Board logo

标题: [原创]限期十九日の恋 (第四章~结尾) [打印本页]
作者: Mika    时间: 2008-3-5 17:40     标题: [原创]限期十九日の恋 (第四章~结尾)

第四章 第一节

6月12日. 今日终于考完喇. 9点半考, 考到9点10. 后来同阿蚊去中华广场睇手机. 佢话流前嗰间Nike有帆影嘅海报, 系之前佢去比赛定唔知做咩嗰阵影嘅, 好大张, 好型. 不过我去到嗰阵, 已经冇左.
我好挂住佢啊, 我唔想放弃, 我唔会放弃. 我知只要我唔放弃,我会等到嘎, 我知嘎..但我好惊啊, 我唔想以后都见唔到佢, 我唔想啊. 我为佢喊左好多次, 因为我真系好惊会失去佢, 我唔想啊, 我好辛苦啊...
我好辛苦啊, 好想大喊一场. 但喊完又点? 我依然会再喊..我好中意睇<阿甘正传>, 因为佢教我唔好放弃.
我要到29号先可以见到佢啊..

6月29号. 中晒. 我全部讲中晒. 我, 失, 恋, 啊.
开完会,班主任话我哋班仲有千几蚊班会费, 于是就提议全班去食步飞. 我同佢都唔去. 只羊都唔去. 之前我听到帆好大声咁讲: "都话唔去咯!" 可能系只羊问佢啦.
我好乱啊, 到放学佢都冇搵我. 由嗰刻开始我一直想喊. 好在阿蚊&阿爷话去北京路行街啫. 临出校门口, 我眼角望到一个好似嗰只羊嘅女仔, 企系二楼望住我笑.
去到北京路,佢哋两个一直系度讲咩Nike, adi, puma, 好闷啊, 我一向对名牌冇兴趣噶嘛...阿爷仲提左帆个名几次.
我一翻到屋企就冲左入房喊.
其实究竟系个天玩我定系点啊? 我知我应该死心, 但系咁易咩? 我信错左自己两次喇, 我而家对自己完全冇晒信心.
我咁辛苦先等到29号, 点解要俾个咁嘅结果我?究竟为左啲乜?我好痛, 好辛苦啊. 哩十几日以嚟, 我喊左好多次,
我就快崩溃喇! 我好辛苦啊. 我撑唔住喇!! 我真系真系好中意帆啊! 啲人唔系话只要唔放弃, 就咩都会成功噶咩?我一直都冇放弃过, 点解会搞成咁? 点解我要咁傻?!

[此贴子已经被作者于2008-3-5 17:44:16编辑过]

作者: Mika    时间: 2008-3-5 17:41

第二节
7月5号. 今晚班主任打电话畀我, 话我英语考得好, 叫我听日翻去学校为影相,作为学校嘅历史纪念. 咁又难怪嘅,学校好多年都冇出过本科生, 我哋哩届虽然拽,但系就系最威嘅一届. 我虽然唔系本科, 但话晒我英语都考左600几, 对学校嚟讲, 都值得留念. 学校更因为我哋咁叻, 专登搞左次校庆, 请晒学校几十年嚟嘅校友出席. 几咁风光啊.

我以为以后都冇机会翻去添. 其实我一直都好想翻去嘎, 毕竟高中嗰阵真系好开心. 但系我又唔想翻去, 因为唔想谂翻起佢. 我仲专登行上去六楼走廊尽头, 嗰晚我同佢一齐吹风嘅地方. 可惜, 身边冇佢.

7月18日. 心都碎了,不能补了; 心都破了, 就快死了; 中毒太深, 救不了了;
眼哭肿了, 鼻哭酸了, 泪哭干了,心却不死. 一直坚持, 我可以的.

7月23号. 今日阿宝发短讯同我讲, 话29号翻去攞毕业证嗰日, 见到帆时不时都望我.
点解要畀我知啊? 够喇, 我唔想再听到佢个名, 唔想再知佢D嘢. 我好辛苦啊!

7月28号. 今日蚊同我讲, 话原来帆换左手即No..其实我系咪应该放弃呢? 但系我......我唔想放弃啊. 如果可以重新开始,我一定唔会中意佢.

作者: Mika    时间: 2008-3-5 17:43

结尾

一直以嚟我都坚信佢会搵我.毕竟,佢有当过我系佢好朋友.第一年, 我等嘅系一条短讯,第二年, 我觉得我只需要一个解释.第三年, 我开始慢慢忘记佢. 今年系第四年, 我谂, 应该可以放低喇啩.
其实我好想放低.一直都好想.每一次决定放下嗰阵, 耳边总会听到有关佢嘅消息. 而当听唔到佢个名,以为终于系时候要忘记嗰阵, 偏偏, 佢又一次一次咁, 出现系我梦入面. 就这样, 一直缠绕左我四年.
有人问, 点解你唔搵佢, 要等佢搵你啊? 佢唔会翻转头嘎,倒不如你主动搵佢同佢讲清楚咪一了百了!
我又何尝唔想呢. 我同佢嘅联系方法, 只有手机. 佢唔上网, 冇QQ. 我有佢手机,已经好过其他人. 既然佢连号码都换埋, 我,又点搵到佢呢. 佢啲F我又唔识.
曾几何时, 当我满怀期待写下一条短讯,准备发过去, 得到嘅, 系"发送不成功". 当我鼓起勇气打电话畀佢嗰阵, 听到嘅, 系"你所拨打的号码是空号". 我个心, 正如哩句话一样, 空.
或许, 缘分已尽. 又或许, 我同佢, 根本就冇缘分.

其实仲有好多我冇写到.一嚟, 系唔想大家睇到闷. 二嚟, D内容真系太多,而且大部分内容都系我之后嘅心情.我之后嘅心情就得一个啫, 无谓再写.三嚟, 系因为我一日之内打咁多字, 啲手指好攰.

我文笔唔好, 而且省略左好多, 希望你哋唔好介意.仲有, 当中我加左几句我而家嘅谂法.

或者, 你哋会觉得我真系好蠢, 好傻, 好憨居. 我认嘎! 但系, 问心嗰句, 被爱情冲昏头脑, 被爱情困扰住嘅人, 有几多个系清醒噶? 更何况, 我嘅恋爱经验, 实在太少.

系一边睇住本日记, 再一边将上面嘅每只字打上嚟嘅整个过程, 我又流眼泪. 估唔到, 我仲可以喊得出.

唔需要安慰我. 我, 其实过得好好.

作者: HEMAN    时间: 2008-3-6 03:06

机会系要自己争取噶~~事过境迁就无捻甘多咯~
作者: 0bi    时间: 2008-3-6 06:38

以下是引用Mika在2008-3-5 17:40:04的发言：

第四章 &nb
……

---原文内容共 1734 字节，此处引用 50 字节，其余省略

本身硪睇完覺得5錯。。

但喺硪睇到"唔需要安慰我. 我, 其实过得好好."

。。。。 e+硪好憎個個"煩"錒``

作者: lydiay-GG    时间: 2008-3-6 08:07

以下是引用Mika在2008-3-5 17:40:04的发言：

第四章 &nb
……

---原文内容共 1734 字节，此处引用 50 字节，其余省略

其实...你都无真正甘恋爱... 无开始
又何来失恋与结束...呢
近排行走下...就要麻烦你啦...

作者: Mika    时间: 2008-3-6 17:43

以下是引用0bi在2008-3-6 6:38:40的发言：

本身硪睇完覺得5錯。。

但喺硪睇到"唔需要安慰我. 我, 其实过得好好.
……

---原文内容共 147 字节，此处引用 50 字节，其余省略

哈哈.关嗰句咩事啊?
作者: Mika    时间: 2008-3-6 17:46

以下是引用lydiay-GG在2008-3-6 8:07:29的发言：

其实...你都无真正甘恋爱... 无开始
&
……

---原文内容共 201 字节，此处引用 50 字节，其余省略

我知啊..不过嗰阵伤心到咩咁..所以同失恋差唔多啦...仲惨过失恋啊..
作者: 神仙妹妹    时间: 2008-3-6 18:10

以下是引用Mika在2008-3-5 17:40:04的发言：

第四章 &nb
……

---原文内容共 1734 字节，此处引用 50 字节，其余省略

...好想話俾你听..."只要吾放弃,就一定可以感動"依句系真架....不過首要條件系對方系中意你既..就算得DD都系得架..因爲我就系甘啦...我吾想寫我既故事...因爲我覺得我既故事系吾會有完結果一日既..需然有好多好多困難..眼泪多過歡笑..但繫我覺得值得...只要可以留系驅身邊..我就夠啦...如果你吾想放弃既...搵驅啦...俾時間驅去體驗你對驅既感情啦...我支持你!!!![em39][em39]
作者: Mika    时间: 2008-3-6 18:20

以下是引用神仙妹妹在2008-3-6 18:10:27的发言：


……
---原文内容共 423 字节，此处引用 50 字节，其余省略

类似嘅说话四年前都有人同我讲过,个F话,如果畀佢知道我咁,佢一定会好感动.
其实唔系我唔想搵佢,而系我搵唔到佢.我知道佢换左手机no之后,我都有叫我个F帮我攞佢电话,因为佢识得人有佢电话,但系我个F冇帮我囖.
由嗰阵开始我就觉得,勉强,其实真系唔会有幸福.

作者: 神仙妹妹    时间: 2008-3-6 18:23

以下是引用Mika在2008-3-6 18:20:58的发言：

类似嘅说话四年前都有人同我讲过,个F话,如果畀佢知道我咁,佢一定会好感动.
其实
……

---原文内容共 260 字节，此处引用 50 字节，其余省略

...當然啦..如果對方系拒絕俾機會你既話甘又系另一種睇發咯...但繫既然愛過..你自己吾後悔..覺得對得住彼此既話...甘你無遺憾架啦...算啦..都過去左啦..[em11]
作者: Mika    时间: 2008-3-6 18:26

以下是引用神仙妹妹在2008-3-6 18:23:57的发言：

……
---原文内容共 222 字节，此处引用 50 字节，其余省略

有嘎...有遗憾嘎...遗憾点解会中意佢..哈哈..
作者: 0bi    时间: 2008-3-7 06:27

以下是引用Mika在2008-3-6 17:43:21的发言：


哈哈.关嗰句咩事啊?

好有關連。。。 e+覺得佢真喺好衰格``

講5出原因伽憎!!

作者: Mika    时间: 2008-3-7 15:07

以下是引用0bi在2008-3-7 6:27:10的发言：

好有關連。。。 e+覺得佢真喺好衰格``

講5出原因伽憎!!


搞到我好似令佢变成罪人添...哈哈..
作者: 癫喵    时间: 2008-3-7 22:54

有好多野就系甘嘎啦,!
爱很难说出口.
作者: 神仙妹妹    时间: 2008-3-8 00:58

以下是引用Mika在2008-3-6 18:26:33的发言：


有嘎...有遗憾嘎...遗憾点解会中意佢..哈哈..

..愛一個人系一種心情..系一種感覺..系一種信仰...點可以話系遺憾呢???[em01]
作者: 0bi    时间: 2008-3-8 05:55

以下是引用Mika在2008-3-7 15:07:54的发言：


搞到我好似令佢变成罪人添...哈哈..

佢赱寳。。 5要你!!

作者: Mika    时间: 2008-3-8 15:21

以下是引用神仙妹妹在2008-3-8 0:58:55的发言：



……
---原文内容共 131 字节，此处引用 50 字节，其余省略

点解唔可以有呢?每个人嘅睇法唔同..

作者: Mika    时间: 2008-3-8 15:26

以下是引用癫喵在2008-3-7 22:54:49的发言：
有好多野就系甘嘎啦,!
爱很难说出口.

其实爱不用说出口..
作者: 神仙妹妹    时间: 2008-3-9 00:00

以下是引用Mika在2008-3-8 15:21:24的发言：

点解唔可以有呢?每个人嘅睇法唔同..

..或者啦..如果我系用盡我既努力同力氣去愛過既...咩結果都好..我吾會咯...

[em04]



欢迎光临 三乡网_In-Cool (http://www.in-cool.net/bbs/) Powered by Discuz! 7.2