女仔問男朋友嘅十大搞笑問題.. 搞笑, 男朋友

bo60

1)行街好悶, 行黎行去都係果度! 有冇其他地方啊?
答: 大姐呀, 同你拍左咁多年拖, 仲有邊度未去過丫
2) 點解你唔同我煲電話粥啊?!
答: 我一日最少都陪你4-5個鐘, 有乜都講晒啦...唉...
3) 同我一齊只係想do野!?
答: *係人嘅需要, 尊重你係我girlfriend先只對你有*嘅要求。唔通你想我攪三攪四咩,...
4) 點解你"床上口花花, 床下冷冰冰?!
答:讚美當然係情到濃時發出架啦,唔通你屙緊屎讚你性感咩大姐呀~~~
5) 去街成日"及"女?!
答: 你又何嘗唔係"及"緊仔呢...愛美係人嘅本性..."及"下啫又唔係禽佢....
6) "你愛唔愛我"?!
答: 我一日講十次好未, 你明知唔係發自內心都要聽?!呢句野 當然係男人最想講嘅時候先會講噶喇...唔好再立亂問喇.
7) 我同你亞媽跌落水, 你救邊個先?
答: 頂! 邊Q個係第一個諗呢條問題既呢下?拿拿聲拉佢去打把啦!你兩個都跌晒落水, 我就梗係報左警先啦,我跳埋落去,邊Q個救我地呀 一齊死咩?!
8)你幾時娶我架?
答: 你亞媽幾時大發慈悲免收禮金, 我咪娶得起你囖...
9) 你愛我有幾深?
答:用"米"定係用"尺"黎計呀...我點先搵到一個標準去話你聽呢下?
10) 我老左你會唔會仲咁愛我?
答: 大姐呀...呢個問題我驚過你啦...頭又係我光先,更年期又係我黎先,我老左你仲愛唔愛我呀?吓???