[原创]※紅酒蜜汁焗鷄翼※.獨傢製作方法.>3 蜜汁, 原创

讓愛隨缘

今晚我下廚整咗我最拿手嘅鷄翼,我屋企人都話正,就連我平時唔肯食飯嘅妹妹都撈d鷄翼汁食咗兩碗飯,袮說厲害不.?
kaka..唔喺自誇架,我好多fd都話想學,于是我就唸住同大傢分享下..步驟唔會好難架咋,希望大傢睇得明白,喺屋企試下整啦.!





完成后差唔多喺咁.不過我自己整喺多d汁嘅!因為可以撈飯.

ps:整呢道菜腌嘅步驟好緊要架,所以要想d鷄翼入味.腌噶陣要畱意d吖!

材料:鷄中翼(視乎人數,一般我整10隻),紅酒,蜂蜜(唔喺平時BBQ噴噶d.喺超級市場賣噶d一樽樽「結撻撻」噶d),老抽,白糖,鹽,鷄粉,蒜蓉

first:煲滾d水放兩片薑,將d鷄翼「飛」一「飛」水,灼到7成熟左右.

then:撈起(建議用個炸煎堆噶d大「哩」,因為可以流番d水齣來)跟住用d凍水冲冲佢.(because,用凍水冲過嘅鷄翼會熱脹冷縮,鷄皮會變得爽d脆d,同整白切鷄「過冷河」嘅原理一樣.)

next:將瀝干嘅鷄翼放入大容器度,加入兩湯匙老抽(唔好加太多,太多會鹹死),適量白糖,少少鹽,少少「傢X牌」鷄粉,最后加適量紅酒(建議紅酒量喺鷄翼嘅1/2,如果冇紅酒可以用紹酒,如果兩樣都冇唔加都得.>o<.),然后將腌料同鷄翼撈勻.腌20分鍾.(腌嘅期間要翻動下d鷄翼,等佢均勻上色、入味.)

next:腌完后,用一個碟倒d蜂蜜,(中意ya甜d可以倒多少少),用筷子將腌好嘅鷄翼一隻隻均勻咁「Yam」d蜂蜜,備用.<提醒:剛材腌過鷄翼噶d汁唔好倒.等陣有用.>

next:可以起鑊,加入油(加多少少冇相干)將蒜蓉爆香,然后調細火,將有蜂蜜喺錶麵嘅鷄翼一隻隻挾入鑊度,平均分佈,然后將火調大少少,煎1分鍾,煎到金黃色,反轉另一麵,再煎到袮認為得為止,(中意食「燶」d嘅可以煎耐少少,不過太耐會變咗舊碳-_-,所以建議煎1-2分鍾,金黃色就好ok)

finaly:將火調到最細,然后用番頭先腌鷄翼噶d汁,加入1/3杯滾水,攪勻,倒入鑊裏麵(加入嘅腌汁要浸過鷄翼一半以上),然后改上鑊蓋,中火焗3-5分鍾,(焗嘅時間唔好太耐,太耐鷄翼會燶架,變咗碳就唔好啦,所以睇實個火候吖!)最后打開鑊蓋,加d蔥花,就可以上碟啦.!

我好比心機寫架,希望大傢中意啦.
多謝.!