[原创]限期十九日の恋 (序~第一章) 限期, 原创

Mika

序

本来好想认认真真咁写,写得好好睇睇. 但其实系唔得. 亦都系哩个原因, 所以我咁多年嚟都冇写过. 我, 写唔出.
故事好平淡. 就连作为主人公嘅我睇翻, 都觉得闷, 更何况系你哋. 但系唔紧要, 大家就当系一篇无聊兼语句不顺嘅烂文章. 但当你一只睇嘅时候, 请你唔好忘记, 哩个故事, 系真嘅, 系的的确确发生系我身上嘅.语句不通顺嘅原因,除左系我本身嘅问题之外, 最大嘅原因, 系因为我省略左好多.唔省唔得啊, 冇理由我将一年365日嘅日记都抄低晒咩,你唔嫌闷, 我都嫌无聊啦.所以, 都系嗰句, 就当系一篇烂文咁睇啦.

前言

其实本来我同佢系唔同班.但一直都有听过佢个名,知道佢系边个.高三分班,我哋学校用左同其它所有学校唔同嘅方法去分,将我哋班拆散,8个8个咁分去其它5个班.而其余5个班又每班选出8个最叻嘅组成一个班.我就分左去同佢一个班.系有D复杂,冇计啦,学校痴线嘅.虽然同佢做同学做左差唔多一年,但系真正认识佢嘅,系高考前一个月.而由佢发短讯畀我开始,到佢唔再复我, 前前后后, 一共只有十九日.

[此贴子已经被作者于2008-2-28 17:11:50编辑过]

Mika

第一章 第一节

佢叫帆. 系校篮球队精英之一.听人讲, 佢成日都会出去参加一啲Nike, adi, CocaCola等等品牌所举办嘅篮球比赛,赢埋赢埋好多钱. 佢其实一啲都唔靓仔, 但系打得篮球嘅,就算个样唔掂,都仲有球技搭救. 再讲啊, 打篮球嘅男仔, 当然会受欢迎啦.
我叫LK, 个个都叫我做阿Kay, 或者KK, 某D同学仲会叫我靓仔. 因为背后睇我就成个男仔咁, 咪夹硬要人叫我做靓仔囖. 我外表好斯文, 唔中意出声, 但系识落先知,原来我傻嘅.
羊仔, 我情敌. 同帆做左三年嘅同班同学, 个样其实都几OK, 我一直都觉得佢个样有点儿似佘诗曼, 温温柔柔咁, 不过同佘诗曼一样, 间唔中有啲嗲. 本身对佢冇乜嘢特别感觉, 直到见佢一次又一次暗地里向我示威之后,我亦都暗地里系佢个名后面加左个贱字.我唔系写左好多关于佢嘅嘢,只系略略带过下啫.

分班之后,我嚟嚟去去都系同嗰几个人玩, 毕竟成个班得我哋8个新仔, 不过我都识到好多新朋友仔. 我发觉哩个班好怪, 尽管一样都系分开一堆堆咁玩, 但系哩个班入面, 你埋去边堆,就只会同嗰堆人玩,好少会同其他人交流.唔似我哋班,成班一齐傻. 所以高三第一个学期, 我同帆, 基本上系冇交接.直到2004年4月28日.

嗰日晚修前我出左去, 放左包饼系台面, 翻到入课室见到佢拎住我包饼系度食, 一块又一块. 我望住佢,觉得好奇怪, 点解佢会食我D饼?嗰包饼系咪我嘎? 结果一个唔小心就撞左落张台度..仲要畀人笑....为左缓和尴尬嘅气氛, 我讲左一句: "死喇, 挂住望帆添.." "系囖, 我靓仔啊嘛." 哩句,系我同佢第一次对话.

第二日,阿蚊搵我. 阿蚊系我个best f, 佢幸运地被编左去重点班.出到走廊,见到帆系度. 我系靓仔, 咁D男仔咪系靓女囖! 我走埋去"调戏"下佢, 好鬼抵死咁嗌佢"帆帆~" 佢好出奇咁望左下我, 冇出声.
下午佢要去打波, 临走嗰阵我问佢, "帆帆, 你走喇?" "系啊,KK, 今晚翻嚟搵你!"

4月30号, 阿宝话我知帆感冒,周围问人借纸巾, 我异常地好心"送"左4包清风过佢,仲帮佢斟埋水(学校有免费装水处). 由嗰一刻开始, 我先发觉, 原来我中意左佢.

[此贴子已经被作者于2008-2-28 23:23:33编辑过]

Mika

第二节

台角的记号

5月8号, 我同阿C商量左好耐, 最后决定话畀帆知我中意佢. 反正仲有一个月就高考, 一个月之后都冇机会见,死就死啦. 我估唔到, 原来一个月之后, 我哋真系冇机会再见.
嗰晚终于等到佢去车站, 佢都见到我, 仲同我say hi 添. 于是我就冲上去,冲到一半, 佢忽然调头,上左车走人. 我好失落咁行翻转头. 阿C话, 帆一直从车尾向我哋嗰个方向望喎. 后来我先觉得, 其实我真系好蠢.

因为佢系考体育, 所以好多时都冇翻学,而去左训练. 9号嗰日佢冇翻. 唔知系咪因为唔想见到我呢. 10号下午系影毕业相嘅日子,佢就成个上午都冇翻. 我好怯, 好惊连我哋唯一嘅合照都冇机会影. 系唯一嘅合照啊! 我好唔开心,仲争D喊左出嚟. 临上课嗰阵,突然出现佢嘅身影. 我好开心啊. 虽然影相嗰阵佢唔系企系我后面, 但系我都好满足.
嗰张相,系我咁多毕业相入面, 影得最靓, 笑得最甜嘅一次. 因为影相嘅时候, 我个心, 就只有佢.

17号凌晨11点59分, 我send左条短讯畀佢.因为18号系佢生日. 其实我唔系好记得我点解会知佢嗰日生日,亦都唔知点解系我中意佢嘅时间,巧合地畀我知道佢生日. 我只系知道以后每年嘅哩一日, 都成为我心入面嘅一条刺.

唔使讲都知, 佢冇复到. 之前我一直希望可以有一个机会, 只有我哋两个,然后我就可以同佢表白. 19号下午,学校放假畀我哋翻去填志愿, 我唔知点解冇走到. 成个课室得翻我一个. 做做下题, 帆竟然出现. 我好紧张好开心,因为我个愿望实现左! 但系佢好认真咁复习,我都唔好意思打搅佢. 所以成个下午我哋都冇讲嘢.

20号早上, 我就快迟到,于是就跑入课室. 由落车开始, 然后上六楼,成几百米长,日日系咁跑都几系嘢. 鬼叫我日日都迟到咩....翻到去课室,仲喘紧气,书包都未放低, 就见到台角有只大大只, 潦潦草草嘅"帆"字. 我觉得好奇怪, 点解会咁嘎?张台我嘎?有人换左我张台?睇睇下, 我觉得D字迹好似系佢. 于是我就转身问佢,
"你写嘎?"
"唔系啊!"
"咁边个写嘎?"
"你咪问张台囖!"

嗱, 一般情况下,有人突然间问你嗰个字系咪你写, 如果唔系, 正常人都会答"写咩啊?" , 而非"唔系". 再加上啲字迹似系佢, 而且亦都唔会有人咁无聊玩嘅, 因为其实冇乜边几个知我中意佢. 所以我好肯定,嗰只字, 系佢写. 但系,

点解要写呢?

[此贴子已经被作者于2008-2-28 17:14:21编辑过]

Mika

以下是引用lydiay-GG在2008-2-28 23:05:30的发言：

睇佐第一节...
写得狠好哇....
&nbs
……

---原文内容共 136 字节，此处引用 50 字节，其余省略

咁都叫好..你真系畀面..

Mika

以下是引用lydiay-GG在2008-2-28 23:26:10的发言：

甘你唔系专业搞呢家也滴么...

……

---原文内容共 158 字节，此处引用 50 字节，其余省略

哦..
系啊,通常D结局都系唔好噶喇..

Mika

以下是引用0bi在2008-2-29 7:04:56的发言：

佢叫你問張擡。。 你囿無問錒?!``

其實你寫得好
……

---原文内容共 142 字节，此处引用 50 字节，其余省略

如果系平时我会..

Mika

以下是引用求其是但在2008-2-29 11:56:23的发言：
跟住呢?跟住呢?我好想知啊!!呵呵,~~~~快D讲埋落去啦!![em04]

得,今日就有.

Mika

以下是引用266871388在2008-3-1 10:31:32的发言：
几好Ｔ啊

系咪嘎..

Mika

以下是引用EDITION在2008-3-1 14:42:37的发言：

像写日记一样

我唔记得左讲我真系抄日记..

Mika

以下是引用神仙妹妹在2008-3-2 10:31:01的发言：


..其實個結局系點架????[em01]

睇埋落去咪知囖.