三乡网_In-Cool - Powered by Discuz! Board

标题: 為緋聞解畫阿B認有中年危機 [打印本页]

作者: MISSJing 时间: 2009-1-1 19:03 标题: 為緋聞解畫阿B認有中年危機

經歷過破產及離婚的鍾鎮濤（阿B），昨日有周刊報道他背着妻子范姜出軌，指他於平安夜當晚身在西安，與一名大陸女子在酒店約會。報道又指阿B今次到西安是出騷，卻有別其他藝人盧巧音和張宇於開騷當天才到埗，阿B則提早兩天已到達酒店綵排，是方便與該內地女子Maggie約會。該周刊記者更直闖在飯廳午膳的阿B與Maggie，形容二人一見記者拍照即極速彈開，但飯廳內仍有阿B助手一起共膳。　　昨日阿B回應事件，指該周刊刊登的是不實報道，正考慮會否採取法律行動。阿B說：「未到09年就收到咁大份新年禮物。我只係覺得好好笑，那位是大會接待我們的工作人員，當日未到綵排時間，她同我和助手去食飯，食食下突然有3個人撞門入嚟，好似恐佈分子，真係被嚇親！如果有老人家實嚇死了，見佢哋發狂亂影先知係記者，我問個記者係邊間，我仲着好件外套任佢影，咁好禮貌，想不到都可以作到咁。」阿B謂該報道令形象受損，已與律師商量是否採取法律行動，「每個人的中年危機都唔同，我的危機是發錢寒，影響我工作同客戶都唔得。」阿B最後笑謂：「佢哋撞門嗰吓真係嚇到我有陰影，去廁所都要鎖實門先去得順暢，唔知有無得要求佢哋精神上賠償呢？」

欢迎光临三乡网_In-Cool (http://www.in-cool.net/bbs/)