂,想走你仲唔走?! 于是我话: "哦,得啦,我会关灯." "你唔使我送你走啊?" 我谂左一谂, "哦."

后来我哋一齐行. 同佢都冇嘢讲. 落到三楼, 我指住楼梯个窗,后面嗰栋楼入面嗰间课室,同佢讲话我平时就系系嗰度复习, 佢好可爱咁跳高两三级,然后踎低, 问我: "我上次见你唔到嘅?" 佢咁讲,系咪即系代表佢有留意过我呢?

嗰阵落紧雨,幸好我日日都带遮..佢系男仔,又高过我,梗系佢负责担啦. 我觉得你都几傻." K: "我点傻啊?" 帆: "唔知啊,觉得你傻傻哋,几搞笑."
后来我见到佢净系遮我,自己就淋到湿晒, 我就叫佢唔使净系遮我. 佢话: "你重要D啊嘛. "

[此贴子已经被作者于2008-2-29 17:04:56编辑过]

Mika

第三节

十九天の第十一天.

6月1号,阿宝同我讲,佢问过帆,"羊仔同你有冇可能啊?"
帆: "同佢就一定冇可能噶喇."
宝: "咁另外嗰个呢?"
"边个啊?"
"KK呢~"
"嗯."

嗯?嗯?? "嗯" 即系点呢下?

夜晚8点几,同样,成个课室又系得我一个... 见闷, 于是就去走廊尽头度吹吹风.后来帆走过嚟, 问我系度做咩. 唔通我同佢讲话我吹风咩..咪求其话我系度睇风景囖(其实冇风景睇). 点知佢话: "都话你傻噶啦~系度睇风景."

我同佢讲, 日日中午羊仔都会企系哩个位置一边食饭一边睇佢打波,佢竟然话: "唔系啊,你咪又系成日企系四楼度睇我打波~" 我即时冇嘢讲..后来问佢: "咁你见唔见到佢啊?" 帆: "咁打紧波冇理由望上六楼嘎~" 我问: "咁你又见到我?" 帆: "我感觉到你系度啊嘛~"

后来佢又送我去车站. 因为我哋学校系汽车总站附近, 所以好多时要等司机.我见司机未嚟,就唔上车住,同佢倾阵计, 我有两个手机No.,于是就同佢讲, 哩个系我第二个机No.,第日想搵我嘅哩个电话都搵到. 佢睇左一睇, 竟然话佢有. 我都冇畀过佢,佢点会有呢?佢问边个噶呢?

我走左之后,佢发短讯畀我, 话我个笔盒系佢度, 查实点解会系佢度,我都唔知,亦都唔记得..佢话落雨叫我小心D,唔好感冒, 如果唔系听日就见我唔到. 我好抵死咁问佢: "乜你好想听日见到我咩?" "好想啊, 好挂住你."

[此贴子已经被作者于2008-2-29 17:06:38编辑过]

Mika

第四节

十九天の第十二天.

6月2号. 今日开始唔使翻学, 有D感触. 初初分班嗰阵好大工程咁搬D台上六楼,而家咁快就要毕业. 望住高一高二嘅师弟妹, 真系好想翻翻去以前. 其实我最唔舍得嘅, 除左几个好朋友之后, 就只有佢.

夜晚9点几, 我望住张毕业相, 越睇就越觉得佢同羊仔其实都几衬. 于是我就手痕发短讯同佢讲.佢话: "唔系啊,我同你衬D~"

佢同我讲, 佢唔会中意羊仔, 又话对我好过对佢,我系佢心目中嘅地位又高过佢. 我问佢点解, 佢又唔讲, 话费事我乱谂.

哩个乱谂系指咩呢?惊影响我哋嘅学习? 定系惊你拒绝我搞到我唔开心? 我又好蠢咁问佢: "你系咪玩我啊?"
帆: "我点玩你啊?!"

咁...即系点啊?

后来佢写好左张同学录,畀左我. 入面内容择录入下:

喜爱的动物: 唔知啊, 你中意咩我就中意咩.

留言:

可爱的傻猪:
虽然同你相处唔系好耐,不过你系我心中嘅地位十分之高,你畀我嘅感觉好好, 好傻,好可爱.即使我暂时仲未同你一齐,不过我已经当你为最好嘅一个朋友,希望将来都一样.
......

帆

[此贴子已经被作者于2008-2-29 17:08:42编辑过]

Mika

以下是引用lydiay-GG在2008-3-1 8:10:24的发言：

第一个黎撑你啦...
点解距
……

---原文内容共 274 字节，此处引用 50 字节，其余省略

证明佢唔系中意我...啩..

Mika

以下是引用神仙妹妹在2008-3-2 10:51:06的发言：


……

---原文内容共 149 字节，此处引用 50 字节，其余省略

唔使对唔住..睇落去你就知喇..

Mika

以下是引用神仙妹妹在2008-3-3 1:29:26的发言：


..嗯..有睇偶像劇既feel啊..呵呵[em04]

真嘅?

Mika

以下是引用lydiay-GG在2008-3-3 21:09:35的发言：

甘点解距噶"表现"好似系喜欢你噶...[距给我噶感觉]

我都系咁认为..不过我都唔知..

Mika

以下是引用神仙妹妹在2008-3-3 23:59:02的发言：


系啊..我有甘既感覺咯..[em07]

咁就好咯...[em04]

Mika

以下是引用lydiay-GG在2008-3-4 22:17:12的发言：

甘你为何唔去问下距..
无论距答:"是否"..都可以比自己一个明白.

其实有好多原因嘎,一,嗰阵就快高考, 二就系嗰阵时机未成熟,啱啱先同佢熟,就问人中唔中意自己,我肯问佢都唔肯答啦. 三就系我一直都冇谂过要同佢一齐,做到好朋友就已经好开心.