[求助]各位熟悉三乡嘅朋友仔帮下我啦

朋友, 求助

我想问下各位熟悉三乡嘅朋友仔，知唔知三乡有冇一间叫“荣基房地产”嘅公司，佢地嘅项目叫“骏豪名居”。我想知间公司正唔正规咖~拜托你地啦。

下面系事情发生嘅经过：

我系一个刚毕业既大专生，E+系度稳紧野做。星期五早上，一间叫“荣基房地产”嘅公司打电话来叫我去面试，咁我就去左了，间公司好偏辟咖，系“三鑫学校”后门条路直上，即系“太极山庄”后面，系到半山了，间公司系一块铲平左嘅泥地度，搭棚起咖，好似好临时起咁，但系个总经理话新公司装修紧喔，好快就可以搬了。

去到面试既时候，佢地比左张表我填，个总经理睇完我填嘅野就同我讲左D工作要做嘅野，讲讲下个总经理老婆来到，就带左我去佢老婆间临时办公室度面试，问左我一D好简单嘅野，然后就讲几时返工了，竟然唔使我比个毕业证佢睇喔，果时我都冇淋咁多野就应承左了。

然后返到屋企同屋企人商量左，就越来越觉得唔妥了，佢地话果度太危险了，人又少又系半山搭棚起，之后我就打电话去间公司话唔去了，点知到下午既时候，老板娘竟然打电话比我系咁叫我去，仲叫我同屋企人商量下，晚上比个答复佢，然后我就话好啦。点知又隔五分钟度，个老板娘又打电话来，话试用期加到我千五（本来面试时试用期系一千的）叫我再考虑下。

首先，我系刚毕业的，完全冇经验，又唔系话特别优秀，点解佢竟然加我一半工资叫我去呢？我话唔想系佢地住宿，佢又应承我上落班叫司机送我去车站搭车，好值得令人怀疑啊~~~ 所以我就想问下大家意见觉得点了