其实当初，或者可以讲，到而家为止，都有好多人唔赞成我开间In Box。

有人话每日赚到既都唔够交铺租，有人话开D甘既铺赚到咩钱等等，好多反对既声音。

但系，In Box最终都系众多既反对声音入面诞生左。

系，我承认开头生意唔系几好，但唔系每一样野都会由一开始就有好好既发展架。

每一样野由无到有，由有到好，到更好，都需要一个过程，

需要一个自身慢慢完善，一个俾人慢慢认识，到认同，到欣赏既过程。

开业之前有反对声音我可以接受，因为每个人对事物既认知都会唔同，

但系我唔明，点解到而家开左业有半个月，都仲系有甘多人打击我。

In Box已经开左，已经成左事实啦，D人仲甘样打击我，有咩用呢？

唔通要我就甘样执左间铺咩都唔理咩？

我需要既系建议，系鼓励，而唔系打击。

我而家要做既就系想方设法搞好间铺，就算点都要俾D格仔主人一个交待。

In Box唔剩只为自己而存在，仲有好多格仔主人！哩个系就In Box既独特之处。

所以，我地要更加努力，为In Box，为格仔主人，为我地既共同存在！

其实值得开心既系，认同我，支持我既大有人在。

In Box既各位格仔主人就系一个好好既证明。

仲有好多觉得哩个idea好好既人，赞我地有生意头脑既人等等。

亦都有好多人俾建议我地，好多人捧我地场。

In Box系度不断甘成长，亦都越来越多人知道我地In Box，真系好值得庆幸。

In Box会继续加油，不断完善，希望会快高长大！

最后要多谢一直支持我地，支持In Box既朋友仔！In Box既发展全赖有你！