三乡网_In-Cool - Powered by Discuz! Board

标题: 菊姐直認接受同性追求 [打印本页]

作者: MISSJing 时间: 2008-8-12 19:24 标题: 菊姐直認接受同性追求

被揭兩女同居千萬豪宅菊姐直認接受同性追求

溏心風暴之家好月圓》一眾演員昨日出席收視報捷活動。劇集收得，亦令各演員新聞多多，當中關菊英早前被指與富貴同性密友同居，問她會否接受同性追求，菊姐沒有否認或承認，只說：「男女無所謂，最梗要對我好。」　　
　　李司棋、關菊英、徐子珊、陳法拉、李香琴等昨日出席《溏心風暴之家好月圓》活動，由於本周劇情講述琴姐生日，故眾人與琴姐「賀壽」，另外為慶祝劇集上周平均有36點，最高有41點收視，眾人更開香檳慶祝。
　　近日有指菊姐與同性好友周文軒侄女周偉利過從甚密，又指2人於千萬豪宅同居，對此菊姐起初說：「通常都係咁，人氣多就搵嘢嚟寫，如果次次講收視就無咁多嘢寫。」問到人氣升，會否惹來追求者？「都無時間，一直都有朋友，有好感、唔討厭及傾得埋既，都會約會及食飯，（是否有男有女？）係呀，（追求者呢？）傾得埋，唔知係咪追求者！」
　　問菊姐會否接受女性追求？她說：「最梗要對我好，呢個年紀只想搵個伴，男女無所謂，依家識男仔又驚佢呃我，識女仔反而易一啲。」
　　司棋姐不介意坐港鐵
至於李司棋被指買車又買樓，她澄清沒報道那麼誇張，「我個人好穩打穩紮，否則做咗乞兒啦，我都唔介意坐港鐵，之前有話我造咗5件晚禮服，其實我衣着光鮮就夠，我唔崇尚名牌，唔可以咁寵自己，生活足夠就可以，不用為五斗米折腰。」她表示買樓已是去年的事。
　　另外，早前有指徐子珊拍劇壓力大，導致失控向監製哭訴，她說：「無失控，只係壓力較大，可能自己諗多咗啦，加上角色戲分好重，我承認有少少唔開心，不過已經好好多了。」

欢迎光临三乡网_In-Cool (http://www.in-cool.net/bbs/)