3 【壹個蒲妹菂自傳～＊ -- 感人故事】
之後我好唔舒服.想嘔.飛扶我出去買水飲.我哋壹出到門口就見到華.佢都見到我哋.佢走咗埋來.扯開我.捉得我只手好痛.佢成個樣青筋都出埋來.好嬲..
"妳咁算點啊?電話又唔開機.仲喺度媾仔.妳當我死噶?我壹做完嘢就揾妳.妳咁棱樣對我?"佢越講越激動.越捉越緊.連我HI到傻更更都覺得痛.
"我電話無電."我推開飛.唔敢擡頭.但系我好唔明白佢點解咁嬲.唔通佢真系當我系佢條女?
"無電就可以媾仔啊?妳講啊."佢講得好大聲.好惡.嚇走咗飛.亦都搞到個個都望住我哋.
"SORRY.."我唔知點解佢越嬲我個心就越甜.或者我真系渴望被重視啦.
"SORRY?壹句SORRY就算啊?我同妳講啊.下次再見到妳媾仔妳就死俾我睇.我唔打妳都打死D七頭."華雖然好大聲.但系佢咁講其實都已經原諒咗我.
嗰日之後.佢日日都同我壹齊.但系佢就壹直都無帶我番佢屋企.雖然我有時會唔開心.但系我壹直都無開口問佢.....
不知不覺我哋行咗個幾月.嗰個幾月中我哋都好開心.過得好快樂.終于.華自己開口話過年帶我番去佢屋企
轉眼間就過年啦.年三十嗰晚我哋喺酒店壹訓醒佢就車我番去佢屋企.佢屋企好冷清.得佢媽壹個喺度等我哋番去.佢無兄弟姐妹佢講過.但系佢從來都無講起過佢爸.我谂佢爸可能過咗身.又或者同佢媽離咗婚啦.. 未食得飯.我同佢喺廳度坐.可能我已經愛上佢啦.所以我好想知道關于佢嘅任何嘢.
"咦...唔見妳老豆嘅?"我用試探嘅口吻問佢.
"我無老豆噶.妳唔好再提呢兩個字."佢好火.自從上次同飛鍋嘢之後佢都未試過大聲同我講嘢.但系佢今次咁大聲同我講嘢.我個心好唔舒服
"SORRY..我無心噶."佢好似睇得出我唔開心."佢同我媽離婚好耐啦.妳唔好再提起佢啦.我哋都當無咗呢個人噶啦."
"嗯..."本來我都只系小小唔開心,但系佢越系溫柔我就越覺得委屈.
"錫錫啦..唔好咁啦.我媽見到會唔中意噶."佢攬實我.錫我塊面度亂錫.
壹邊食飯佢媽就壹邊起我底.我都有句答句.之後佢問我咁細個做咩唔讀書.我無答.唔出聲.就話我食飽啦...之後就行咗入佢間房.
佢跟住我行咗入來."我媽系咁噶啦.妳唔好擺喺心度啦."
"我無嘢啊.妳出去食飯啦."我笑得好假.雖然呢個問題無咩.但系我真系唔知點答.
"走咯.我哋出街食啊."妳拉起我行出門口.
"無咩事唔好帶佢番來啊."我哋行到門口佢媽就用好嚴肅嘅語氣講咗呢句嘢.
佢無出聲.大大力咁關上門.但系我塊面已經變咗苦瓜.佢壹路咁氹我.氹咗好耐.終于到咗晚上11點幾.佢車咗我去廣場倒數.喺人群中.佢捉住我只好.好緊.好緊.好似話我知點都唔會放開我
嗰晚我哋又出咗去玩.玩到第二日先番去.佢又車咗我去佢屋企.我唔肯行入去.佢就同我講.佢要用行動話俾佢媽知佢認定我.
但系佢媽都好難應付.日日都用D好婉轉嘅說話來話我知佢唔鍾意我....就咁樣.又咗壹段時間.2月14情人節.我六點幾鍾訓醒天已經黑咗啦.可能因爲冬天啦.但系佢已經起咗身.唔知去咗邊度.我打佢電話.佢就話今日有嘢做話今日陪我唔到.提都唔提情人節嘅事.我"哦"咗壹聲就CUP咗電話.好唔開心.情人節都唔記得唔緊要.我同佢講過好多次.情人節系我生日.佢咁都可以唔記得.我真系無辦法唔發脾氣.
過咗壹陣.佢個朋友打電話俾我.話見到華同個女仔上咗去XX酒店.之後佢打電話問華.華講咗邊間房俾佢知.佢鄧我唔底就打個電話話我知.仲話來車我過去捉華.
我聽到之後好傷心.好嬲.換完衫就落咗去等華個朋友.佢車我到XX酒店門口就走咗.話怕華會怪佢.我自己行咗上去.到咗嗰間房門口我就扭咗下門鎖.無鎖門...我就直行咗入去.
房度無開燈.但系有蠟燭嘅光.我好嬲.狗男女.居然喺度燭光餐.
"老婆仔...我愛妳.生日快樂加情人節快樂."華突然間抱住壹紮紅玫瑰.企喺我面前.雖然好暗.但系我都可以見到佢塊面紅曬.壹齊幾個月.第壹次聽到佢叫我老婆仔.第壹次講我愛妳呢三個字...
4 【壹個蒲妹菂自傳～＊ -- 感人故事】
"......"我呆咗喺度.唔知點好.本來好嬲嘅心情突然間好感動.直到眼淚滴咗落來.我先回魂...
"傻豬.妳做咩喊啊?使唔使感動成咁啊?"佢將紮花塞俾我之後幫我抹咗下眼淚."咁就感動成咁搞到我都唔敢再攞呢樣嘢出來啦."佢講完喺袋度攞咗只戒指出來.雖然粒石唔算大.但系我已經超級感動.佢幫我戴喺右手只無名指度."以後妳就系我老婆噶啦.鬼叫妳細個未夠年齡注冊咩.唔系就擺足壹百圍賀下佢啦.
"妳好衰啊.咁樣玩我.搞到我頭先超傷心啊.下次唔准咁啊!"我捉住佢件衫來抹眼淚.
"咁先夠驚喜啊嘛..哇...乜咁搞啊.擺酒都系呢件噶啦."佢壹邊笑壹邊用件衫幫我抹眼淚.我終于知道咩叫幸福.從妳走進我生命的那壹刻.我的世界到處都是彩色.是妳給我彩色世界......
嗰晚.佢喺度同個F傾電話.我沖完涼出來見到佢個樣好恐怖.好似好嬲.好火.
"做咩啊妳?咁嬲嘅?"我坐喺佢身邊壹邊抹幹D頭發壹邊問.
"妳知道我最憎人哋呃我,妳點解仲要呃我啊?"佢好激動咁企起身.瞪大對眼.
"我呃妳咩啊?妳發咩顛啊?"我好無辜咁望住佢.我幾時呃過佢啊?
"妳同過平壹齊點解唔話我知啊?"佢逼近我問
"邊個同妳講噶..."我心虛咁答.但系我無心呃佢.
"妳理得邊個講啊.我問妳點解呃我啊?"佢退咗壹步撞到電腦台.
"我唔系有心呃妳噶.我都系唔想妳難堪啫...
"我點解要難堪啊?有咩好難堪啊?我根本唔在乎妳嘅過去.如果在乎我都唔會同妳壹齊啦.早就有人同我講過妳以前D嘢啦.妳以爲我真系咩都唔知啊?個個都話妳老泥妹.話妳點下賤點下賤我根本唔在乎.我在乎嘅系妳同我壹齊之後點樣."
我掴咗佢壹把.之後就貓喺度喊...
我最唔想聽到嘅嘢居然出于自己心愛嘅男人把口.口口聲聲話唔在乎.唔在乎就唔應該再提啦.
"對唔住啊.對唔住啊.系我錯啊.好唔好."佢見到我咁樣即刻過來氹我.佢壹攬我我就推開佢.我真系好傷心...
"妳走開啊.我唔想再見到妳啊!"
"原諒我啦.我真系唔系有心提妳以前D嘢噶.系我錯啦.好唔好."佢壹變講把聲就已經變咗.因爲佢都喊咗.
"我唔系有心呃妳啊.我都唔想提以前啊.我同佢都系怕妳知道咗會唔開心咋.!"我望住佢.好心痛.我第壹次見到佢喊...
"唔提啊.大家都唔好提啦."佢攬住我.我哋兩個喊咗壹陣就當好似無事發生過咁.
終于大家都知道對方之間嘅愛有幾深啦.所以我同佢都好珍惜對方.好體諒對方.但系我始終都系過唔到佢媽嗰關
嗰日.佢香港個老細打電話來叫佢番去.話有嘢要傾.
"出來傾下."佢出咗去之後.佢媽就來敲門.
喺廳度佢坐喺我對面.好嚴肅咁望住我.十幾分鍾都無出聲
"有咩妳就講啦."我率先開口.再對望落去我怕我會變**.
"妳同阿華壹齊有咩好處啊?我谂我要話妳知.雖然我哋住靓屋開靓車.但系等我死咗之後D遺産都唔會俾阿華.喺佢話唔讀書嗰日開始我都講好咗.要佢自己賺錢養自己.我唔會俾錢佢洗.以後我死咗所有財産都歸佢舅.因爲我要我個仔自力更生."佢媽講完就將份遺囑推到我面前.想證實佢所講嘅嘢.
"咁又點啊?唔通妳同世伯結婚都系爲咗錢咩?"我討厭人哋攞錢撻我.有錢好巴閉咩?只不過嗰兩千萬幾萬存款就可以用錢來侮辱人哋嘅人格咩?
"......"佢用好奇怪嘅眼光望住我.可能俾我頂到講唔出嘢來啦.
"我知我咁細個無資格同妳講愛.但系鍾意壹個人都唔可以用錢來衡量."我講完呢句嘢就入咗房.佢壹直都無出聲
當時其實我真系好驚.不過可能嬲過頭啦.先會敢講出嗰D嘢.我番到房自己壹個坐喺度傻笑.呵呵.我都唔知自己幾時變得咁勇敢.好似電影度咁.同個阿嬸講愛.哈哈!!!
過咗壹陣華番咗來.我同華講咗我今日講D嘢.佢都笑咗壹陣就好認真咁同我講.叫我唔好再提佢老豆,唔喺嘅話就好大鍋.
"到底咩事啊?"我真系好想知.
"佢同我媽壹齊嗰陣好窮噶.之後我媽同佢挨咗成十年.有咗錢之後佢就出滾.跟住仲要同我媽離婚.嗰陣我得3.4歲咋.我媽壹手壹腳帶大我.呢幾年佢猛咁揾我哋.因爲佢個二奶無得生.佢無後代就想揾番我.我哋都好憎佢."華講得好清楚.我見到佢D表情好痛苦. "唔好提啦.以後我哋壹家三口要開開心心啊.哈哈!"我坐上佢大腿度撒嬌.
"豬頭..."佢將我抱得好緊.我谂佢個心度壹定好激動.
時間流逝.轉下眼我哋就壹齊壹年啦!佢話過壹等我夠年齡就同我登記.我哋都好希望呢壹日快D到.我哋都好想可以快D成爲合法夫妻.斯守壹生. 嗰日喺我哋壹周年紀念.我哋去咗海南島旅遊.天氣有D凍又唔可以遊水.我唔知妳帶我來呢度做咩.但系當到達目的地嘅時候我終于明白.我哋企喺嗰兩塊寫住天涯.海角嘅大石下面....
"老婆.天涯海角都有妳陪我走過.我哋以後都唔可以分開噶啦."妳拖住我對手同我講.妳又面紅啦.妳面紅個樣好得意.好可愛. 我哋壹齊喺海邊睇日落.我真系覺得自己好幸福.因爲有妳.雖然我從來未開口同妳講壹句我愛妳.但系我嘅心.妳明白...又就來過年啦.我哋壹齊去行東門.之後佢話佢要去紋身.去到之後佢同個老板講話要紋個X.因爲我個名最後壹個字系X呢個字母開頭.佢將個X紋咗喺胸口.因爲嗰度代表心.佢嘅意思系心只有我.見到佢咁我好感動.我都要求紋個H喺心口.之後我哋兩個痛到壹齊喺度震.但系震得好幸福. 之後我哋去行到西華宮門口.因爲人太多.我哋走散咗.我先見到佢.我見到佢好似好緊張咁周圍望.我特燈走過佢附近喺度叫佢個名.我扮到好驚咁.佢走過來攬住我.同我講."傻豬.我喺度啊.".好甜蜜.好甜蜜... 夕陽真系好美.但系終于都系到咗黃昏...... 嗰晚.我哋喺獵奇門HI緊.突然間佢朋友打電話來話佢哋喺百雅圖同人哋打架.叫華過去.華叫咗佢F睇住我."老婆乖啊.老公出去壹陣就番來.我愛妳.要乖乖地啊."佢講完壹個鍾過咗去.佢都未番來.我好驚.好擔心.打電話俾佢竟然無人聽.我越等越驚......
終于我最怕嘅事發生咗.佢媽媽打電話俾我叫我去醫院.話華撞咗車衣家急救緊.我壹邊喊壹邊走落去接咗部的士過醫院.去到醫院.我見到佢媽媽坐喺手術室門口壹直都喺度喊.
"點解會咁噶?"我走過去捉住佢媽對手.好激動咁問.
"我都唔知啊.頭先有人打電話去屋企叫我來醫院."佢媽已經喊到把聲都啞埋.
我坐喺佢媽身邊同佢媽攬埋壹齊喊.壹個鍾.兩個鍾.三個鍾.四個種.終于.手術室個門開咗.個醫生走咗出來...
"我們已經盡力了.妳們進去看看他吧.馬上要推去太平間了."個醫生講完就走咗. 我同佢媽沖咗入去.見到佢訓喺度.佢媽暈咗.D護士送咗佢媽走去第二度.得我壹個留喺度...
我望住佢.手摸住佢塊面.佢塊面好凍.好凍.我除咗件衫幫佢撼住個身.佢最怕凍噶啦.我要俾D溫暖佢.我用盡全力抱佢訓喺我身上."華.唔怕.唔會凍噶啦.唔使怕."我猛咁錫佢塊面.因爲佢話過最鍾意我錫佢."華.我愛妳啊.妳有無聽到啊?應下我啊."我攬住佢喺佢耳邊講.我谂佢訓著咗啊.所以無應我.壹定喺咁.我壹次又壹次咁重複我愛妳呢三個字.等到佢壹訓醒就可以聽到我講''我愛妳''.佢隨時可能會醒噶.所以我要壹直講.壹直講.
過咗壹陣.D醫務人員走咗入來.佢哋要我借過.佢哋推咗佢走.我企喺原地.望住佢俾人推走.我眼前壹黑...
到我醒番已經喺自己屋企.我起身之後先記起.妳離開咗.妳永遠離開咗.妳離開咗兩個世界上妳最愛都系最愛妳嘅女人...
四年啦.我壹直都無同過其他男仔壹齊.因爲我系妳老婆.永遠都系.只戒指我帶到衣家.我會戴壹世.呢只戒指系我哋嘅結婚戒指.仲有條手鏈...
但系我嘅世界.喺妳離開嗰壹刻只剩底灰色...呢句野就走咗..
後記:
佢媽喺佢離開嗰晚,已經接受咗我.
如果唔系都唔會通知我...
佢媽衣家當正我系佢個女.
佢要改咗遺囑等佢死咗之後分壹半俾我.
但系我無要.因爲我會同佢媽壹齊落去同佢團聚.
我哋系壹家人來噶......
在我寫完全部的時候.我的衣服已經濕掉了.
眼淚滴濕了我不知多少多少件衣服.多少個枕頭.
有淚流,真好.
妳試過失去自己最愛嘅人未啊?
四年啦.四年來我每次谂起佢都會喊.
如果佢系抛棄而離去我谂我唔會傷心到衣家. 就系因爲咁樣離開我我先會壹直放唔低.
愛情呢兩個字對我來講已經無意義啦.由佢離開嗰壹刻開始.咩都無意義啦.
佢俾我嘅壹切已經俾咗我足夠嘅理由守候壹生.
我以後都唔會上月影同QQ.
以後都唔會喺深圳噶啦!有好多嘢已經達到咗.
我唔知可以講D咩.
衣家我無牽無挂.
咩都唔想再谂!
我哋終于可以壹家團聚啦!
___『 由妳走出我生命嗰壹刻』(請尊重我們的愛,別把它當小說壹樣看)
| 
51 %
IN币: 21195 个
Cool币: 7777 个
VTX乐队主唱
IC乐评人