标题: 908块碎片 [打印本页]
作者: lolly 时间: 2006-9-19 19:17 标题: 908块碎片
一本平凡简单既日记。并冇任何特别。
2004.06.15
原来翻到属于自己既地方，系好舒服咖。原来响自己朝思暮想既地方，连个天都会觉得蓝D咖。睇住车出面越来越熟悉既景物嘎时候，原来心里面既嗰种感觉系无法用文字形容咖。好感动，咁多人来接我！好想快D到听日，听日就可以见到你。
[此贴子已经被作者于2006-9-19 19:40:37编辑过]
作者: lolly 时间: 2006-9-19 19:28
2004.06.16
好早起身啦，最快既速度着好衫。其实我都傻咖，约咗lamon中午1点学校门口等咖，咁早起身都冇用咯。不过真既好想见你！！！冇见你既第703日，好长时间啊。
捱到1点，饭到唔食，就系想见你。你地午休2点结束，同lamon入到你学校，我系最受注目嗰个，我系唯一冇着校服咖原来！离远，见到你同个女仔响三楼走廊大闹，嗰个究竟系边个？
你竟然冇注意到我！系yant发现我先咖！你同班死仔一齐冲落来个样，好搞笑啊。哈哈。见翻朋友，原来好开心咖。尤其系比起朋友更加重要既“朋友”。
作者: lolly 时间: 2006-9-19 19:36
2004.06.19
今日落雨啊！本来好冇mood咖，不过你既一个电话，改变晒！嘻嘻，有冇发觉过，你自己有咁既魔力呢？落大雨去行街街，系我地呢两个傻人先做得出咖咯。好中意同你行街街啊，去到边食到边。同你两个人担一把遮，嘻嘻，好开心啊，因为可以同你距离近D。日日都系咁，几好呢！
作者: lolly 时间: 2006-9-19 19:51
2004.06.25
晨早流流红姨玩野，叫起身去饮早茶，大佬，6点啊！不过嘻嘻，见到你同你屋屋哦！响星宝饮早茶都撞到你，开心啊！好中意星宝D流沙包咖咋，好好食啊。岌实隔离台咖你，好搞笑啊，食到好邋遢啊，好似三岁细路咁。
你岌到我望你，串到啊，竟然同我讲：“望乜望，未见过靓仔啊！”咁！
好彩我都唔差，识得应你：“靓仔见得多，未见过牛高马大既白痴仔者。”嘻嘻，激死你，底死，你妈妈同婆婆都唔帮你。
作者: lolly 时间: 2006-9-19 19:59
2004.06.30
我突然发觉，原来我自己比起以前，大个咗咖啦！OH NO！原来老师个仔仔都已经读幼儿园啦。。。唔翻去探佢，都唔知啊，原来时间过得好快咖。小朋友真既好现实啊，我买朱古力佢食，就好中意我。哈哈，真可爱。
学校条校道整过晒啦！冇晒D九里香，以前夏天行校道，好香咖，D花，而家乜都闻唔道，失望死我啊。我仲稳到你以前同人打架刮花课室面墙D痕迹哦！
好多白兰花开咗啊，好香，好靓啊。唔知你几时再同我来摘呢？
作者: lolly 时间: 2006-9-19 20:09
2004.07.02
开心开心开心！同你去石歧行街街。今日再一次证实，你好物质啊！买D衫衫裤裤件件都咁贵～男人老狗，你都好贪靓咋，咁姿整。。。
好中意你买俾我对鞋鞋，嘻嘻，今日系你除咗生日之类嗰D，第四次冇理由情况下送野我啊。黄色婆仔布鞋，好sharpe咁哦，哈哈。
风味屋D牛杂好好食，食足咁多年都唔厌啊。不过你下次可唔可以唔好自己一个食晒D牛百叶啊，次次都系咁，自私啊你。
作者: lolly 时间: 2006-9-19 20:19
2004.07.08
嘻嘻，农历生日哦！同表姐去澳门扫货，满载而归啊。去黑沙滩好玩啊，原来D沙好鬼死盏个啊，黑meng meng咁，好似水泥啊，咔咔。可惜冇带泳衣。
下午4点翻来，5点几你就打电话来叫我去铺仔。好远咖大佬。不过，你叫到，冇计啦，哈哈。原来你送礼物俾我啊，开心啊。蓝色陶瓷接吻鱼颈链，好靓啊，爱死你啊！你帮我戴嗰阵D动作好温柔啊，好怪，唔似你啊，嘻嘻。你俾好多牛奶糖我啊，好野，正啊～不过既然俾我，又唔准我食咁多，你都好矛盾者。不过都开心，平时唔俾食咖嘛～
作者: lolly 时间: 2006-9-21 05:31
以下是引用chuany在2006-9-20 22:45:53的发言：
[em04][em18][em18]哇...
阿SA呢....
嘻嘻....距买佐对鞋俾你吖?
听讲...如果男仔买鞋俾女仔...
个男仔呢一世都会俾个女仔骑住的.....
唔知你有冇听过呢??
[em40][em40]
冇听过。。。系咖？
[em01][em01]
[此贴子已经被作者于2006-9-23 8:06:42编辑过]
作者: lolly 时间: 2006-9-23 20:41
2004.7.12
今日气氛历史新低啊。点解？每次一有人提起yama个个就唔讲野？ 就好似一个好恐怖既禁忌咁。yama唔系我地既禁忌啊！佢曾经都系同我地一齐由细玩到大既一份子啊。点可以将佢当成禁忌嘎你地，好过分啊！我听日新历生日嘎！点解大家今日会搞到咁唔开心咖。唔制啊。好挂住yama啊。
作者: lolly 时间: 2006-9-23 20:55
2004.7.13
今日生日咯，嗯嗯。。。唔好俾寻晚单野影响心情。
本来难得翻来过生日，都唔开party咯。嗯嗯，同到你过就好啦。嘻嘻，好大个surprise啊，你响你屋屋帮我开party，好多人啊。
礼物啊～亲爱既礼物，我爱你地啊～柔柔送个礼物全场最正啊，哈哈，sorry哦，你榜上无名！因为你最特别咖嘛！其他人系冇得同你比咖，你既礼物我从来都咁珍惜咖。嗯嗯。不过边有人送床单俾人做生日礼物咖，正傻佬啊你。哈哈。
今日真既好开心，多谢。哈哈，个个都饮到醉晒，搞笑啊。
作者: lolly 时间: 2006-9-23 20:58
2004.7.19
呜呜，又要走。又唔知几时可以翻啦。唔舍得。。。你！
次次你都唔去送我既，衰人。
[此贴子已经被作者于2006-9-23 21:23:28编辑过]
作者: lolly 时间: 2006-9-24 10:22
2004.7.20
频频扑扑，又翻到来啦。呜呜，24个钟头未够，又开始挂住你啦。
打电话俾你，你话你陪紧renee。其实，预料之内，毕竟你已经有女朋友。
多谢你之前一个月陪我。多谢。
作者: lolly 时间: 2006-9-24 10:28
2004.8.2
收到zizi既信今日。zizi啊，二十一世纪咖啦，有e-mail咖啦，米咁落后啦，哈哈。不过收到信系开心D咖，感觉唔同。zizi话你同renee散咗，点解既？其实你究竟对renee既感觉系点？系爱嘛？其实有一丝庆幸，因为我唔中意你同其他女在一齐。
作者: lolly 时间: 2006-9-24 10:38
2004.8.7
今日去滑雪啊，跌到妈咪都唔认得啦！原来跌响雪地度，又冻又痛咖。以为雪系软棉棉既，我错啦，好硬邦邦咖原来，呜呜，痛！不过，跌咗N次之后总于识得点滑雪啦，开心。如果有机会，我要同你一齐去滑雪，好冇啊？嘻嘻，我要睇你跌到成只乌龟咁既样啊，实好搞笑咋。
作者: lolly 时间: 2006-9-24 10:42
2004.8.8
呜呜，惨啊我，今日腰酸骨痛。寻日运动过渡了啦。
点解你个衰人日日打篮球都唔怕，仲咁精神。我净系去滑下雪就咁个残样。
唉唉，同人唔同命啊。衰人。
作者: lolly 时间: 2006-9-24 10:54
2004.8.26
点解要我知道呢D事实！你好残忍啊。如果你唔讲，我可以当咩都冇发生咖！你有几多gf我唔care啊，你对我好就ok啦。但系你个衰人点解要讲我知佢地D野，我唔想知啊！
作者: lolly 时间: 2006-9-24 10:57
2004.8.31
点解咁既？天啊，你玩野啊。yama系咁，我地接受咗个事实，点解婷婷又要咁？！有冇搞错，唔可以咁咖。究竟我地到老，仲可以净翻几多个朋友啊？！希望婷婷既情况冇想象中咁差。
作者: lolly 时间: 2006-9-24 11:04
2004.9.12
我顶唔顺啦，你好耐冇同我讲电话。好挂住你啊，衰人！次次打电话翻去婆婆都话你去咗训练，训练大晒咖啦你，唔理我咖啦你！讨厌你，讨厌你个篮球。
作者: lolly 时间: 2006-9-30 21:10
2005.12.22
頻頻撲撲，繙到來啦。行齣機場嗰刻，髮覺妳來接我。推住行李，扮冇野，同妳講冇事。
妳過來攬住我：“冇事啦，我陪妳啊嗎。想喊就喊，嚮我麵前使咩扮者。”
繫咯，嚮妳麵前，使咩扮者，盡情咁髮洩。嗯嗯。所謂既安全感，莫過于此。
機場齣旺角，一個鍾頭車程，有妳陪我，都唔繫覺得好耐咋。由旺角搭火車去羅湖，坐火車，冇位坐啊！
有一個鍾頭車程，太長時間，妳挨住條鐵，妳叫我挨住妳。譆譆，我中意咁，好綵冇位，呵呵。
好多個鍾頭冇食野，繙到去，譆譆，叫埋其他人去打邊爐。好食！
作者: lolly 时间: 2006-9-30 21:18
2005.12.23
嗯嗯，時差都未調過來，又辰早流流同妳搭車去廣州。纍死我啊！
撞人坊俾人撞，都好，呵呵。好多人啊，撞死我咯，不過啊，最最最唔奮氣繫益曬妳啊，俾妳食咗咁多“波坂糖”激死我啊，嗚嗚。邊得咁咖，咁多靚女俾波坂糖妳食咖，衰啊！呼啦拉，去到流前冇咁多人撞，買野都安落DD，冇咁多人請妳食波坂糖啊事關。譆譆，大報復呢～扯妳去購書中心，悶死妳！邊個叫妳食波坂糖食得咁開心!!!寧得罪小人莫得罪女人啊，下次學精啦！
作者: lolly 时间: 2006-9-30 21:32
2005.12.24
平安夜哇～去妳屋屋食飯仔，繫咪好意外咧？啊婆叫咖！啊婆我愛妳啊～買咁多瀨尿蝦，我中意食啊～
好搞笑啊，啊細伯，雖然我好多年冇見妳，事關我次次去妳都冇嚮屋屋，不過唔使咁愕然，好似我死過繙生妳撞鬼咁錯愕咖樣既哦。啊伯母啊，妳都問野依然咁搞笑。攷車牌呢，繫唔使夠秤咖，夠年齡就得咖啦。仲有啊，下次煮藩屬糖水呢，可以唔俾咁多糖冇啊？雖然我好中意食甜野，不過甜到我同妳個仔都冇曬意見咯，咁樣我地好容易有糖尿病咖。呵呵。
作者: lolly 时间: 2006-9-30 21:39
2005.12.25
又到聖誕，又到聖誕，哈哈。聖誕節，去街街，去madeli買個蛋糕同妳分。靚靚蛋糕味道唔錯，嗯嗯。夜晚行街街撞到fant，妳同去吹水，我嚮隔離冇意見。繫啦，聖誕妳唔陪GF，陪我既？怪怪，不過唔理，譆譆。
| 欢迎光临 三乡网_In-Cool (http://www.in-cool.net/bbs/) |
Powered by Discuz! 7.2 |