作者: graceshan 时间: 2007-9-21 11:24
二..爱情嘅萌芽
第二日,我上网见到米妮.佢话不如你都入埋个群啦,,,成日都会有D聚会…于是我就入左一个叫Z族嘅群…据我见到D聊天记录了解,,群主喺一个叫小玲嘅女,嗰晚喺新冶同米妮、伟佢哋一齐玩嘅..同我都有一面之缘,最搞笑嘅喺傻淋叫一个女仔叫老公.个女仔叫巫女.成个Z家族仲有D乜嘢大佬吖细佬吖..仔吖女吖咁…米妮喺小玲同巫女嘅第三女…好复杂嘅关系…好复杂嘅所谓嘅家族…
个群一直好热闹好多人讲嘢…尤其小玲系度嘅时候..简直静唔到..睇得出..佢好元老好有影响力…我喺新人..一直争取多D讲嘢..同大家吹水混熟D..识多D朋友…不过除左米妮之外都冇咩人理我…
12月30号晚..个群搖旗去426mini玩…我同米妮一边喺个群度吹水.一边自己有自己私聊..我哋都约好左30号晚一齐过去玩…
嗰晚我一早就出左门口…半路接左个电话:
“你系米sandy吖?我系歌哥呢边咖….唔知你几时可以过来翻工呢?”
估唔到嗰度收左我…
”我一阵都过去嗰度玩.一阵我来稳你再详细倾拉.”
“好.我叫vivi.你来就稳我拉”
入到去东急…同米妮佢哋玩左一阵..在场仲有小玲..小玲条仔..伟..EMII(男)..靓女sam..sam个F..等等..好多都未见过…不过一齐玩得嘅.冇所谓啦..玩多几次就熟..玩左一阵我就去左稳vivi..vivi见到我就话:”好靚妹”..佢叫我1月2号来翻工..10点翻到稳阿恩.签到打卡就得啦.不过vivi开比我嘅人工就好少咯..而且一晚要5个钟头…我清楚知道广州D蹬場嘅价位…
我翻翻入去稳米妮佢哋..同米妮讲呢度叫我翻工了…米妮话:”咁少钱..唔好做啦..而且翻工时间咁长!”我林吓都觉得喺..好鬼刻薄咁..不过咁多大大小小企业都唔收我呢个本科生…话晒都叫做有份工…我话:”我再考虑吓睇点先啦…”
嗰晚劈完芝仔之后..又啰左唔知几多百威来..两堆人分开玩包剪揼劈啤酒…我输好多..又帮米妮顶左D…我唔饮得啤酒..虽然好wing..不过好欢…临走佢哋话去文德路食消夜.于是唔知边个扶左我上车..离开左东急..
伟扶我啶左我喺面包车最后面一排…当时我好wing..咩都讲唔到..摊左系度瞓..D酒喺个胃度摇来摇去..芝仔同百威撞来撞去..好难顶..唔知几时到左文德路..伟又啶我落车..同我讲:”快D叫你条仔接你翻去啦!”由于当时饮到好hi…突然间出现”仔”呢个字眼…突然好似醒左咁…
“我冇仔!”
伟唔信:”你唔好扮嘢啦!你边有可能冇仔…”
“如果我讲大话..呢世都嫁唔出!!!”
“咁毒??信唔信你好呢…”
坐落左之后..靓女sam同伟买左几支红酒来…唔知喺点嘅情况吓…我同伟开始好豪咁劈红酒,,包剪揼,一枚一杯…我饮左兩大杯都依然冇事…伟饮第二杯就开始汤…呕红酒..我一边食嘢..一边叫在场D男嘅睇住伟…我劈琳左佢.娃哈哈…睇佢仲点串我!
伟汤完之后就唔同我玩…后来我越坐越wing..终于忍唔到..都唔想再忍..我同米妮讲话我想走先…唔得了…米妮叫伟送我翻屋企..我上左的士..不醒人事..只记得期间伟仲系度串我..话我冇酒品…话我队琳佢..话我串佢要带我去开房…我唔记得我自己讲过D乜..不过我清楚咁记得佢同司机讲:”司机.去华海大酒店..”不过当我落车嗰阵..我见到喺我自己屋企楼下..伟同我讲:”你眞系要去做蹬場?”我求其up左句:”我唔做.系米你养我?!”
“我养你米我养你咯!你知唔知我喺做咩咖?”
“唔知..”
……(中间唔记得)
伟临走嗰阵好认真咁同我讲:”记住..无论点都唔好衰比屋企人睇!翻上楼轻手D开门.唔好吵住屋企人!”
我凭感觉向自己屋企方向爬过去:”得!我唔会衰比屋企人睇…”
我觉得呢个冇带我去开房嘅男人同其他人有D唔同…呢个叫伟嘅人..改变左我之后嘅蒲场生活..爱情嘅萌芽喺呢一晚开始…
(to be continued)
作者: graceshan 时间: 2007-9-21 11:24
三.爱情嘅开始
汤完之后特别好瞓…醒左之后如常上Q.个群度好多人已经起左身…同大家打左声招呼
“我系sandy吖…大家唔好唔记得我…”伟喺个群度对我讲左句:”四眼妹”
由于琴晚我眼唔舒服.戴左眼镜出去..就比佢帮我起左呢个花名……伟加左我Q…之后我哋就自己系度私聊起身……
“今晚除夕.你去边度玩吖?”伟问我..
“唔知吖..可能同DF去打麻雀.”
“唔好打啦.我哋今晚去G1订左卡.你都一齐来啦..”
“但我已经同DF约左咯喔…”
“我想你来吖…”
“到时睇情况啦..今晚电联..”
我系度林…就来就06年了,今晚倒数嘅时候唔知我会系边…如果我系麻雀台上面错过左倒数..咁米好闷??林吓林吓..我推左DF唔去打麻雀了..如果喺G1入面倒数..应该会好热闹..唔知今晚米妮会唔会出现…如果米妮系度至少都会有人陪我玩.我都冇咁闷…
晚黑伟临出门叫我比个电话佢…我哋约左喺北京路等.佢顺便兜埋我过去..于是我就出门去北京路..探吓我D好耐冇见嘅姊妹…
kid同ben就成日见啦..sue就眞系几年冇见..以前高中嘅时候同我好F.我哋成日一齐打波行街..我高中第一次去夜场..都系同sue一齐…不过而家佢要翻银行工..闲暇时间少左.我哋少左联络…
喺五月花同sue倾左一阵..伟就来接我走..一上车佢就对我讲左句”四眼妹”
我望吓佢.四肢发达咁嘅款..我同佢讲”死肥仔”…呢两个就系我哋第一次为对方改嘅花名…
其实嗰晚喺G1都几闷..因为在场好多女..我都唔识..我冇见到米妮..不过小玲就系度..一去到卡3..我见到有个女仔啰左一樽药比伟..伟喺个角落度鬼鬼祟祟咁逗留左两分钟..佢背住我我睇唔到佢做咩..我心林:佢唔会嗨嘢挂???!!!如果喺普通食药..使鬼咁神秘…我冇问伟..不过即刻提高左警惕..个心有D惊…我记得佢曾经问过我知唔知佢喺做咩嘅。。唔通佢职业同D丸仔有关？！
成晚都系伟陪我玩..佢多数时间都系我隔离陪住我..惊我闷..开头佢输好多..不过后来我输左两杯斋芝仔---即系只加冰唔沟软饮…我就开始wing…倒数嘅时候佢哋都系度狂欢..不过我唔想同D唔识嘅人扮晒熟咁…我自己一个人狂欢…
到左该离开嘅时辰..伟捉住我只手离开左G1..我哋几个去左文德路食消夜…期间小玲问左伟一句:”今晚你系米想讲情深的说话?”我有D尴尬..低头冇讲嘢…我都唔记得当时伟点答..后来食到咁上下,,伟就拖住我话我哋走先..因为佢知道我早上一早翻学校稳老师跟车上顺德..关系到我前途..我唔可以迟到更加唔可以唔去..伟好细心..提早送我走..
翻到我屋企楼下…我同伟两个人喺楼下坐左一阵..佢坦白同我讲话想戒我…仲有EMII想戒米妮…当时我wing吓wing吓就讲左米妮已经有仔了…
伟话:”但系米妮佢自己亲口话佢冇仔…”我即刻感觉到有D严重.米妮讲大话…不过我觉得都算正常.出来玩想戒仔.米话自己冇仔咯…好多男人有老婆仔女都出来沟女啦…男人理解男人处境,女人都会理解女人..于是我同伟讲:”当我冇讲过..我唔系有心讲出来..唔好同其他人讲…”
翻到上楼我冇即系瞓觉..因为我好兴奋..伟话想戒我..我对呢个有小小特别嘅人有D心动…我总觉得佢同其他人唔同…等伟都翻到屋企..我同讲左一个钟头电话先舍得瞓…当时我就知道…因为呢个人嘅出现..我嘅爱情开始左…
作者: graceshan 时间: 2007-9-21 11:25
四.手机惹嘅祸
拖住好多好多嘅疲惫..我一早就跟车去左顺德..以为会见到老师介绍比我嘅老细(介绍我去做佢助理)…点知都系要下昼翻到广州先见到…本来老师想介绍埋我做佢女朋友..个老细三十岁..喺美国某投资银行中国首席代表..东莞人..加拿大籍..单身贵族..如果跟到佢啰綠卡唔成问题..个老细睇上去三十几岁..我睇上去十几岁..我同老师讲..份工可以考虑..其他嘢就再讲啦…
翻到广州已经攰到冇晒知觉..上网见到米妮..我问佢点解琴晚唔出现..佢话琴晚有事所以冇来咯…呵呵…更系要陪仔啦…除夕倒数更系同自己最爱嘅人一齐过…如果我有仔..我都宁愿过二人世界.唔去凑D乜嘢热闹…
记得平安夜嗰晚..我同个F两个人行街..一到夜晚..成条街都系D情侣拖住手仔.好甜蜜好温馨嘅场面…仲有好多女仔都有花收添…记得后来米妮同我讲翻.佢同条仔平安夜去食饭食消夜…两个人倾心事倾好多嘢…
我突然间好憎D大节日…
1号晚休战左一日……伟比左我睇佢同小玲D聊天記錄..原来佢哋话想戒蒲..
“我哋已经连续战斗左成个月了,未停过,都系小玲带坏我咖…佢仲癫.几个月未停过..”
“我连续两晚都已经想死了..乜你哋咁厉害…”
“我都觉得好攰..我哋想蒲埋听晚就唔蒲了.听晚喺最后一晚.所以一定要断片..”
“听晚我开始喺东急翻工了…”
“蹬場唔啱你做咖..唔好做啦..”
“咁系米你养我吖??”
“你听晚来..我话你知…”
2号晚.我同伟一齐上去东急..去到卡20..见到米妮已经系度..仲有小玲同巫女(佢哋所谓嘅一家人)…仲有一直追紧巫女嘅TONY.G…我坐喺米妮隔离..见到佢又食翻烟..
“你又话戒烟??仲系度食..”
“叼.忍唔到吖..不过喺屋企已经冇食了..”
伟坐左系我隔离.就撩米妮玩..佢哋系度劈…我坐喺佢哋中间..又冇得玩..都唔知算点…我啰起只杯想饮.伟即刻阻止我.唔比我饮…我都唔知点解..好迷…
小玲同巫女两个人劈斋芝仔..伟同米妮劈..我同TONY就做左两个旁观者…到到咁上下.佢哋都有D大了..我依然唔比饮.依然冇人理..我嬲伟..嬲佢带我来又唔比我饮又唔同我玩…
我啰起个袋话走先…伟同米妮都唔比我走..硬喺要我坐系度…唉…除左无奈就系..闷..
嗰晚佢哋4个都彻底咁断晒…后来又来左几个男嘅…
我好几次话要走，伟拉住我，佢话：
“唔好走，你留底陪我得无得？我唔中意米妮，我知佢讲大话。我中意嘅系你。。”我冇出声，冇答佢。。
好唔容易挨到D酒饮晒…我哋落左楼..小玲同巫女喺楼下大闹东急..几乎成条上下九都听到佢哋系度癫…因为同佢哋玩开D人都知道小玲醉左之后好难搞…所以冇人肯送小玲翻屋企…我同伟推左小玲上车送佢翻屋企…去到佢屋企楼下..小玲依然唔上楼…喺楼下发晒癫咁…伟话唔使理佢.佢自己识上楼.拖住我就想走了…
点知小玲叫翻我哋转头,,,
“你哋见唔见我部手机。。。我部手机呢？”
佢唔见左手机….稳左一轮之后稳唔到…肯定喺头先漏左喺的士度…呢个时候小玲更加发癫…点都唔肯翻屋企…于是伟就捉左佢上车…”我哋送佢去华海比佢瞓觉…”
TONY一早就同巫女去左华海开房…我哋去到稳TONY嘅时候.巫女已经瞓左…不过小玲嘅到访.巫女又走过来大闹左一轮…
“老公我来稳你啦…”小玲系度对住巫女叫…
“老婆你来啦..我好啩住你吖…”两个醉左嘅女人傻吓傻吓咁…
突然我下意识低头望下….我部手机呢?????唔见左???冇嘅????连我部手机都唔见埋。。漏喺的士度。。。
”吖!!!!!!!我唔见左手机!!!”
“唔系嘛…赔死我啦今次…”呢句说话喺伟讲..佢应承买翻部手机比小玲..而家我又唔见…佢话佢点都会买翻比我…
好唔容易我凼左小玲瞓着左…佢认真难搞…佢醉左之后我照顾左佢成晚..佢又大只…攰到我绩咁…喺黑暗之中我除左对高争鞋…伟突然间揽住我…揽到好实好实…
“candy…”
“叼你..我系sandy吖.你边条女叫candy吖…”
“叫错左..唔好意思吖candy..”
“……”
“我好中意你咖candy..可唔可以比个机会我同你..”
“咁你同candy一齐啦..我冇意见..”
“我就系中意逗你玩..中意睇你发嬲个样..”……
嗰晚我成晚同伟系度倾计…我知道佢职业（捞偏，同波仔有关）..知道佢屋企…佢拖住我只手…我就知道我逃唔出佢嘅手…
“以后我养你..你唔好做蹬場啦..我一定会买翻部机你..比几日时间我..星期五之前..你想要咩机?用我而家呢只好唔好?”
“是但啦..我都冇研究…”
“咁用情侣机就系情侣咖啦…”
“你系米肯为我戒蒲吖?”
“嗯!更系啦..我听你话..”……
昏沉之中大家都瞓左…
嗰晚喺2号晚.我唔见手机..亦喺正式同伟开始嘅日子…我相信个天喺好公平嘅…佢啰走你一樣嘢,就会比翻另一樣嘢你..啰走左我部手机..但系赐左伟比我…如果伟可以一直留喺我身边..就算我以后冇手机用都系值得嘅……
不过原来个天一直都冇对我公平过……
(to be continued)
作者: graceshan 时间: 2007-9-21 11:25
五．第一次约会
第日一早我同伟就离开左华海，因为佢要翻屋企睇住个盘。
瞓到夜晚，上Q就见到米妮，大家都醒晒了。。。小玲完全唔知自己琴晚做过D乜，静系知道自己唔见左手机同件外套。。。同时都忽略我照顾左佢成晚。我觉得佢有D过分，好似唔识我咁，唔当我系F咁。。。
米妮喺Q度问我：
“琴晚你哋之后点吖？我翻到屋企就大觉瞓了。”
“琴晚去左华海开房。第一次就咁献比你阿妈，同埋伟。。。”
“咁你琴晚有冇同伟乜乜？”
“傻咖你。。边有可能。”
“咁你唔系已经同佢咩了咩？我觉得好正常。”
“边有咁快吖？我唔会咁随便就乜。”
“唉。。我想同条仔做都唔得吖。。。佢晚晚都12点先放工，我哋又住得咁远。。。”
“你而家同佢点吖？”
“其实琴晚我同佢嗌完交先过去东急。所以琴晚我好唔开心。。好想断片。。”
“乜你哋成日都嗌交咖。。咁而家点吖？”
“而家冇事啦。。琴晚打翻个电话比佢，讲和咯。。我哋喺电话度喊到猪头咁。。。我哋大家都好紧张对方。。”
我好耐都未试过咁轰轰烈烈嘅感觉了。。以前我唔成熟嘅时候，都会成日同条仔咁样嗌交发，喺状元方吵完就各自回头走自己嘅路。。。而家我想稳人嗌吓交都几难。。所以我叫
米妮，即使喺嗌交，都要好好珍惜每次还可以嗌交嘅机会。。。
爱情不是等你有空才珍惜。。。
我同伟喺Q度自己倾。。。我发左我自己录嘅翻唱歌比佢听，，我自问喺一个K歌之后，，声线还OK啦，，唱功都唔错，，呵呵。。不过听翻唱同现场唔同，，效果仲差好远。。
伟约我听日去唱K：
“不如我哋听日下昼去K咯，歌哥好平咋，24蚊可以唱3个钟。。”
“好吖。。系米我哋两个人去吖？”
“喺吖。咁好唔好吖？”
“好吖。。我哋5点去啦。”
但系转头伟喺个群度开始搖祺：“听日下昼边个去唱K？去嘅举手报名。。”
“唔系我哋两个二人世界去咩？”我同伟私聊。
“我哋两个唱2点到5点场，同佢哋唱5点到8点场。。比足机会你发挥啦，歌后。”
嘻嘻。。。
知道第日有得开演唱会，心情好兴奋。。嗰晚瞓得好好。。
第日一早，屋企电话响（由于冇手机用好唔方便，只能用屋企电话联络外界）。。
“请问系米sandy？呢度假日酒店人力资源部，我姓陈。之前你应聘我哋酒店MT呢个职位，唔知你今日下昼有冇时间过来面试呢？”
今日？？下昼？？面试？？我即使醒晒。。。
但系我约左伟在先喔。。。我唔想放佢飞机。。何况早上叫你下昼就要过去，太仓促了。。。
“我今日下昼有事喔，，听日下昼得唔得？”
“冇问题。咁听日下昼两点你来HR department稳我。同时我哋而家有公关部副经理呢个职位空缺，睇吓你有冇意向来应聘。具体听日面试再详细讲。”
有一次二面嘅机会，，太开心拉我。。。突然觉得我开始转运了。。个天好似眞系公平嘅。。
下昼，我同伟约好喺歌哥楼下等。我迟到左15分钟。呢次喺我同伟所有约会中唯一一次迟到。我好唔想要伟等我，甚至憎我自己迟到嘅罪行。
我用慢跑嘅速度奔去歌哥。。不过当我见到伟嘅时候，佢竟然同一个女仔一齐。。。原来伟中午就系同佢去食饭。。。
“呢个叫小姬，我一个好朋友，今日我哋一齐唱啦。。呢个candy吖。。
“sandy吖。。顶你。。一齐唱啦咁。。”
我把口话冇所谓，不过个心都有D唔舒服。。事先又唔同我讲。。。不过我同自己讲，唔好咁小气，唔好咁多心，要大方D，冇男仔会中意乱发脾气嘅人。。。
嗰日我冇乜状态，发挥唔到我歌后嘅水平，不过求其出7成功力，就足以令伟对我刮目相看。。呢种感觉好爽，哈哈～～以后我可以啰呢样嘢来串佢，因为佢5音不全。。嘻嘻。。
喺K嘅后期，伟带我去见一个人。佢话如果我想去做蹬場嘅话，去G1，佢大把朋友喺嗰度，G1人工高D。喺另一间K房，我哋去见左一个后生仔，睇上去得十几岁。。。我心林。睇上去冇咩资历喔，话唔话到事咖？
伟又重复问左我一次：“问你最后一次，你做唔做？”
我犹豫左一阵。。。
“乜唔系话有人养我咩？有人养我米唔做咯，边个中意抛头露面做呢D嘢喔。。。”
“咁得拉，我同人哋讲声话你而家改变主意唔做咯。。。”
就咁样，我嘅蹬場job就告一段落。。我原本以为眞系咁。。。
后来巫女同小玲都先后来左join我哋。。我主动同巫女打左招呼，聊左几句（加埋唔够10句，就系我同巫女嘅对话之全部，从开头到而家）。小玲来到就当我透明咁，，好似唔识我。我同佢哋始终都混唔熟。。不过我一于好少理，唱我嘅饮歌。。。
闷闷哋又冇咩人理我，我啰伟嘅手机玩。。有短信睇，，睇吓先。。我呢个人最唔好嘅就系中意睇人短信，特别喺自己紧张嘅人。我觉得喺手机短信入面可以知道好多嘢。。我以前有几条仔就系因为比我睇到手机短信，比我发现原来唔止我一个女朋友。。。
呢次，，我唔希望睇到D唔希望睇到嘅嘢。。。however。。。有一条短信嘅头三个字冲击入我视线。。。“我爱你。我每晚瞓唔着都会林起你，林起以前同你一齐嘅日子。。。”（内容唔记得，大概喺咁。而且类似嘅唔止一条）
伟见到我见到我睇紧佢呢D短信，叫我睇吓发送时间（喺11月份嘅），再睇吓收件人嘅手机号码喺边个。。。
唔系嘛？？！！点解会喺伟自己嘅手机num？？
“你自己发比自己？”
“喺吖，唔得咩？”
有冇可能吖，边有人咁变态。。我林左好多个可能性，系米佢以前条女用佢而家呢个num吖？
“睇到未？有冇嘢要问我？我唔会呃你。。。”
“唔。。。我冇嘢问吖。我信你就得啦。。。”不过我依然好迷。。解释唔到。。。
由始至终我都冇同伟两个人单独咁过。。唱到8点。散水。小玲同巫女两公婆自己去M记撑台脚，小姬就自己坐车翻屋企。伟问我：“我哋去边度食嘢吖？饿了。。”
我望吓呢条熟悉嘅上下九，灯火已经通明，人好多好热闹，好似每个人面上都啩住逛街嘅喜悦心情。。我忘记左头先短信嘅疑云。。只有一种幸福嘅感觉悠然而生。。
上下九咁多正嘢食，，我同伟第一次正式一齐食饭，食咩好呢？我林起银记D肠粉，荔湾名食家D云吞，仲有荔港门口D葡挞唔知仲有冇呢。。。。
“不如我哋去仁信食牛三星咯，我最中意咖，食埋双皮奶拉。。。”
我林起我高三嗰阵拍拖嘅第一个男朋友，我哋中午成日一齐去呢间仁信食嘢。。。而家。。我好想重温以前简单、单纯嘅生活，比起去D高级餐厅，咁样要来得开心好多。。
喺仁信食得好开心好温馨。。不过我隐隐约约感觉到自己唔系咁舒服，有D想发烧嘅感觉。。
食饱饱之后，伟话：“不如我哋去睇场戏咯。。仲好早咋。。”
我想讲我有D头痛。。但系我唔想伟担心我。况且可以同佢两个人睇戏。。我要珍惜呢个二人世界嘅机会。。。
“好吖。。去市一宫拉，嗰度可以买到学生票。。”我林，我要做人老婆就要学识点同伟悭钱先得。。
喺戏院入面我都唔知睇左乜，，我静系觉得好晕好头痛，仲好冻。离开电影院，我已经好辛苦，我肯定自己发紧烧。。
伟好紧张即刻送我走。翻到我屋企楼下，我唔想佢咁担心我，装出一副仲好精神嘅样，落车挥手丢低左句：“再见啦朋友。。。”
伟叫住我：“你讲咩话？比多次机会你讲多次？”
“再见啦老公仔。。。”我用意志力复翻佢问题。。。再望住的士离开左我视线。。。
翻到屋企探吓热先。。。38.9。。。唉。。。听日重要去见工。。
不过算啦，我依然相信个天喺公平嘅。。。
作者: graceshan 时间: 2007-9-21 11:26
六．转捩点（一）
第日一早起身，我逼自己退左烧。着左一身行政装，准备出发去假日酒店。望吓镜入面嘅自己，同喺夜场出现嘅我，喺同一个人吗？唉。。。
interviw我嘅喺酒店嘅销售部总监，一个睇上去三十岁嘅女人，好识讲嘢，问左我几个问题之后，就开始test我英文。我口语唔系咁好，一讲英文就紧张，都唔知自己讲左乜。心林，唉。。又衰喺口语呢一关，已经唔系第一次啦。。一个大好机会就咁比我糟蹋左。。
总监就我翻去等我消息。。我离开左假日酒店。。记得伟住呢度附近，唔知佢起身未呢？好想见吓佢，比佢见吓我着行政装个样，实吓佢一跳，我想比佢知道，我除左识蒲之外，我仲识好多嘢。。。
于是我打左个电话比佢，约左喺淘金K记等。
“我大概要等你几耐吖？”
“我而家先起身，等我45分钟啦。。”
“咁好啦，你尽量快D，今日冷空气，你着多件出来吖。。唔好冻亲。。。”
我先发现自己原来为左行政装，一共先得两件衫，，好冻，，快D入K记暖吓先。唔系又开始发烧就PK啦。。。
喺K记等左好耐好耐好耐。。差唔多等左一个钟头了。。越坐越冻，个天开始黑了。。伟会唔会去左第间K记呢？我冇手机佢稳我唔到。。我出去稳电话打比伟，沿途仲望吓见唔见到佢。“您所拨打的电话已关机。”唉。。好冻。都系翻屋企先了。。。
之后嘅剧情唔讲啦，米就系比伟PK左我一轮，我十万个道歉之后，佢就原谅左我咯。
喺上次佢哋话戒蒲之后嘅一个星期，伟好乖眞系冇蒲到，除左有时由于工作需要应酬D朋友，而我都会一路温习一路等佢翻屋企我先瞓。。似乎等佢已经成为我习惯了。
而好多晚米妮都会上网同我倾计，帮我打发时间。。
“伟应承我2点前翻咖，而家成3点几啦。。佢应承我嘅嘢都做唔到。。”
“几乎你紧张佢多过佢紧张你喔。。。你系米眞系爱上左佢？”
“嗯。我今次认真咖。”
“唉。。蒲场冇真爱，我劝你都系唔好咁认真啦。唔系到头来受伤嘅都系自己。。”
我觉得米妮讲嘅都好啱，不过感情付出左就收唔翻。。我拍拖从来唔会玩玩吓，既然一齐左就唔想再分开了。。
“我睇到佢手机D短信。。佢自己发短信比自己喔。。仲写D我爱你之类嘅嘢。。好迷。。解释唔到吖。。”
“吓？？佢可能有人格分裂吖。。。”
虽然呢个解释好搞笑，但系我觉得喺咁多个猜测嘅可能性之中最合理嘅一个。。。
之后嘅转捩点发生喺1月8号晚，我考试嘅前两晚。。。
之前佢哋话戒蒲，小玲根本戒唔到，而伟戒左一个星期之后，决定再蒲翻。。佢哋约好8号晚去东急私蒲（所谓嘅私蒲就系佢哋几个平时玩开嘅自己去玩，唔侵其他人玩）。我嬲伟，因为佢应承过肯为我戒蒲，而家讲得出做唔到。
“我要温习又要写论文。反正你哋都唔侵我玩咖啦。我1点过去接你好唔好？”我同伟讲。
“好。咁我到时比电话你。你系屋企乖乖哋帮我睇住D波波。。”
我好唔容易赶晒D论文，飞过去东急。去到楼下一落左的士，就见到伟同米妮一齐，佢哋入去7仔买嘢食。出于女人嘅直觉，我觉得佢两个有D唔妥，有D嘢。我系旁边观察左一阵，除左米妮拉住伟只手几次，都冇乜唔妥。。我叫自己唔好咁多心，米妮喺我朋友，佢知道我同伟一齐，佢应该唔会乱来。
于是我就好得意咁出现喺佢哋面前（注意，喺好得意。。。）佢哋两个都大晒，而伟更加喺已经彻底咁断片。米妮叫我睇翻住伟。我同米妮讲：“伟唔得了，我想带佢走先得唔得吖？”
米妮逼伟饮D奶撑住个胃。伟有胃炎，成日胃痛仲要成日去蒲。从米妮急切嘅言语中，我睇到一份超额嘅关心。。。。。。我再一次叫自己唔好多心。
跟住唔知点米妮有D发烂渣咁丢低左一句比伟：“你走拉！翻屋企拉！我唔理你拉！”讲完米妮就自己上翻4楼。。。
我同伟喺下面坐左半个钟头。佢汤唔出好辛苦，我一直照顾住佢。期间佢酒后吐左好多秘密出来，一D佢平时唔肯同我讲嘅秘密。。佢话佢以前比女人呃左好多钱。。佢问我会唔会呃佢。。。
半个钟头之后，我扶伟上翻4楼。又係卡20。一上到去，我感觉到一切都同以前唔同晒，多左一份杀气。我一出现，小玲即刻叫我同佢哋玩。
“sandy。我哋劈过，斋嘅。。啰冰来！！”
小玲呢个举动好唔寻常，我同佢一D都唔熟，以前冇话佢从来都主动撩我玩，连招呼都唔会主动同我打。我感觉到事态有D严重。。不过我林，饮酒嗻，佢哋已经饮到7788拉，我都未开始，我根本冇惊嘅理由。。
“好吖，劈过咯，斋就斋，冰都唔好要拉！净饮拉！”
但系小玲又唔敢，喺都要等冰来。。我心林，咁冇种，就唔好撩人玩啦，又怕死又反动。。好睬我玩骰忠都唔喺流，我唔系输好多，大家齐齐饮咯。。。但系呢份杀气就越发越明显。。
后来我不断见到米妮同巫女、小玲几个密密斟咬耳仔边唔知讲咩。。。但系据我推理同估计，我知道肯定同我有关。。。
伟叫左巫女同佢去厕所，好耐都冇翻来。。而我就比小玲逼我劈，仲有TONY.G一齐劈。好唔容易等到伟翻来，佢一翻来就行到我面前，问我：
“你有冇做D对唔住我嘅嘢？”
“冇吖。做咩咁问？”
“眞系冇？我同你一齐之后，你有冇对我唔住？“
“冇吖，眞系冇吖。你唔信我？”
跟住伟再冇讲嘢，巫女同小玲不断逼我饮酒，伟全部同我挡晒，一D都唔比我饮。。。后来喺吵杂嘅音乐声之中，我隐约听到小玲同巫女讲：
“而家我哋个女比人虾，老公你话点算先？”
从呢句话我知道原来唔止同我有关，仲同米妮有关。。。我林，我大概知道喺咩事了。。。不过都只係猜测。。
后来离开东急嘅时候，，伟同我导出左一切，，我估嘅嘢得到证实，，原来今晚全部都喺某人自编自导自演嘅一场戏。。。
作者: graceshan 时间: 2007-9-21 11:26
七．转捩点（二）
好唔容易又挨到D酒饮晒。。。各人准备离开嘅时候，，稳唔到米妮，，佢唔知去左边。。以为佢去左厕所，，但系厕所稳佢唔到。。。等左好耐都唔见人，但D衫同袋就喺晒度，个人就失左踪。
喺等嘅过程中，伟喺我耳仔边同我讲：“你落去下面等住先。。唔好留系度。。如果唔系我都保你唔住。。”
我话哦跟住就想离开卡20，但系小玲拦住我，唔比我走，“做咩走咁快，等齐人先啦。。”（当时我仲未证实到发生咩事）
后来始终都等唔到米妮翻来，我哋就一齐先离开左东急。伟同我同TONY.G一部的士。。伟同我讲左今晚呢场戏嘅全部。。。
个事实就系，米妮喺利用早我哋半个钟头翻上4楼嘅时间，同小玲同巫女讲，佢好中意伟，好中意好中意。。我出现之后，巫女同小玲就想队淋我，继而怂恿伟飞左我，同米妮一齐。伟同巫女喺去厕所嘅时候倾左好多，伟同巫女讲，只要我，sandy，冇做D对唔住佢嘅嘢，就唔会飞我。
然而，即系但是，最好笑嘅喺，巫女同伟讲，话我，sandy，已经做左D对唔住佢嘅事。。。于是就出现伟翻来卡20之后，问我有冇做D对唔住佢嘅嘢，呢一幕。。。
听到呢度，我就好嬲：
“巫女凭咩话我做左D对唔住你嘅嘢？我同佢加埋10句话都唔够，同佢好熟咩？点解佢知咁多嘢而我自己唔知咖？”
本来我对呢两个女人都冇咩好感，而家仲要咁样来屈我，拆散我同伟，呢个举动我觉得，好cheap。。。
伟开始醒酒了，佢同我讲：
“一阵喺文德路食嘢，你唔好出声，一句声都唔好出。如果唔系我都保你唔住。。”
“嗯。知啦。我唔想你难做。。”其实我都好想睇吓嗰几条X婆可以对我做D咩出来。。。
喺文德路嘅过程中，我眞系一句话都冇讲。。我有我食嘢，而小玲同巫女就一直不断讲D比较难听嘅说话。。期间伟同TONY.G去厕所，小玲好大声话：“死啦。。唔见左个女吖。。稳佢唔到吖。。点算吖。。。”
跟住转头同我讲：“米妮唔见左吖。。你点解好似一D都唔紧张咖？”
我话：“唔系吖，我好X紧张咖。。。但系稳佢唔到我都冇办法咖。。死啦。。咁点算好吖？”
“你哋唔系好F嘅咩？佢话当你系GOOD F喔。。”
“更系。。我哋喺好朋友来咖嘛。。。”
我成晚比人润。。但系我都忍。。其实以我嘅性格，我一早就已经翻左台，大不了打交嘅嗻，我宁愿大战都唔想受D咁嘅气，仲要咁样比人屈。。但系。。我应承左伟唔令佢难做。。话晒，呢D都系佢所谓嘅朋友。。所以。。我忍，点我都忍。。。
伟去完厕所翻来，佢话：“使乜担心米妮，佢有仔咖啦。。。”
但系小玲佢哋唔信：“佢有仔就唔会咁样出来玩啦。。我哋做老豆老母都唔知？！”
伟无言。。。我更加无言。。。
好一个大话精。。。
消夜食到7788，突然，我见到米妮喺路中间出现，，啱落摩托车。。注意，喺摩托车。。我最睇唔起坐摩托车去蒲嘅人。。。但系我冇将呢种歧视表现出来。。。
我讲左一句：“喺米妮吖。。。”于是全部人都将视线投去米妮比钱摩托车佬嘅过程中。。。
米妮向我哋行过来，第一局话就系：“叼。。喺楼下稳唔到的士喔。。打唔到车吖。。只能够打摩托。。”
唔系嘛。。。咁嘅大话都讲得出。。东急下面冇的士。。。仲有冇再假D吖。。。唉。。。无言。。。好一个大话精。。
不过在场都冇人拆穿佢呢个大话。。。
伟同TONY.G再一次闪去厕所，个场面就净翻我對住3个“敌对”我嘅X婆。。。
到临走嘅后期。。佢哋搖祺下星期一晚新冶。。。
小玲：“好。下星期一再战过，就我哋在场呢D人，，唔比带其他人来咖。。”
巫女：“就我哋在场5个。。多一个都唔得。。”
米妮：“冇错。喺吖。。”
在场一共6个人，言下之意。即系。。当左我死嘅。。。我心林。。哼。我唔稀罕。。
成晚伟都冇帮我讲好说话，我都冇出一句声。。呢一晚。。我夹杂住好多感受，爱，嬲，憎恨，惊讶，委屈，愤怒，彷徨。。。一种讲唔出嘅味道。。。而呢一场由某人自编自导自演嘅戏，代表住我同呢个群D人关系初步破裂。。预示住某人一手策划嘅阴谋正式拉开帷幕。。我同米妮嘅友情正式结束。。。亦都系我同伟感情上嘅转捩点。。。
之后，喺转捩点嘅呢一晚，伟带左我去华海。。。我同佢嘅第一次。。。
作者: graceshan 时间: 2007-9-21 11:26
八.华海之夜
消夜过后,伟拖住我上左的士,闪人…喺部车度,我依然一句声都冇出…伟好紧咁捉住我只手…
“我知今晚好委屈你…对唔住吖…不过我信你咖…无论佢哋点讲,都拆散唔到我哋…只要你唔呃我就得啦…”
“我一早已经同你讲左米妮有仔咖啦…呢场戏喺佢一手策划出来咖…我当佢喺F,而家佢咁样害我…”
“我识佢第二日就知佢好古划…我都同你讲左啦.TONY都咁话佢古划咖…佢哋唔信之嘛..”
“我比人咁屈法…我冇嘢讲…”
“今晚唔好走…留喺我身边陪我吖…”
“嗯,,,”
于是的士就向住华海嘅方向驶去…
一入到房,伟就去左冲凉..而我就帮佢睇住AC米兰嗰场波…我以前大一大二嗰阵喺学校足球协会后勤部部长,,所以对足球唔多唔少都会有D理解…我希望可以尽到自己嘅能力帮到伟…大不了..我做埋讲波婆都得…
睇完波,,熄左灯之后,我同伟瞓喺同一张床度…(另外一张床就咁比我哋冷落左…好浪费嘅标双…)伟揽住我…
“老婆..我好爱你咖…你千其唔好呃我吖…你唔可以呃我,但我呃你就得…”
“我顶你吖…由头到尾我都冇呃过你D咩…我都好爱你咖…”
“我爱你多过你爱我喔…”
“讲嘢吖..更唔系咖…”
“我唔会好似你以前D仔咁对你咖…今晚…我唔会掂你…”
我揽住伟…唉…
“傻猪..既然我同得你一齐,就冇林过分开,我愿意咩都比晒你…”
跟住之后…该发生嘅事都发生左…应该顺理成章要发生嘅嘢,就冇发生到…我林…可能喺酒精多过头褂…
第日一早..我就同伟手拖住手离开左华海…因为佢又要赶翻去睇住D波波,,今朝有好多场NBA…喺附近我同伟响华辉拉肠入面,一齐食左个好温馨嘅早餐…出来望到繁忙嘅马路,人来人往赶上班翻学嘅人…原来自己好耐都冇见过早上嘅太阳…最近徘徊喺灯红酒绿嘅夜场入面..而家先发觉..自己颓废左好耐了…我好想过翻D简单而又充实嘅生活…
尽快忘记D唔开心嘅嘢,继续爱我所爱嘅人啦…我同自己讲…
翻到屋企..冇乜心情瞓觉..我知道伟未有得瞓..我想陪佢…于是如常咁开机,上Q…
我导出左我同米妮所有嘅聊天记录,发左比伟睇…证明米妮一早就有仔.佢讲大话…而我亦都冇呃佢嘅动机…
伟复翻我:
“咁如果米妮发比我嘅喺另一个版本呢?”
咁嘅嘢你都问得出??摆明唔信我啦…
“事实就摆喺呢度,你信边个,自己林啦…”
“得啦,我都话信你咯…”
带住好多嘅失落,,我瞓左落张床度…我失去左友情…如果失去埋爱情..我点算呢
作者: graceshan 时间: 2007-9-21 11:27
九.Promise (1)
伟话晚黑同我一齐食饭…嘻嘻…我话:
“系米我哋两公婆撑台脚吖?”
“喺吖,咁好唔好吖?”
“非常好啦…咁我一早起身就过去中图温习,到时再比电话叫醒你啦…几点打得比你吖?”
“6点左右啦…”
“咁好啦…我会比心机温习咖啦…到时见…”
嗰日我早上起唔到身,中午强迫自己起床,跟住求其梳洗完就坐车去中山图书馆…
讲起呢个图书馆..我高二高三几乎日日都喺呢度蒲…如果冇课,就早上8点半等开门入自修室..晚黑9点半翻屋企..中午同夜晚嗰两餐就同F喺对面一间叫爽记嘅肠粉店解决…当时觉得..嗰度D牛肉粥唔错..3蚊碗..几抵食…
部公交车去到中图对面埋站..都未落车我就见到今日唔知咩事闭馆..冇开门…
天吖……咁我点温习吖…我仲有好多笔记未睇咖…
冇地方落脚…神魂颠倒..唔知点解就上左车.往伟屋企方向过去..我都唔知过去做咩..不过始终都要过去稳佢..就去宜安楼下嘅M记度坐低睇笔记咯…
呢日天气超冻..外面风好大.所有人都拥晒入温暖嘅M记…我入到去,稳唔到一个好位置..于是只能喺靠门口嘅位坐落来..啰左杯咖啡提醒暖胃…但系好多人出出去去打开度门..风吹入来冻到痴肺…后来我见到有张沙发位嘅台空左.我即刻专场….
一个人就咁喺反复播住布兰妮D歌嘅M记入面..心绪不宁咁度过左一个下午…
到差唔多6点..我D笔记又睇到7788啦..我就起身准备出去稳电话打比伟…
喺去厕所嘅途中…见到有一张台嘅两个人好面熟…一睇…顶..我两个小学同学姗同埋基..点解佢哋会系度咖…
突然间见到熟人,,,好开心吖,,呢两个F小学嗰阵同我好F好熟..成日一齐翻学放学一齐玩双杠..基初中又同我同班左3年天…我哋做左9年同班同学…
借左基电话打比伟..”我系你屋企楼下M记等紧你.你落来稳我拉…”
“哦,你等45分钟拉..” 又45分钟…我装身都未使45分钟…
于是坐低同佢哋爹左一阵..姗喺呢头出现一D都唔出奇,因为佢条仔住呢头..不过佢问翻我点解会喺呢头出现,我答佢:”等仔咯..”
“吓?你有仔拉?咁一阵落足眼力睇吓先…”
“你哋都见过拉.上次喺上下九东急下面接我上去嗰个吖…”
“……” 姗冇答我,佢表情有D惊讶.有D愕然…唔知佢对伟嘅评价喺点呢?我份人其实好介意人哋点睇我,同埋点睇我身边嘅人…
等左差唔多一个钟头,伟落来啦..寒暄左一阵,我哋两个人就先行离开…喺环市东路兜兜转转都唔知食咩好..最后伟拉左我上澳门街..佢好中意食呢D咁嘅嘢..佢以前喺澳门做嘢,成日食呢D..佢话同我一齐嘅时候,成日都想带我周围去食好嘢…我心好感动…虽然嗰日好冻..但系我觉得好warm…
我啰左D喺学校啰翻来嘅相比伟睇..以前大一大二嗰阵喺珠海校区影嘅..伟见到我以前个样好鬼卜,又良柄,笑左我一大餐…见到佢咁鬼好笑.算拉,唔计较,佢而家唔嫌弃米得咯.最紧要佢开心…
嗰餐都唔知食左乜.咁就百几蚊…我觉得第一次喺仁信食嗰D牛三星仲好食…食饱饱之后,伟话带我去睇手机…跟住就准备打车过去…我话.都唔远..行过去都得啦,反正食饱要运动…
伟死都唔制:”我已经好耐都冇行路,坐公车都少啦,我懒惯..”
“你唔可以再肥落去啦!!!要做多D运动先得!”
于是伟就屈服喺我淫威之下…我哋手拖住手行过去陵園西…我哋几乎睇晒所有比较新款嘅手机…最后我睇中左粉红色嘅VS2,功能算齐全.唔算好鬼.我根本唔舍得要伟买贵嘢比我…伟话:
“10号你考试喔,我哋10号去买机.11号出发去旅行.好唔好吖?”
“好吖..你话事吖…”
我哋之前一早就商量好旅行.经过一番讨论之后,决定去阳朔…去蒲吓西街D酒吧…伟坚持要跟旅行团,佢话自己去稳唔到咁多好玩嘅景点…但系我极力反对..
“跟团去唔好玩咖..你老婆我读旅游咖,以前又係旅行社做过..我好多朋友都系自己去玩,阳朔根本唔需要根团…我翻公司就可以搞惦晒D嘢啦..交比我..信吓你老婆得唔得?”
佢讲我唔过.又一次屈服喺我淫威之下…
逛到咁上下..我哋都攰了..伟话送我翻屋企.跟住又准备打车..我话有107坐,点解唔坐车..我想见你耐D..于是伟再一次屈服喺我嘅淫威之下.我啶左佢上部107…
我想林好多嘢…但系我根本冇时间去林…好忙好忙.成个脑都系D好混乱嘅嘢.我冇时间去理清我嘅思绪…我亦都唔敢去理..因为..我总喺害怕知道真相…
作者: graceshan 时间: 2007-9-21 11:27
十.Promise (2)
10号.下昼.喺学校出来..终于考完试啦……写左成份卷都系字.但系都唔知自己写左乜.乱扯一通..不过都交左卷咯..大不了米重修…事实已经改变唔到…
伟叫我考完就比电话佢.我哋一齐食饭…于是我一出学校门口就周围稳电话打..但系结果都系一样:
打手机”您拨打的电话已关机”
屋企电话….冇人接
小灵通:”您拨打的用户暂时无法接通…”
我由康乐村行到去中大南门.一见到有电话就博命打…但系始终都稳唔到人…
好冻吖…风好大…我顶唔顺了,,于是过马路坐车翻屋企…
翻到屋企,我第一时间打比伟:
“我打左比你好耐了..都稳你唔到..好冻吖..所以我翻左屋企了..”
“我出左去买嘢..电话又坏..我买左部902吖…”
“你自己用吖?你中意呢部?”
“喺吖..你嗰部部机想要咩色吖?我听日买比你..”
“粉红色阿嘛..乜我哋听日唔系出发去旅行咩?”
“买机就唔去旅行啦.去左旅行就冇机..你拣边样..”
“……咁…我哋迟D再去旅行咯.反正而家咁冻..以后仲有机会嘅…”
我一路嘅失落,,,除左冇得去旅行之外..我最惊就系伟星期四会去新冶玩…呢次搖祺摇左好耐啦..我以为我哋离开广州伟就冇机会同嗰班人出去…而家.我好担心…
第二日瞓醒..如常咁上网,开Q.伟话:”老婆.我星期四出发去澳门吖..”
“吓??咁米即系听日?咁快就去?同边个去吖?”
“个庄叫我同佢过去倾D嘢…”
“你肯定过去赌咖啦..唔好赌咁大吖..带手信比我喔…我要特别D嘅.嘻嘻”
伟星期四去澳门.即系唔使去新冶啦..哈哈..实在太好…
转头伟就系个群度宣布去澳门嘅消息…大家反应热烈..纷纷叫伟带手信,带嘢翻来食..而伟亦都一一答应满足晒所有人嘅愿望…我系个群度一直冇出声..其实自从1月8号晚嗰场戏之后.我再冇喺个群度出过声.再冇同米妮讲嘢..因为..佢唔当我系朋友在先..我觉得佢冇资格.而我亦冇咁嘅必要…
呢一日,伟话佢唔得闲.冇时间出去买机比我…
第二日,,伟话晚黑同我出去食饭…于是我早早就同老豆讲.唔好煮我饭了…
到下昼6点4个字.我系屋企打比伟.佢仲瞓紧..
”老公,,我而家出门过来凑你啦..好起身啦…我半个钟头就过到去了..”
“你唔好咁早来吖..等死你咖,,你7点先出门口啦,,7点半来到就差唔多啦…”
“得咖啦..我等吓你咯..我去到再比电话叫你落来…”
cup左电话之后,我冇等到7点,而喺即刻出门.我行路去左西场一间地产房屋中介,问吓有冇屋租…
伟之前同我讲,话想喺我屋企附近稳间屋租来自己住…自己可以自由D,又可以照顾到我…前提喺要好近我屋企.最好喺同一个小区…
佢好细心,而我都同佢计过,,次次送我翻屋企再打车翻建设六.车费都够几百蚊一个月系度租间屋了…如果得嘅话我就可以日日见到佢拉..于是我好热心咁帮佢去中介稳屋…
“附近有冇一房一厅嘅屋.要有家私电器,仲要一定嘅装修,,一千蚊月租以下…”
“暂时冇喔..我比张卡片你..过几日你可以联络翻我哋公司.可能会有啱你嘅屋..”
收埋张卡片.我就坐车过去环市东..去到时间仲好早..于是我就喺屈臣屎逛左一阵…
望吓时间,,7点4…都差唔多啦..于是我就稳个电话打比伟…
喺电话嘅嗰头…伟仲未起身…
“我而家起身了…你等吓先啦..”
“要等你几耐吖?”
“45分钟啦..”
“仲要45分钟?”
“咁我而家先起身..要装身咖嘛..都叫左你唔好咁早出门咖啦!!!你咁早来米等咯!!”
“……咁好啦.我系M记等你..”
对方cup左电话…
乜唔系7点半咩…喺呢一刻..我好想发脾气.我好想喊…不过我冇咁做到…
我再一次行入呢间M记..稳左个伟一入到来就可以望到我嘅位坐低…今日乜都冇食过..个胃系度痛..心系度搅..觉得好难受…冇晒心机…唯一嘅欲望喺希望唔使等咁耐…但系你越急,时间就过得越慢..我每隔3分钟睇一次钟..
我林翻起我发明嘅一句说话:”一日不见,如隔24小时..”
当时我讲出来D朋友都觉得好好笑.连我自己都忍唔住笑到趴地..但系而家…我早冇心情笑落去…因为我感觉到..伟已经唔再好似以前咁重视我..我坐系度林..如果一个人喺紧张你.知道你等紧佢.就唔会要你一个人挨肚饿系度等咁耐…而且唔止一次了…每一次都系我等…我同佢一齐,好似等佢就系我嘅权利同义务,我甚至冇因为咁样发过佢脾气..相反,佢而家闹翻我转头,我都冇声出…….比着以前..我反左面好耐了…
我望吓个钟..7点..仲有5分钟…
7点03分..仲有两分钟…
7点05分.够钟啦..点解仲唔见人…
7点10分..过晒钟啦..人呢??
7点15分..有冇搞错..迟到10分钟仲唔出现..佢眞系忍心要我等咁Q耐…
7点18分…我唔再望个钟,,因为个心淡.仲好痛…我极力强忍住要夺门而出嘅眼泪…
两分钟之后..伟出现喺我面前…佢见到我眼湿湿冇晒表情.即刻拖住我离开M记.我D眼泪再都忍唔住…我冇闹佢.冇发烂渣…只係一个人闷闷咁流自己嘅眼泪…再一次感到好委屈.有苦自己知…
伟不断咁凼我..带我上左去pizzahut啰位…跟住落左楼下冇乜人嘅地方…话唔好比人见到我咁丑怪嘅样…
喊够啦..我知道如果一个人唔再紧张你.就算你喊到盲..佢都唔会再紧张你
我拉住伟上翻3楼…
“快D翻上去拉.唔系叫筹都唔知咖拉…”
就咁带住我嘅眼泪..我哋入左pizzahut…
作者: graceshan 时间: 2007-9-21 11:28
十一.PH
喺pizzahut坐落…
“你唔好愁眉苦脸咁嘅样啦.开心又係食.唔开心又係食.食得开心D得唔得?”
“知道啦..乜你唔系今日去澳门咩?”
“听日一早去喔…”
“咁今晚你米即系要去新冶?”
“喺吖..你一齐来咯..”
“哦..”
好讨厌新冶…TMD…点解唔早D死去澳门.留系度托咩…托住条X托到去新冶…哼…
我哋食左个普天同庆pizza.仲有好多鸡翼..伟超中意食鸡翼…呢个时刻.我有一个念头..我翻屋企偷偷哋练整鸡翼.以后有机会.一定要整比伟食.等佢试吓我D手势..等佢知道..我除左识蒲.仲识好多嘢…
食食吓嘢..伟接到个电话…关于D波仔…佢讲电话嗰阵表现得好平静.好似冇嘢发生咁…几分钟之后…收左线…伟突然间好开心…:”顶佢屎忽…食左佢咁多次飞.终于有一次赢翻啦…”
佢赢左小小钱…开心到成个细路仔咁手舞足蹈…
我啰左佢部手机…喺新建信息嗰度打D字林住比佢睇…佢见到我系度打字..
“衰婆发信息比边个吖?”
“唔话你知..”
伟想抢翻部手机喺都要睇…我唔比…我哋喺个位度纠缠左好耐…最后都系比佢见到几只字…
”我打D字比你睇咖…都未打完…”佢屈服..由我继续打字…
1分钟之后…伟见到佢部手机上面显示住:
“你好似成个细路仔咁…我中意见到开心嘅你吖…^_^ ”
我啰左头先地产中介张卡片比伟…
“呢间中介话暂时冇屋喔…过两日唔知有冇..”
伟突然间醒起D嘢咁…跟手喺张卡片后面写左几场波D嘢..
“keep住呢几场波..到时帮我留意住..我系澳门会唔记得..你发去我QQ度.我稳地方上网就睇到啦…”
伟话佢D字好核凸喔…嘻嘻..我觉得一般啦..男仔字喺咁咖啦..当然冇我D字咁靓啦..呵呵…不过..呢张刻有伟亲手写嘅字嘅卡片…我一直保存住…喺我个袋入面…
食完嘢,离开左PH…我同伟落左一楼转左一圈…我睇中左屈臣屎嗰只micky嘅手表…我拉住伟入去话死都要买…伟话:
“廿蚊嗻…买就系拉…”
我带住只好鬼细路嘅腕带表…好满足啦….伟送比我嘅第一份礼物…
跟住我同伟去左佢屋企附近间网吧….佢要搞搞D波仔…跟住就准备去新冶再战过…
嗰晚…喺我讨厌嘅新冶…我见到好多人…
作者: graceshan 时间: 2007-9-21 11:28
十二.又战新冶+炒螺明
我同伟好夜先过去新冶..12点几..我哋双双入到地牢…卡7…哇~~~使唔使咁多人…特别喺女…成排沙发坐满晒…个个化妆花到鬼5马6咁..个个撬起双手等开饭咁…个个面冇表情扮晒cool咁…
女坐晒一围.仔坐晒一围.男女授受不亲.女嘅就好似个个都唔识咁,男嘅就个个系度扮晒熟咁…点解个场面咁难睇咖…
离远就见到小玲,巫女,米妮三个女人坐埋一堆.好有默契咁戴晒墨镜…佢哋之前约好晒..话要型足全场喔…
好型咩??唔多觉(个人意见)…一个人型唔型,唔系靠一个外表或者一副眼镜来决定,喺由内心发出来嘅气质来决定…I think…外表可以模仿,但系气质喺与生俱来,好难改变…
伟一去到就同呢几个女人讲嘢,,好似唔系好记得我嘅存在…算…我都预左会闷…我亦都冇打算要埋佢哋堆…我嘅到来完全喺为左睇住伟.睇住个女人有冇又做一场戏出来..另外如果伟醉左..我都可以照顾佢.而唔系由边个人抬佢去酒店…
我F乖仔话佢今晚都系新冶…我啰伟部手机发短信…
“乖仔..我系sandy..我系卡7..”
“我系离你唔远嘅吧台..”
冇几远就见到乖仔啰住着住灯嘅手机向我挥手…我行过去..同佢打声招呼…
原来性病佬都系度..(都系一个群D人..喺乖仔DF)…乖仔同我玩左一阵..劈左几杯..佢条女系度..佢要照顾佢条女…我哋3个又劈左几杯…乖仔就唔同我玩拉..于是我转移目标..同性病佬劈…
乖仔细细声同我讲:”佢唔饮得咖…饮好少就醉…你完全可以造低佢…”
哈哈…好!反正本宫今晚心情唔靓..就拿你开刀……
包剪揼…喺咁饮喺咁饮…开头性病佬喺咁输比我…佢饮左好多…后来我又唔知点解又连续输唔少…我又喺咁饮…后来来左几个靓女…于是我哋join埋一齐劈…
饮左好多…期间断左几次酒…但系成个过程..我时不时望去卡7嗰边…睇下佢哋玩成点…
开头我见到伟同米妮玩..我有D嬲..于是我借乖仔电话发短信比伟..:”唔好同只X婆玩咁多吖..”
后来伟同米妮同埋两个男嘅玩2 part 2..我又走过去喺伟耳仔边讲:”你收唔到我短信咩?”
“咩短信吖?收唔到吖..”
“你自己拿手机睇翻拉..”跟住我又行开左…
成晚我就喺咁劈来劈去,及来及去..喺吧台—厕所—卡7之间行来行去…
我知道我自己呢个举动好无聊…但系我控制唔到我自己…
我饮到8成大…好习惯咁望去卡7…哇.雕..伟搭住米妮脖头..系度同小玲同巫女讲嘢…呢一幕…请问用咩借口可以解释吖???
我X好嬲..走埋去拉住伟.喺佢耳仔边讲:”陪我去厕所…”
“唔去拉.我啱先去完.你自己去拉..”
呢一刻..我更加好很十分之嬲…我冇讲嘢..谷住一肚气自己奔去厕所…我知道伟嗰阵已经唔多唔少饮大左了……
喺厕所附近徘徊左一阵..又喺吧台徘徊左一阵..耳仔对D好wing嘅音乐已经麻木晒…我行翻过去卡7…伟见到我就想拖我去厕所:
“系米去厕所吖?我而家同你去..”
“你唔系叫我自己去咩..我已经去左拉…”
“咁你而家陪我去得唔得吖?”
我同伟一齐行去厕所…好明显佢已经大左拉…我系厕所门口等伟出来…我都已经好 wing..低头企系度等..特然见到一个好熟悉嘅身影..米妮出现左..喺我身边行过..好似见我唔到咁..但系我留意到佢嘅眼神..我好肯定佢见到我企系度…
伟pie下pie下咁走左出来.行到落楼梯间..佢突然揽住我..喺我耳仔边讲左D嘢…(具体我唔记得讲咩…)呢个时候..我觉得好攰…身心疲累…个脑好乱好多嘢林..但系又好似一片空白咁…就咁我揽住伟企左系度几分钟…我见到米妮去完厕所经过…又一次当乜都见唔到咁…我林:如果我喺佢..我见到呢一幕…都会放弃呢个男人啦…既然人哋已经一对…就无谓再做D无谓嘢去拆散人哋…做大方嘅人点都好过做cheap人咖…
之后伟拉住我走…唔系落翻地牢..而喺向门口行:
“我送你翻屋企先拉…”
“点解吖??我唔翻…”我走左仲得了?!容乜易比人拐走左我饮醉嘅老公咖…
“我惊你闷..我照顾唔到你咖…”
“唔使你照顾..我有F系度.我同我DF玩..唔同你D人玩”
“咁好啦…”佢讲唔过我…
正准备落翻落去…楼梯隔离有个靓仔喺我身边闪过…咁熟面口嘅???当我确定到喺佢..我大叫左一声:”傻成!!!”
“诶??你又系度??呢个你条仔吖?”
“喺吖..叫伟哥..”
“……”
转头我同伟讲:”你落去先..我一阵过来…”跟住我同傻成倾左一句就同佢一齐落左地牢…捐入去舞池稳佢条女阿雪…第一次见到佢条女..几靓女.几索吖..喺傻成历届咁多条女当中..我最中意阿雪..个人好直好似我咁..份人又冇架子..同边个都可以up得一餐…当时仲有雪嘅F小织…
我同呢两个好似相逢恨晚嘅女仔一齐..喺个舞池到喺咁跳…DJ就系隔离…好high…跳左一阵..傻成入来话佢个F虎哥过左来..叫我哋上翻去…于是我哋一行4个人手拖手出左地牢…
我哋喺一楼张长台度坐.虎哥坐喺我隔离..我哋已经一齐玩过一次了..上次喺新冶3楼同D韩国老细玩…虎哥好闷唔好玩嘅..成旧木咁…我润左佢一阵之后就开始大吐我嘅苦水…
“我头先见到条死佬揽住个X婆脖头吖…当我死咖佢哋…我好X嬲吖…”我开始咇哩巴拉咁爆粗…之前发生嘅嘢我曾经同佢哋讲过.佢哋都知道晒…
阿雪话:
“咁你都忍到嘅?比着我一早就掴左佢两巴啦…”
“我当众掴佢咁又点?出丑嘅只会喺我…我由佢去玩..比佢哋知道..我几放心比条仔去玩…”
估唔到我喺呢个时候仲可以讲得出D咁清醒嘅说话…
我坐左系度半个钟头.系度爆左半个钟头粗口..炒妈又拆蟹咁…佢哋知道我饮大左…心情又唔好…都冇埋怨过我..由我系度闹人…唉…只有真正当你系朋友嘅人先会喺你失落嘅时候体谅你…我而家林翻起都觉得佢哋几无奈…咁多人陪我一个系度发癫…
后来佢哋话新冶已经冇晒位.就转场去东急…问我去唔去…我话唔去啦…我仲要落去执翻我老公翻来…于是佢哋就丢低我..离开左新冶…
我入地牢稳到伟…伟叫我陪佢去厕所…啶左我出去
“又厕所??你肾亏吖?”
去完厕所..伟叫我一楼等佢一阵.佢落去带两个人上来介绍比我识…
我wing下wing下又坐喺一楼…冇几耐伟带左两个人来.一个喺佢个F唔记得叫乜名…一个喺佢契细佬焦仔…
“呢个喺sandy姐…”
“叫阿嫂啦…”
“阿嫂好..哈哈..”
“乖啦..快高长大..生生性性啦…”
跟住我哋一行4个人去左东川路7仔食嘢…坐喺7仔门口食…我林翻起暑假嗰阵..有一晚我同几个小学同学喺新冶玩完都咁样,5个人摊喺人哋门口食嘢…其中包括姗同埋基…而家呢个情景..似曾相识…不过..我同我D识左十几年嘅朋友就好玩好多了…
食完嘢就wing下wing下行翻去新冶…不过楼梯口就比人叫住唔使落去了…走了…
好!非常好!十分好!终于走得啦..讨厌嘅新冶…
喺门口见到啱同朋友劈完嘅TONY.G…揽住个胃冇晒表情…我多口问句:”你冇嘢下话?”
“冇…”佢表情好痛苦…听讲佢喺因为嬲巫女而今晚冇join新冶呢边…又一个为情痴嘅男人…
之后一共有8个人..一齐去文德路食嘢…我比伟啶左去同小玲米妮一部的士…叼..明知我哋唔啱channel..佢喺都要咁安排…伟呢份人就系咁..自己认为喺啱嘅就一定喺啱…唔比人哋有其他意见..更加唔会接受人哋嘅意见…雕..算…我表现得大方D…一齐坐咯…
喺部车度米妮一轮嘴系度讲嘢…
“雕..今晚好X闷吖…阿边个今晚搖祺眞系摇得好失败…嗰D女都唔知咩人又高斗又串…又有人系度搞事…sandy你今晚做咩唔同我哋一齐玩嗻..成晚系度行来行去…”
睇佢好似扮晒好大方咁撩我讲嘢..林起头先喺厕所扮睇我唔到嗰一幕..眞系觉得呢个人假到出汁…于是我又好假咁回答翻佢:”我DF系度吖..要陪佢哋玩…我都想同你哋玩咖…不过都行唔开..好忙吖…”
其实我喺想讲:”你更系唔想我系度啦..巴不得我以后都消失添…”
去到文德路..男男女女坐埋一围食嘢…我坐喺伟隔离…一直都冇乜点出声…不过有时都会附和下其他人讲嘢…当时在场有好多人都未知D复杂关系..不过肯定个个都已经见到我喺伟条女..我费事个场面咁难睇..因为其他女人都系度咇哩巴拉好豪咁讲嘢爆粗…我唔出声好似好怪咁…
食到咁上下…炒螺明推住单车出现左…呢个时候…伟开始系度发癫发酒疯…
“螺哥..我好仰慕你咖…你系我偶像!”
跟住炒螺明就自动自觉咁献唱,,,唱左一只内容及其肉酸核凸嘅XX咸湿歌…有晒舞蹈动作嘅..跟住来一只佢所谓嘅饮歌…唱完之后…唔比钱佢又唔好…伟啰左张一百蚊比佢找.”顺便放低两碟螺啦…”
炒螺明找左钱之后就飞咁快踩车走左…螺都冇碟.顶..原来佢卖唱唔卖螺咖…
食到后期…伟好细声喺我耳仔边讲:
“sandy..今晚我带唔够钱出来…但系唔好令我难做.得唔得?借住一百蚊比我埋左张单…我去完澳门翻来..星期一.还翻比你…”
好睬我荷包有一百零几蚊..我偷偷哋将张一百蚊递比佢…之后佢就争住埋单了…
散band之后..伟同我上车送我翻去…一路上我哋系度讨论头先D战况…好似我哋去左7仔嗰段时间有人喺卡7搞事..好似有人爆樽..仲好似有人见红…
“唔知佢哋讲嘅系米真咖…”
“条女瞒住条仔出来玩..难怪条仔会爆樽咖…”
“好似你咁暴力..”
“唔比你瞒住我吖..”
“得啦..我一阵就要出发过澳门啦..我翻来还翻钱比你啦…”
“我要一百倍..”
“我翻来买机比你…唔止一百倍了褂…”
“你喺先好讲吖..你睇你之前又话几时买几时买..而家呢?”
“得啦..我应承得你一定会买..等我翻来就买..唔好催我..”
“我几时有催过你…顶…”
落的士.的士佬唔收张50蚊..雕.原来头先炒螺明找嗰张50蚊喺假咖…好cheap吖佢…伟比左张假嘅50蚊我..你啰去睇下充唔充到啦..充唔到就算啦..当自己黑仔…
喺呢度..我要恨恨咁雕死炒螺明…我终于知佢点解每一次卖完唱都急急脚咁踩车飞走…一个人做左亏心事就一定会有所表现…
呢个星期五一早.6点.伟就出发去左澳门…我决定修心养性等到星期日..等伟翻来…
作者: graceshan 时间: 2007-9-21 11:29
十三.裂变嘅彩排
冇左伟系度..见唔到佢上Q,,打唔到电话比佢,,个心好不安…唔知佢而家做紧乜呢?玩得开唔开心呢?
我守喺屋企冇出门.偶尔接到伟喺澳门打翻来嘅电话…叫我睇住D波仔..仲问我乖唔乖,有冇拽…呵呵…我好开心佢打翻来比我,,即使喺有目的嘅,,好似系度利用我帮佢做嘢,,但我都唔介意,,证明佢信得过我先叫我帮佢手……每次屋企电话响..我都好似发神经咁奔过去接电话..唔想漏左每一次听到佢把声嘅机会…
而我喺屋企,都喺时候要静落来林下自己前途问题了…要积极D稳嘢做啦…电话又唔见左..之前投晒出去嘅简历都白费晒啦…因为冇企业稳到我…冇电话眞系好唔方便…我急需一部电话来支撑我嘅应聘工作…
星期六晚..我依旧喺屋企对住部电脑讴…闷到抽筋…只有玩连连看打发时间…其实自从第一晚伟同我玩左一次连连看之后..我又开始玩翻,年几冇玩了,生疏左好多…
突然间..伟熟悉嘅自定义头像喺我QQ度闪…
“老婆..有冇拽拽吖?”伟喺澳门稳到地方上网吖…
“老公…好啩住你吖..你终于上网啦?!”
“今晚好多波仔..我要睇住吖..呢间网吧好留吖.又冇输入法..”
“嘻嘻..记得带手信比我喔..唔需要贵嘅,,但系我要特别D嘅..”
“我尽量啦..老婆..星期二晚新冶吖..” 个群D人系度搖祺星期二去新冶战斗..
“你叫我一齐去吖?”
“喺吖…”
“嗯…老公…喺时候要买手机啦,,,我要稳嘢做冇电话好唔方便…”
“都话翻来买比我咯..你唔好催我啦!!”
“我唔系催你…只不过之前你讲过嘅都冇兑现喔…”
……
“老公…人呢?”
……
“你喺唔系度吖?”
“喂喂??你走左吖??”
“你唔好唔理我啦…”
“你系米嬲左我吖??我讲错嘢啦..对唔住咯..你唔好唔理我吖…”
“我唔使你买手机了..你唔好嬲我啦…你唔好唔理我吖…”
……
佢隐身..我知道佢系度,因为我见到佢喺个群度讲嘢…小玲问佢买左手信未..伟话”听日买”…
我发左好多句比佢之后..佢复左一句:
“唔得闲,,,唔好烦我!!!”
我个脑一片空白…极力推敲究竟喺咩原因佢会咁嘅态度对我…就算喺一个普通嘅朋友都唔会咁啦下话?更何况喺自己女朋友…头先开头仲好哋哋…我一讲到话买手机,佢态度即刻变晒…我好肯定问题出喺呢度…
就喺呢一晚…我情绪极度失落…我已经深知伟已经唔会再兑现佢嘅承诺…我已经预示到我哋已经结束…其实对佢话买嘅手机..我一D都唔在乎..大不了我自己稳钱买过..我从来都要求过佢..又冇催佢..又係佢自己主动提出话买…以前佢嘅prromise好多都做唔到..我都冇计较..佢唔买手机比我都冇所谓…喺呢一刻..我只係想佢继续留翻喺我身边…
深夜..喺黑暗嘅房入面..我一个人揽住纸筒抹眼泪…
喺msn.我见到远在美国嘅姊妹cat…我最好嘅朋友..最了解我嘅朋友…我向佢诉左我嘅苦…
cat话:
“佢应承你话去旅行又冇得去..应承买手机比你又冇..如果我条仔喺咁..我一早发左脾气啦..都唔明你点解要忍得咁辛苦…好明显佢已经唔在乎你..呢D男人要唔要都霸啦…稳过个啦…”
佢讲嘅我都知道..我都好清楚好明白..只不过..我唔想承认呢个事实嗻…
JAY话:
“如果佢紧张你有心买比你..一早已经买左啦..使几多钱嗻..使几多时间嗻…话冇时间喺借口来咖.佢根本冇心买比你..佢已经唔中意你啦… 佢玩厌左你啦…”
朋友嘅说话一句一句全部刺入我心..刺中我死穴..好痛…好辛苦…
但系我依然唔想接受现实…我祈求伟翻来唔会同我讲分手…
星期日晚.心忐忑不安..左盼右盼…终于等到伟嘅电话…
“我翻左来啦…好攰吖…”佢好似咩事都冇发生咁,,,
“等得你好辛苦吖…你攰就快D翻屋企抖下啦…唔好周围去啦…”
我以为一切都恢复翻以前咁…雨过天晴…伟继续留喺我身边…
12点几..我同伟讲电话..
“老婆.我一阵出去一阵吖..”
“去G1吖?” 其他人都去晒G1..我知佢一定会佢..边个叫佢出去佢都唔会拒绝…
“喺吖…”
“有冇搞错吖..又话攰又话唔够瞓..又出去玩…”
“佢哋喺晒嗰度叫我去.我都推唔到…” 呢个借口好假,,,
“咁你唔好饮咁多吖..又话胃痛..我等你翻来…你翻到屋企比电话我..”
“唔好等我啦..你瞓先啦..”
“我担心你就瞓唔着…我等你就系..记得比电话我…”
成晚我系张床度都瞓唔着…等到天都光了…伟仲未翻…打佢手机又转左去秘书台…
迷糊之中..差唔多8点先瞓得着…
嗰晚伟又喺G1断片…
而我始终等唔到佢电话…
原来上天已经帮我哋嘅感情裂变彩排左一次…
作者: graceshan 时间: 2007-9-21 11:29
十四.Fading love
一扎扎醒左…睁开眼..第一件事就系担心伟琴晚唔知点..于是即刻打电话去佢屋企…
终于稳到佢…
“琴晚做咩唔比电话我…”
“琴晚断片.冇晒知觉..”
“我等你等到天光啦..”
“吓死我吖,我以为唔见手机..原来喺小玲度..琴晚借左比佢打..”
“唔怪得稳你唔到…咁你几时去佢度啰翻吖?”
“迟D先啦…”
冷淡嘅语气,平淡嘅内容,好快就收左线…一切都同以前唔一样…
以前可以令夜空闪闪发光嘅感情…而家变成一片阴霾…
有希望就会有失望…
付出左就会有失去…
其实做人点解唔可以自私D????我都喺时候要稳自己林啦…手机我要自己稳钱买翻翻来…我唔会用人哋嘅钱…有咩办法可以快速稳钱呢?前提喺要对得住自己…
我决定去做蹬場…
喺G1个群嘅升..成日都发消息出来话招蹬場…好似眞系好渴求咁….好.咁我就稳你试吓啦…伟讲到佢喺G1嘅关系有把炮…冇佢关系我或者都可以呢…唔得再算咯…
我稳左升…佢好乐意我去尝试…我同佢倾左好多…我讲左好多我同伟D嘢比我听…升鼓励我踏出第一步..踏出爱情嘅枷锁…当时我觉得冇可能…因为既然我同得伟一齐..我就旨意以后依赖佢一个…
见到面再讲啦…我讲好当晚星期二晚过去稳升…
夜晚食完饭,,我打左个电话比伟…
“我今晚过去G1..”
“你去嗰度做咩吖?”
“去见工…”
“你试吓…后果自负…”
“咁我去试吓之嘛..又唔一定得…”
“我反对.我唔中意..你想死嘅话可以试吓…”
“……”
估唔到佢反应咁大…佢好反对..语气好坚决…如果我眞系去做蹬場.佢同我分手都有份…死啦…
喺呢个时候……我必须作出决定…可能做蹬場就冇左伟..呢份感情已经出现左裂痕..我好想去挽回佢…我唔想就咁结束…
犹豫之中…我选择左爱情…原来我仲属于天真嗰一类人…就好似活喺童话里面嘅人..要爱唔要面包咁…可能现实喺我想象中仲好遥远…
但系我又应承左升去见佢…如果G1收我而我又改变主意话唔做..咁样好似唔系几好喔…点算…
咁就想办法令G1唔收我啦…
升叫我着得女人D过去..要着高爭鞋…
呢一晚..我以一个好糟糕嘅look出现…临出门之前.阿妈仲话:乜你着到咁中性打扮,成个周笔畅咁咖…我心林…咁就啱啦…
9点半去到,,升仲未翻到…我坐左半个钟头之后…身边有个男人突然问我:”你系米sandy?”
“我喺吖..你系升?”
“喺,我都话我有办法稳到你咖啦…”
升睇上去一D都唔似喺夜场做嘅人…睇上去老老实实…好沉稳…好安静嘅一类…
我用一个唔敢相信嘅眼光打量佢.同样佢都用一个唔敢相信嘅眼光打量翻我:凌乱嘅头发求其扎左起身…宽松嘅衫…一条短裤…同一对好唔衬嘅高爭鞋…最啰命就系戴左眼镜…以我经验…戴眼镜嘅人喺唔应该出现喺夜场嘅…好明显我呢个反常嘅打扮令升不知所措…
“你做咩戴眼镜过来吖?”
“我眼唔舒服吖…戴唔到隐形…” 我讲左大话…其实嗰晚我完全可以戴到隐形…
“你又唔着群…你咁嘅look唔得个喔…”
“咁你话点啦…” 我好有诚意咁敷衍住佢…
“其实你个样都唔差…去搞搞D头发..打扮吓应该得咖…我比D时间你..你下次执正D过来啦…”
“哦…” 又要过去???唉…即系仲有下次…
升睇得出我唔开心好惆怅…
“你同伟而家点吖?”
“关系唔系咁好..佢唔赞成我做呢份工…”
“其实你哋而家嘅感情好难有结果咖…点解你要比感情困住自己…女仔应该要为自己打算吓…我结左婚已经年几了…我系呢度做…讲得难听D喺为左生计…要养屋企…同埋唔可以衰比屋企人睇…你翻去…搞掂D感情关系…再搞搞个look…再来稳我啦…”
睇唔出…一个喺夜场做嘅人都有咁稳定嘅感情…仲结埋婚添…唉,,我都想结婚..想左好耐了…奈何我总遇唔到可以同我常相思守嘅人…
升嘅思想比我成熟好多.现实好多..令我再次重新审视呢个现实…但系我并冇听佢嘅劝言,,因为我听唔入耳…叫我放低伟..当时来讲,,我仲未做到…
带住D好迷嘅说话..我离开左G1…翻到屋企即刻打左电话比伟…
“咁快翻…见工见成点吖?”
“衰左咯…我唔够索..唔收我哇…”
“呵呵..咁你以后就乖乖哋咯…”
呢一晚…我失眠…成晚都系度考虑紧..究竟仲值唔值得为呢段感情再付出…值唔值得?
临瞓着嗰一刻..我决定听日去剪头发…换吓个look…
作者: graceshan 时间: 2007-9-21 11:30
十五.G1重游
我剪左EMILY个发型…剪完之后好后悔…一D都唔好睇…一D都唔衬我…死啦今次…仲肉酸过以前…
呢一晚我上网…见到网友sammi..我同佢讲我剪左头发好肉酸…呵呵..佢就约左我听日一齐去行街街..顺便睇吓我个头搞成点…
第二日…我同sammi去左撞仔行街街…佢仲拖左个靚妹仔出来…sammi好似傻左咁扫货…又要顾住个靚妹仔…唉…我都邓佢辛苦吖..啰咁多嘢….而我就买左条群同件衫仔…准备换一个女人look..再去G1见工!我心意已决…
我已经足足一个星期冇同伟见面…之前我喺电话度发牢骚…佢话觉得最好喺一个星期见3,4次.咁样拍拖喺最理想咖…但系而家我哋成个星期都冇见了…佢一D都冇要见我嘅需要…其实我都逐渐明白一D嘢啦…
“你唔好咁多心啦..我而家冇钱..都唔想出街..咁点见你嗻..”
“其实见我一面..唔一定要使钱咖…你唔好乜都用钱来衡量啦..”
“咁你过来我屋企咯…”
“几时可以过去吖?”
“Any time..” 呢个answer我已经听左几次了…好厌倦呢个answer…
呢一晚星期四…佢哋又搖祺去G1…伟当然唔会拒绝..因为无论边个叫佢去蒲佢都唔会拒绝…哼..冇钱见我..有钱去蒲…呢D就系大话..好假嘅大话…男人成日叫女人唔好多心…男人吖..千其唔好怀疑女人嘅直觉..好准咖…
呢一晚.星期四晚..我又如约过左去G1稳升…点知都系衰左…
“君君话你唔得喔…”
“唔得算啦..冇所谓..” 我知问题出左喺个头度..因为眞系好肉酸…我连照镜都觉得恐怖…
呢个时候喺10点半,,,我知道佢哋好快就会出现喺G1,,伟一阵就会来…我决定等埋伟过来..成个星期冇见佢啦…我好想见佢…
我问升借左个电话打比伟:”你系边吖?”
“你系边个吖?”
“我系你老婆吖..我而家喺G1等紧你..”
“哦…我冇咁快..半个钟头啦..”
冇几耐之后..我见到小玲同巫女双双出现…我冇同佢哋打招呼…因为都冇乜好讲…
再冇几耐之后…我见到伟出现…不过同样同时出现嘅仲有米妮…点解佢哋会一齐出现咖???
伟喺我身边行过..佢唔认得我…因为我剪左个咁嘅头…佢见到我之后吓左一跳…
“点解你会同只X婆一齐出现咖?”
“咁啱喺门口撞到..” 当时我又真喺信佢呢个解释..而家林翻起先觉得假到离晒谱..我居然咁都信..又唔见我喺门口踩到钱?!
伟好无奈咁拖左我去卡15..我坐喺佢隔离..一直都冇同其他人讲嘢…而伟都少有咁少嘢讲…我同佢讲埋唔够10句…后来伟行左出去接电话…我就再冇同人讲过嘢..我知道自己喺一个不速之客..冇人欢迎我..冇人想见到我…而我嘅目的好简单..就系见吓伟..可以照顾佢..
后来型男坐喺我隔离..同佢爹左几句..原来我剪左头发佢都唔认得我…我再望吓块镜.唉…就来连我自己都唔认得自己啦..我究竟系度做紧乜吖?!
后来人越来越多…多到冇地方坐…伟翻来之后就冇得坐了..企左喺栏杆旁边…佢见我好闷咁坐系度又唔玩..就叫左我去佢隔离企…
“不如我送你翻去先啦..”
呢一刻,,我好嬲..嬲到爆…
“好吖..”
伟帮我啰左手袋之后…我一手抢左翻个袋..一支箭咁冲左出G1门口…伟点都拉唔住我…
今次我眞系发好大脾气..我从来冇喺伟面前咁样发脾气过…忍左咁耐..我眞系忍无可忍了…
喺部的士度…伟喺咁凼我…我狠狠咁爆晒D嘢出来…包括眼泪…
“我成个星期冇见你了..我只不过都系见吓你之嘛…你而家赶我走…我叫你出来见一面都咁难…你D朋友一摇底裤你就扑到都去…我系你心目中冇地位咖…”
“我冇钱阿嘛…今晚A钱都系型男还钱帮我比咖咋…佢哋唔想见到你..我好尴尬咖…”
“呢D就系你所谓嘅朋友…边D人成日叫你去蒲.,边D人成日劝你唔好蒲..边D人先喺真正关心你..你林吓拉…你有钱出来玩嗰阵米当你朋友咯…你同人讲话冇钱..睇吓人哋仲当无当你系朋友…”
“我都知我系蒲场洗左好多钱了…仲冇左以前D朋友…我以后都唔做搖祺嗰个拉..跟住人哋A钱好过拉..喺A几多就几多…费事比人稳笨7..”
落左的士..我依然系度发脾气..喺屋企楼下…伟使尽法宝凼我…
“唔好嬲啦..冇下次啦…下次带埋你去啦…”
“以后都冇下次…我都唔想见到你D所谓嘅朋友…”
“件衫今日买来见工咖?我比翻钱你…”
跟住伟喺袋度啰左一扎散纸比我…我一手fing开佢D钱…死都唔要..佢死都质D钱入我个袋度……喺楼下纠缠左好耐好耐…最后佢决定放我上楼…
“你今晚等唔等我吖?”
“唔等!” 砰…我好大力咁关埋对门..头都冇望翻转头…
佢应该仲有小小紧张我褂…唔系都唔会咁努力凼翻我啦…翻上楼…我林左好耐…好烦吖…打开个袋…伟比我D散纸..我数左一下..36蚊..好散..我放埋左喺个盒度…冇打算洗左呢36蚊,,因为喺伟比我嘅…可以嘅话…下次比翻佢…不过佢好似仲差我100蚊喔…妖!
作者: graceshan 时间: 2007-9-21 11:31
十六。小插曲
插曲发生喺G1重游嘅前一晚。。。
呢一日。。我如常喺屋企上网。。呢个Z族嘅群，我已经好耐冇讲嘢了。。因为我对住嗰D人，冇嘢好讲。。呢一日下昼，小玲出左街唔喺群度。而其他人都冇乜人系度。。我无聊冇嘢做就偶尔喺个群度up两句咁啦。。。
伟都系屋企上网。。佢照样喺群度吹水。。有人问佢喺澳门带左咩手信翻来喔。。。
伟翻左来澳门都一排了，，我曾经问佢带左咩翻来比我。。之前我一直提醒佢要带D特别嘅手信。。佢话我嘅礼物就更系特别啦，，因为佢喺澳门期间，我一直帮佢睇住D波仔。佢话要好好多谢我喔。。。呵呵。。傻佬。。我好乐意帮佢咖。。而且我系佢老婆，我唔帮边个会帮喔。。。
而我一直都以为伟眞系有带手信翻来，有买礼物比我。。。
但系翻左来几日佢都冇动静，，懒神秘咁，，于是我就喺个群度润佢。。
“伟冇带手信翻来吖。。佢X fing fing 咁翻来咖。哈哈。。。”
而我讲呢句话，纯属娱乐同讲笑。。。
之后伟就再冇出声，，佢话唔舒服，咳得好犀利，，好瞓阵。。。
晚黑，，小玲翻来上网了。。我都冇再喺个群度讲嘢。。。伟成晚都唔见佢上网，打佢电话又关机。。。佢去左边呢，，，佢病紧个喔。。会唔会去左医院吖。。死啦。。稳佢唔到。。我好担心佢。。。
到左夜晚12点几。。我依然稳唔到伟。。我眞系好担心佢唔知佢有冇事。。跟住我又系度乱林嘢啦。。佢会唔会避开我吖。。故意唔比我稳到。。。
插曲突然发生，QQ系统消息话我已经退出左Z族嘅群，两秒钟之后退出左G1第七村嘅群。我知道喺小玲T我出去，因为佢两个群都系管理员。。
哼。。。我唔稀罕。。。
呢个时候我静系担心伟有冇事。定喺佢避开我。突然我林起TONY.G。我打左个电话比佢。。。
“伟有冇稳你吖？”
“冇喔。。我啱翻到屋企。。”
“我稳左佢成晚都稳唔到。佢唔舒服我担心佢吖。。你帮手稳下佢吖唔该～”
“好。我稳到佢就复你。”
“嗯。唔该晒你吖～”
TONY.G应承帮我，佢态度好友好，唔似呃我。。于是我将希望摆喺佢身上，希望可以稳到伟。。。
半个钟头之后，TONY.G复左电话比我。。
“我发左两条短信比佢啦。佢都冇复。我都稳佢唔到吖。。”
“唉。。咁唔紧要啦。我继续稳啦。唔该你吖。”
希望破灭。。。而我都已经冇晒办法。。。
凌晨两点，伟突然出现喺QQ度。佢Q我。。
“你稳过TONY.G来吖？”
“喺吖，，你终于出现啦。。你担心死我啦。。”
“喺我叫小玲T你出群咖。因为我嬲你，你一D面都唔比我。。不过而家我睇到你写篇嘢，我唔嬲啦，而家我凼翻你。。”
吓？？第一感受，我好迷。。。嬲乜吖？我几时唔比面你？
第二感受，我好嬲。。。原来系你T我走。。T走嗰个唔系边个。喺你老婆我。。。
“唔系我唔想带手信翻来，我系澳门输左六千几蚊，点买手信吖？小玲都觉得你咁讲好唔比面好过分。你系我老婆来咖。。我要面咖。。”
“我根本唔知你一D手信都冇带喔。。我以为你有。你输钱又冇讲，我点知嗻。。。嗰句话我纯属讲笑。如果令你唔开心嘅话，我道歉。”
不过之后都冇人拉翻我入群。。。而我都唔打算再入翻Z族嘅群，我觉得冇咁嘅必要。。。
关于伟话我写篇嘢，喺我系QQ空间嘅日记。。其实同左伟一齐之后，因为我成日都要等佢，为左打发时间，我成日都会喺空间写D嘢。。而嗰晚我写嘅喺关于倾电话嘅日记。大概内容喺咁嘅：
你同你嘅另一半倾完电话之后，喺你cup电话先，定喺等对方收左线你先放低电话？
如果对方等你收左线先放低电话，证明对方紧张你多过你紧张佢。。
如果你哋一齐cup电话，说明你哋都好有默契。。
但如果你唔系等，你又点会知道你哋边个紧张对方多D呢？
JAY好照顾我感受，我每次同佢讲完电话，都系等我收左线先。。
而我每次同伟倾完电话，我都系等佢嗰边D 嘟嘟声出现，我先放低个电话。我好希望会有一次，伟会唔舍得收线，但可惜冇一次喺，其实我好失望。。。
伟话佢因为睇到我呢篇日记，就原谅左我喔。。。
我好迷吖。。。
作者: graceshan 时间: 2007-9-21 11:31
十七。我嘅蹬場生涯
G1重游之后，我有拖拍好似冇拖拍咁。。。差唔多从成个星期，唔单止同伟冇得见面，伟甚至一个电话都唔主动打比我，每次都系我主动打比佢，差唔多每次都讲唔超过5分钟。喺Q度，佢甚至都唔多同我讲嘢，有时仲干脆叫都唔复添。。。
我深深明白到，量变到质变嘅原理。。。
有一晚，伟出奇咁同我倾左两个钟头，好耐都冇试过啦。。我讲嘢一直都小心奕奕，要凼佢开心等佢想同我倾耐D，更加唔敢讲嘢激嬲佢。。。不过喺倾吓倾吓过程中，伟电话响，喺短信。。。
“咁夜仲有边个发短信比你吖？”
“喺米妮。”
“佢稳你做咩吖？”
“佢话好啩住我喔，，佢应该饮醉左。。”
“佢明知我系你条女，佢仲咁同你讲算喺咩意思吖？唔准理只X婆，唔好复佢。”
“嗯。我复佢痴线咯。”
“呢个人眞系好有心计，咁识讲大话嘅男人我见唔少，女人就第一次遇到。而家你D所谓嘅朋友，都当正我系衰人咁，佢就系度博同情。。。”
“而家小玲同巫女佢哋都好唔妥米妮咖，之前米仲T左佢出群嘅。。佢哋都觉得米妮呢个人唔简单，而家个个都将矛头指向米妮咖。。冇人当你系衰人喔。。”
“你成日都话佢狡猾唔中意佢，咁你又成日都同佢玩？以后唔准再同佢讲嘢吖。。”我又将D女人脾气使晒出来。。
“得啦。。。”
呢一晚之后，我再都冇咁样同伟倾过电话了，甚至连电话都少。
过左两日，我上网遇到东急群嘅benny。。benny喺东急soso部嘅。
“本来我之前都已经去左东急做蹬場咖啦。不过后来我都冇去到。”
“咁你而家仲想唔想来吖？”
“唔知嗰度仲要唔要我喔。。”
“要咖，你过来啦。”
“咁我星期一晚过去睇吓点啦。。”
我都喺时候要为自己打算吓。。唔想浪费D时间。。女人要学会自己独立，钱要自己稳，手机要自己买。既然伟唔会主动关心我，我都无谓话比佢听呢样嘢。。。我暗下决心。。。
星期一晚。我10点上到去东急6楼办公室。一入到去就见到阿恩。
阿恩系度埋怨我了。。
“你点解而家先来吖？同你办左入职好耐啦。。”
“我之前唔见左手机，，自己又有D事。。”
“咁你今晚开始打卡翻工啦。。”
我唔明点解其他蹬場都要试工，而我就唔使，直接同我办入职。。好迷。。
呢一日喺1月25号，我第一日喺东急翻工，由此开始左我蹬場嘅日子。。（因为我直系兼职，所以唔可以叫生涯啦。嘻嘻。。）
第二日中午，我瞓到模模糊糊，屋企电话响起，喺伟。。好难得佢主动打比我。。
“仲未起身吖？琴晚去左边度玩得咁欢吖？”佢可能见我琴晚冇上网，以为我去左玩。
“冇去玩吖。。” 好眼瞓。。
“仲讲大话？”
“我琴晚开始喺东急翻工。蹬場吖。”
“喺咩？咁恭喜你咯。”
。。。。。。之后讲左咩唔记得啦。我只记得讲唔够2，3分钟。。
我已经唔在乎伟中唔中意我做呢份工，因为我感觉到佢已经唔再好似以前咁关心我。就算佢而家反对，我都唔准备放弃呢份工。
我连续翻左3日，而喺27号呢一晚，又喺我一个断片嘅夜晚。。。
作者: graceshan 时间: 2007-9-21 11:31
十八。断片夜
星期二下昼，瞓醒，我打左个电话比个F谦谦。叫佢去出去陪我买手机。。。
我林起我交学费张银行卡，学校仲未扣钱，而又差唔多过年啦，冇人会喺呢个时候扣钱。而家确定自己有稳定收入，就决定先去买左手机先，等出粮再入翻D钱入去。。。
手机好快就买到，喺当初伟应承买比我嗰部。。。而个电话号码我稳左好耐，终于稳到尾数同我生日一致嘅num。。。
我喺QQ度发左个新号码比伟。。不过我直觉话比我听，佢冇记低个num。。。
呢一晚星期三，伟佢哋群聚去新冶。而我呢一晚虽然要翻工，但系都有群聚，就系我翻工嘅地方，东急。
第一次参加呢个群聚，第一次见到D人。我系新人。JAY都有去，不过佢冇join呢度玩。佢同D同事喺房度唱歌，就客串闪左下，介绍左D人比我识。。。
JAY走左之后，我就开始同佢哋劈。一直饮，唔系饮左好多，但系好不幸哋，比小柴队左我一杯斋嘅芝仔，之后我就开始wing。。跟住借口话要做嘢，就行开左卡16。。。
期间佢哋不断有人来玩，而我有几次翻去卡16同佢哋玩。。。识到蚊蚊，佢好nice吖。。佢每次群聚都系啰住相机不断影人哋相，今晚都唔例外。佢好傻吖。。不过我中意佢。。同佢玩左一阵，又饮左一D，又wing左一D。。。
到左两点几。。我电话响。。係东急群嘅虾仔。。佢两点先出现。。。惊比瓦萨皮闹，于是就唔join佢哋玩，佢同佢DF另外喺圆台玩。我又要陪佢哋喺圆台玩。更加不幸嘅喺，佢哋唔系饮芝仔。喺饮JD咖～～～
由于我已经wing wing哋，饮一啖，好似冇乜酒精咁，我以为喺纯可乐。。（眞系天真）包剪揼我输好多，我林，反正可乐嗻，饮就饮咯。。。点知D酒精喺不知不觉中已经侵蚀紧我个脑。。。酒精虫慢慢爬入我个脑入面。。。食晒我D知觉。。。
沟酒饮，我一定会汤。无论饮几多。。
饮左几多我已经我记得，不过当我喺厕所一关门嗰一刻，D嘢喺个胃度反晒出来。。
就咁喺不知不觉中，我断左片。不过同以前唔同嘅喺，以前我总会有人睇住，而家，冇。
人往往喺醉左之后，就会林起自己中意嘅人。。我系厕所汤完之后，好自然就拨左伟个电话。
“老公。。你系边吖。。？”
“听唔到吖。发短信啦。。” cup左电话。。
跟住我发左条短信过去。。唔复。。再发。。都冇人复我。。。
我眼泪都流出来了。。。
我去完厕所翻去，虾仔已经唔同我玩了，而我仲记得应该几点落班。
我离开左东急，死撑住自己喺楼下上左的士。突然间记得落班要打卡，我好似冇打卡喔。。。
死啦，唔记得左有冇打卡。究竟有冇打卡？有冇签走吖？？？
我已经上左的士，我上唔上翻去打卡好呢？？
好辛苦。。好想呕。。好想瞓觉。。。的士开响我屋企。。。我冇上翻去。。。
第二日一醒。。我第一时间冇林伟，而喺好努力咁林我琴晚究竟落班有冇打卡。。。
我记得阿恩闹过我来，咁我肯定有上办公室签走。咁有冇打卡呢？眞系唔记得。。。我再望下，，件外套着左翻来了。。咁我上到办公室，冇理由唔打卡咖。。。
而后来我知道，伟琴晚喺新冶都断片。各自断片，各自精彩，呢句话喺佢前一晚同我讲嘅。原来佢眞系想咁样。。再望下手机，伟依然冇复我。。。
好头痛。。起身啦。。照下镜，，哇～～～鬼吖！
原来我断片之后，唔卸装就瞓觉了！呢个秘密我而家先知～天吖～点解我会咁咖～
作者: graceshan 时间: 2007-9-21 11:32
十九。再战新冶
伟始终都冇主动稳我～我知道佢已经唔再紧张我。。我唔应该再啩住呢个男人了。。但系我都系控制唔到自己。。当我自己一个人嘅时候，我就林起佢。。个心一阵酸～好痛。。。我林起卫兰嘅歌词：
你有意欲去找我，你会通电再会过～
是你不想我啦，甚至不找我啦，无非几天变化，就像刮我几千巴
不想和我好，请求直说真话。。。
很想你是爱得懒惰，至会多天不理我。。
伟唔再稳我，唔再紧张我，点解佢唔直接同我讲分手？可能喺佢之前曾经讲过，佢以前都未试过主动飞人，都系比人飞。而家对于我，除非我红杏出墙，如果唔系都唔会飞我～
如果眞系唔再中意我，就直接讲啦～何必要咁拖拖拉拉，咁样落去我只会更加痛苦。。。
之后嗰一晚，升佢哋喺G1搞趴地，要戴面具嘅王子公主见面会。。。听个名几惦吖～不过林就知道唔方好玩得去边。。呢一晚，伟更系去呢个佢最中意嘅G1断片地。佢冇同我讲，不过我知，，佢冇邀请我去，，我都唔想再去同佢D所谓嘅朋友玩。。于是我就join打杂佬佢哋，去新冶。。。
我10点半就去到新冶了。。因为时间太早。。佢哋都未有女来玩～我一去到，佢哋几个男嘅就轮流要同我玩～天吖。。。我可唔可以拒绝，，，太唔公平了。。但系响呢个情况下，我根本拒绝唔到。。。所以我唯有喺10点半就开始作战。。。
后来来左两个女仔～我主动同佢哋打招呼，，佢哋都好得意好nice。。其中有一个头上面戴住一个粉红色嘅兔仔头窟。。一睇就知道喺花街买嘅。。哈哈～好鬼Q吖。。。我指住个头窟做左个赞美嘅手势。。。个女仔竟然除落来戴喺我头上。。。我望下身后块镜先。。。靓爆镜啦。。哈哈～～
于是我就成晚戴住呢个头窟作战。。。佢哋逐个轮流来，有单挑上诉，有群抽大话骰，当然唔少得最刺激嘅包剪揼。。后来又来左两个玩大话骰好叻嘅女仔。。我由10点半开始未停过。。到十二点几，我已经好wing了。。电话响。。我除左地牢接电话。。接完电话。听到有人叫我。。喺头先玩大话骰好叻嗰两个女仔。。
“蛦？点解你哋会出左来系度坐嘅？唔入去玩？”
“入面好闷吖。。咁多人。齐都冇订齐。。”
“我已经饮左两个几钟头，好wing了。。”
“你系米成日来玩咖？”
“我系426mini做蹬場咖，你哋来就可以见到我啦。。”
“好吖～咁我下次过去玩就稳埋你先得，，留你电话比我吖。。”
呢两个女仔我已经唔记得叫咩名了。。但系我而家仲记得佢哋，，而佢哋始终都冇比到电话我。。后来佢哋翻翻入去玩。我就话要继续喺门口坐一阵。。。
迷迷糊糊。。好想自己保持清醒。。当我齐起身嗰一刻。。我唔得了。。揽住新冶门口嗰块好大嘅宣传DJ趴地嘅牌。。我就系隔离狂呕。。。将阿妈辛苦煮比我食嘅嘢，呕晒出来。。。望住呢一摊嘢。。。我好啩住阿妈。如果阿妈知道我咁，佢一定会好心痛。。。
原来到左今晚，我醉左之后最啩住嘅人，唔系伟，而喺我阿妈。。。
汤完，，我翻落去地牢，，再作战。。。
1点， 我收到JAY发比我嘅短信。。
“我系426。。”
“我系新冶。”
“你饮左几多吖？我顺便来接你。”
“好wing。好。”
我知道今晚冇人会照顾我。。我比JAY来接我走。佢同我住得好近。。林起嗰晚喺东急断片夜，自己翻屋企嘅感觉眞系好恐怖，，好似随时会有人啰支枪指住我个头咁。。。
今晚撞到好多人，喺厕所途中见到sue以前条仔波仔，佢战友东仔原来都系度。。同波仔倾计嘅过程中，又见到乖仔，，乖仔眞系长蒲新冶咖。。。突然又一条短信，喺kid。。佢摆完花街走得啦，，话想过来join我玩。。我复翻佢：“波仔同东仔都系度吖。。（东仔喺kid嘅XBF）”
“我过紧来啦，，等我。”
之后我抑止住酒精，唔比佢上脑，又作战左半个钟头。。林哥仔喺呢个时候，就开始出手，撩我玩，我已经好wing，又想呕了。。好睬喺呢个时候，电话响，我丢低左一个借口比林哥仔，就除左地牢接电话。。。
kid已经落左地牢，喺门口见到佢同东仔波仔一齐出来，于是我哋就系1楼张长台度坐左一阵。。我已经冇咩知觉。。我话我唔得，就来走了。。kid话佢好冇瘾，都要走了。。我叫东仔送kid翻去先。。不过东仔冇，只係送左kid上车。只死佬。啩住玩。。。
JAY已经到左门口，，佢见到我咁嘅猫样，二话不说就拉左我走。。望住头先我系门口汤嘅地方，已经比阿姨扫干净左。。。我突然觉得自己嘅行为好无聊，好无谓，对自己无益，仲要比人哋添麻烦。。。点解仲有咁多人仲要终个头埋来。。每日都有人话要退出蒲场，但更多人要进入蒲场呢个圈子。究竟喺为左乜？
我醒嘅时候已经喺自己张床度。我照样冇卸妆就瞓。琴晚嘅记忆已经好模糊。唔记得点翻屋企。屋企电话响，，喺伟。。佢竟然主动打比我。。。眞系百年不遇。。
不过佢打比我嘅目的只有一个，竟然喺借钱。。
“你醒未吖？有冇钱，借住比我先。。。”
“我有鬼钱吖。。”
“100都冇？我要趕住过数比人吖。。”
“50就有，命都有一条。”
“咁算拉。。我稳第个借。”
对方cup左电话。。
我终于知道点解伟一直都唔同我讲分手。。原来我仲有利用价值。。佢都几识借钱吖，问我借数目唔多，多我肯定冇。。佢D波仔次次都系几千蚊上落，点会有100蚊过数咖？又係100蚊。上次借我100蚊又话去完澳门还。。。毛都冇条。。唔系话嗰一百几十都同佢计，冇钱米算咯，但系唔好比我知道你有钱去蒲；或者两个人唔需要计得咁清楚，咁就唔好承诺话几时还钱。。我唔系计较嗰几十蚊，喺人格同尊严问题。好明显，伟并冇尊重过我。。
一个主动稳我就喺为左借钱嘅男人。。。
算拉，唔林，今晚年廿九，好似要翻工，，，瞓多阵先。。。翻到东急
作者: graceshan 时间: 2007-9-21 11:32
二十。New year
今晚，喺婆婆度食饭。。虽然鎹唔算好丰富….人唔算好多….气氛又唔算好热闹…但系好耐都冇咁正正经经一家人同婆婆咁样食饭了……以前婆婆同公公都住喺一间好黑好细嘅屋仔入面…但系每次过年所有人都翻晒去…大人打麻雀打通宵…我同表妹就准时喺12点比D炮仗声吵醒…第日一早逗完利市就去买沙炮玩……
不过…咁热闹嘅日子已经不复存在…婆婆同公公搬左去一间光猛通风嘅高楼住…但系翻去嘅人就越来越少…尤其最锡我嘅公公离开之后…间屋就变得好冷清……
食完年夜饭都好夜了…我急急脚洗完碗就开始化妆…因为我记得今晚要翻工…我好庆幸自己可以翻工,证明有地方可以去…比D轰炸耳仔嘅音乐完全麻醉自己…好过喺屋企过一个失落嘅新年……
婆婆知道我做呢份兼职…唔中意..劝我唔好做…我知D老人家点林.我知佢紧张我…所以我解释份工其实好安全咖.唔危险咖.好正常咖咋…我唔想婆婆担心我…但….连我自己都唔中意呢份工.屋企人又点会中意…
我好早就翻到东急..上到办公室打完卡…仲未够钟…坐一阵先落去…突然听到vivi喺电话度同人哋讲讲:
“兼职今日开始唔使翻,,到今个月月底…”
吓???唔系嘛????
“乜今日兼职唔使翻咩?点解冇人话我听?”
“你都冇手机,稳你唔到…”
“……”
晕啦…我顶佢..又唔早通知..翻左去先知唔使翻工…
我网友KEN今晚都来左玩…既然唔使翻工.就玩咯,一样可以忘记同麻木自己…不过由于今晚要门票…工作人员要凭工作证出入….闭家火嘅喺,,,我唔记得带工作证翻来!!!
折腾左好耐好耐…终于等到vivi带住成班冇带工作证嘅蹬場入去…喺手背度cup一个激光印.搞掂…终于入到去…
以为有得玩.点知…KEN啩住同佢DF玩…冇乜点理我喔…好似唔想侵我玩咁…好冇瘾,,,既然喺咁…咁…算啦…都系翻屋企…费事屋企人担心…今晚多坏蛋…
喺行去车站坐车嘅途中..我将手机入面D电话全部都打一次…同逐个F讲新年快乐…好多人都选择今晚唔去蒲…或者三五知己出来饮吓嘢打吓麻雀,或者同情人过二人世界,或者选择喺屋企静静咁休息吓享受天伦之乐…
我可以喺电话度感受到D朋友嘅喜悦同温馨…不过我自己就孤零零一个人…一份惆怅嘅感觉油然而生…
行左好远嘅路.坐左几分钟车.再行一段好远嘅路…先可以翻到屋企..因为冇车了…如果行耐D攰D会冇咁唔开心.我宁愿步行…翻屋企途中..家家户户都传来电视声…今晚好多电视节目…而形式只有一个.就系喜庆迎新春…但我一D都唔喜庆.一D都唔想过新年…
当我入门嗰一刻.好习惯咁望吓个钟…12点05分…咁搭正12点嗰一刻..我会系边呢??我应该行到楼下个保安庭亭…估唔到今年倒数嘅时候竟然喺咁样过…上次1月1号倒数..我系G1同伟一齐过…时隔唔够1个月…变化如此大…我眼泪再都忍唔住了……
作者: graceshan 时间: 2007-9-21 11:33
二十一.结局篇(上)
年初一.我照旧瞓到下昼先起身…我知伟琴晚去左蒲..但唔知去边度玩.佢冇同我提过一个字..事实上..佢连同我联络嘅气力都悭埋…而我又喺一个死要面硬颈嘅人…既然你唔稳我..我都无谓稳你..大家唔好稳大家咯…不过好明显..喺呢场游戏入面..输家喺我…因为..冇佢消息…我心情好down…好失落..好唔开心…而佢…依然有风流快活嘅理由…
第二日..伟起左身就开始喺个群度讲嘢…继而..搖祺今晚去新场bonbon
“我琴晚去过个场好正吖…我今晚又再去…边个去?”
“环境好正.听讲D蹬場喺全广州D夜场人工最高咖..”
“以后我哋都转场去bonbon玩咯.其他场都玩到闷晒了…”
原来佢琴晚去左长提…呢间fox隔离嘅新场…佢心情好似几好咁…唔知我哋嘅感情仲有冇得挽回呢?
于是我主动提出今晚要同伟一齐玩…
“今晚侵埋我玩得唔得吖?”
“哦,你咪来咯.不过我惊你闷.”
“咁我带多个F来得唔得?”
“带咯,男200女50..”
我打比kid…kid推左我话应承左同D同事去玩…之后我就冇再稳其他人了..我静系想kid系度,其他人都唔想见到…
年初一,我都冇出去拜年..伟话佢都冇..不过我知佢D亲戚来左佢屋企..因为我打去佢屋企有个靚妹接电话…”伟哥..你电话吖!!”
嗰晚..我食完饭早早出左门口…先翻东急..9点准时到..因为今晚派利市..所有员工都有咖…喺工作人员手中接过封利市,仲有一句新年快乐,,好开心..终于感受到一D新年嘅感觉了…
如果新年有个新开始咁几好呢…….不过……新年原来未开始好过…恶梦喺年初一呢一晚终于画上句号…
逗完利市就走得啦…好早吖…但系又未够钟去bonbon开战,,,,唉……时间过得眞系慢…于是我选择左喺上下九步行过去长提……
一路上好多人…好多人…去到人民路,大批人群向住相反方向涌过来…哇~~~原来今晚有烟花…D人啱啱睇完烟花…散水…就出现人潮涌涌呢一幕…
烟花,,我都想睇…好想同最心爱嘅人一齐睇烟花…不过,,,冇人陪我睇..就同冇人陪我行花街一样…咁咪唔行咯.唔睇咯…有咩咁大不了…
行到去bonbon先9点半…唉…乜咁早咖…好睬我知佢哋喺个群度讲左订左卡3.好睬我知道喺TONY.G订嘅.好睬我又知道TONY,G个电话…于是喺10点钟之前.我就已经一个人坐左喺卡3..静静咁等待其他人出现…
伟话呢个场D蹬場好靓…于是我就不断寻找D蹬場嘅身影..有两个坐左喺前面嘅吧台…D FELL同我东急D同事唔同.呢度D好斯文..直头发..白色长群..素质就一般靓啦.比较普通..广州蹬場价最高??唔会褂…
10点..一个素妆嘅女仔出现来左卡3,,,喺faye姐..佢喺巫女个F…佢问我系米识巫女..我话识.我系伟条女…佢就即刻明白晒…佢都几nice…因为佢未知我同嗰几个人D关系…
冇几耐…巫女同TONY,G拖住手出现…见到我系度,,冇理到我,,好似唔识咁…望都唔望我眼…我望住佢哋..咁..人哋都唔同我打招呼..我似乎都冇呢个必要嗻~~~
10点半..伟终于出现,,同小玲一齐来..小玲例派都系当我透明啦…不过呢次伟都好似当我透明咁喔…我死望住佢..死对住佢笑..而佢..就系一副不屑嘅样…
伟坐左喺我隔离..我主动同佢讲嘢…
“我头先翻左东急逗利市吖..你睇吓..有100蚊咁多…”
我仲比左个工作证佢睇…因为佢未见过..其实都冇咩好睇…只不过我专灯稳话题同佢讲嘢嗻~~~
佢见到我部手机…
“新机吖?边个男人买比你咖?”
“我自己买咖!!喺开头同你一齐睇中嗰部吖…”
如果你系伟.喺呢个时候,会唔会觉得有一丝内疚?一丝忏悔?
伟照样冇表情.冇乜嘢讲…
后来来左两个男人..喺群入面嘅新人…坐左喺我呢边…伟就一直用个背脊对住我..因为小玲巫女佢哋坐喺佢嗰边…
我不断撩伟讲嘢:
“你又话呢度D蹬場好靓?我觉得一般咋喔…”
“你知边D喺蹬場咩?你识几多吖!”
“我做紧蹬場..我点会睇唔出边D喺蹬場吖?”
“咁你稳比我睇吓…指比我睇边个喺蹬場!!你唔好识少少办代表啦!!”
我望住佢…冇出声…
如果你系我..喺呢个时候..你会点讲?
其实我想讲:”我D你老M!!! 你咁X叻你话我听边个蹬場靓啦!”
不过我选择左唔讲..乜都唔讲…因为如果我一咁讲..就会引起骂战..而我同伟就根本挽回唔到呢段感情了…
又或者喺人哋根本唔想挽回呢段感情,先专灯同你稳交嗌呢,,,,,,who knows…
作者: graceshan 时间: 2007-9-21 11:33
二十二. 结局篇(中)
人差唔多够了…大家都啰钱出来A钱..伟话女A50吖…我同佢讲你帮我比埋啦…因为我记得佢仲争我100蚊…而我又係佢条女.帮我比好正常嗻~~
“你自己比啦..我唔够吖…” 佢喺裤袋度啰左好多散纸出来凑够200蚊…
“你好似仲差我100蚊喔..”
“我几时争你钱吖?咪屈我..”
“上次食消夜你问我借来埋单咖.你唔记得啦?!”
“得啦,过两日还比你啦..”
于是我就A左50出来.交比巫女…买左黑牌.仲有劲跑…
酒来左啦..我叫伟同我玩..佢话唔玩…我话我好闷..陪我玩一阵啦…伟就啰左支黑牌过来…玩就饮斋嘅…唔系就唔玩…
我冇晒办法…斋就斋咯…
“你系米想快D灌醉我T走我吖?”
“我今晚照顾唔到你咖啦..你自己执生啦..”
我冇出声…
我开始同伟两个人单挑大话骰..上诉都有..我输得比伟多好多…一杯一杯斋嘅喺咁饮..bonbon D酒杯喺细杯分开一pit一pit咁..几杯过后..D酒开始上头啦..饮得太快啦…
玩左冇几耐..米妮终于出现..同兔子一齐来..听讲话兔子想介米妮…可能喺个群冇咩靓女啦..成日都听到边个边个话想介米妮嘅消息…不过JAY话佢上次见过米妮,觉得佢好丑…又冇样又冇波又矮…我话,各花入各眼嗻…可能关键喺..冇人知道佢喺一个大话精…
我特别留意伟嘅举动同埋佢眼神…米妮出现左之后坐喺巫女佢哋嗰边…伟带住关注嘅眼神望左佢几眼…撩佢讲嘢:
“米妮西!你咁迟咖!”
“叼你吖屎忽伟!”
之后伟就叫我同埋隔离嗰两个新人玩..我哋有4个人一齐玩大话骰.有2par2…玩左唔知几耐…我已经好多杯落肚..虽然后来饮D沟左嘅,,但系酒慢慢开始侵蚀我…热身宣布结束…
越来越多人来…多到冇地方坐…一个打卡占左好多地方.但系坐唔到好多人…设计真失败…
后来伟冇再同我玩…佢转头同小玲巫女米妮佢哋玩了…而我就唯有继续同嗰两个新人玩..佢哋好似玩得几欢…不过我就一D都唔欢…
就咁无无聊聊就到左12点半……
突然…我见到伟同米妮一齐准备去厕所…出于女人直觉,,,我有D唔好嘅预感!!!
反正我都急了,顺便去埋厕所,睇吓佢两个搞乜鬼,于是我即刻起身跟去厕所…我隔离个肥仔话佢都要去解决…
我踩住沙发行出左卡3..跟喺伟后面….
我最唔想见到嘅一幕终于比我见到!伟拖住米妮只手!!!!!!叼…当我冇到!!!你两个**狗男女!!!
我用只手拍一拍伟个头..一来示意我系佢后面..二来提醒佢唔好乱来,,仲有我呢个人存在…不过伟好抗拒咁拨开我只手…
行到去厕所门口…米妮入左女厕…就系我都想入去嗰一刻..伟阻止左我…唔比我入厕所…
“我要去厕所吖..你做咩吖系度!?”
“你走啦…我唔想见到你!”
“我比多次机会你讲!你系米想我走!系米唔想见到我!”
“喺!我好唔想你系度!你快D翻屋企啦!”
“啪..” 我一巴掴落去…伟左边面…
我好嬲!!!忍左咁耐..竟然换来呢个苦苦等待嘅男人咁样对我!!我冇理佢..想冲入去厕所…但系伟死死阻止.点都唔比我入去…
“你凭咩唔比我去厕所!去厕所都有罪吖!”
“你入去想搞事之嘛!我点都唔比你入去咖啦!”
原来佢以为我入女厕稳米妮晦气……
哈哈~~~眞系好笑…我从来都要打米妮嘅念头..都冇咁嘅打算..我眞系急尿…我眞系纯属要入厕所解决…同埋.佢越喺唔比我入厕所.我越喺要入!
纠缠左好耐…经过一番身体接触..我依然唔够大力..撞唔入去..伟用力一推..将我推到去楼梯口…
如果喺一刻.我可以碌落呢个楼梯.有几咁痛快..有几咁爽…点解我唔可以插错脚碌落去…呢个时候.我知道酒精已经侵蚀紧我D知觉……
纠缠左一阵..保安都出埋来..佢叫我哋唔好系度搞事…有咩就行出门口解决…
“佢唔比我去厕所咋!”
“佢入厕所想搞事咖!”
“我冇吖!!去厕所都唔比吖!!”
保安话:”比佢去厕所…”
伟话:
“佢眞系入去搞事咖!!你信唔信我!?”
保安话:”唔好比佢入去.带佢走..”
我话:
“去厕所都唔比!咩道理吖!你凭咩话我搞事先!”
就呢个时候..米妮去完厕所喺入面出来…伟即刻收晒声..拖住米妮就走左…而我终于如愿以偿,入左厕所…
关埋厕所门嗰一刻…我将所有愤怒转化晒眼泪…一段我死守嘅感情.一个我苦苦等待嘅男人.一个我为佢忍辱负重嘅情人.今日居然咁样对我…喺我出力掴落去嗰一巴,,我知道我已经将我对佢嘅感情啪走左…喺呢一刻…对佢..我已经冇爱..只有憎恨同埋愤怒……
憎恨同愤怒嘅泪水喺咁流喺咁流…我个脑已经不受控制..因为已经比酒精控制住…第一次感觉到完全冇反抗嘅余地…
作者: graceshan 时间: 2007-9-21 11:33
二十三. 结局篇(下)
喺呢个时候..电话响…喺JAY…
“伟唔要我吖…我好伤心吖…”
“你而家系边吖?我过来接你…”
“我系bonbon吖…”
“我唔识系边..你喺426门口等我.我而家过来..你唔好喊啦..为D 西人..唔值得..”
收左线之后..我眞系唔再喊了…我好似稳到救星…终于有人企喺我呢边…就好似喺比赛场上面听到有拉拉队为自己打气呐喊助威嘅声音…
我稳到左失去左好耐嘅勇气…喺时候企翻起身了!!!
我抹干眼泪..行出厕所..鼓起勇气向卡3行过去…
又一次踩上沙发..喺我原先个位度啰翻个袋…再踩多转沙发..离开卡3..向门口行去…喺伟身边行过…佢目光冇放喺我身上…我咩翻个袋..冲左出bonbon……
JAY来接左我走,,,
“一早就问你佢好唔好咖啦…你又话佢对你好好…你睇下而家佢点对你…”
“为左条西婆…赶我走…枉我为佢付出咁多…”
“呢个男人唔好咪稳过第个咯..你而家要做嘅就系睇下佢两个点折堕…”
“我已经将伟个电话delete左拉..我翻去拉晒D**落黑名单…”
“早就应该咁做啦,,我支持你!
“我头先掴左佢一巴..我好后悔出来之前唔当众掴埋佢右边块面…”
“喺喔,,,佢之前借你D钱.还左未吖?”
“未吖…叼!!!蚀晒!!!”
呢一晚喺大年初一晚..过左12点就系初二了…我借左JAY嘅脖头喊左几个钟…收声之后..翻上屋企…一个人静静咁坐系度林……
其实伟对米妮有好感..我应该一早就擦覺出来..只不过我的确投入左感情…一直唔肯放手..一直唔承认呢个事实..因为..爱情喺自私咖…
讲得出做得到..打开电脑之后.我将伟同米妮喺Q度拉左去黑名单…我眞系唔想再见到佢两个…我知道..爱情已经逝去…而我唔会再比机会任何人.都唔会比借口自己…我决定要忘记晒呢一切一切…
第日下昼瞓醒…酒醒晒…琴晚发生D嘢记得晒..但系唔系好深刻嘅印象…可能喺潜意识已经逐渐将D记忆删除…
打开个Q…喺个G1第七村嘅群度班人开始讨论琴晚D战况…伟仲未起身褂..唔见佢喺个群度出现…又或者可能佢冇面出现褂…冇几耐..米妮都上网了…小玲同米妮讲:
“女.听讲琴晚有人打你喔.系米真咖?”
米妮:
“喺吖…吓西死我吖…佢想趁我去厕所嘅时候入来打我..”
“咁你有冇被打?”
“冇吖..不过嗰个女人今朝用另一个QQ加左我..扮男仔话沟我..点知比我识穿左..”
“嗰个人..咁无聊嘅嘢都做得出…”
我系群入面显示紧上线..佢哋知道我系度..佢哋咁讲摆明润我嗻~~~不过对于米妮讲嘅嘢..我觉得眞系好好笑…话我用另一个Q扮男人加佢Q沟佢??呢D咁无聊嘅嘢我做唔出..D咁cheap嘅说话..我都讲唔出…如果眞系有人咁做过话要沟佢..就唔存在比佢识穿嘅问题啦,,,有冇做过,,我自己最清楚,,,所以米妮又系度重施故技:讲大话…
呢样嘢..佢最叻…
呢个喺G1第七村嘅群…喺几分钟之后…呢个群嘅群主将个群送左比巫女,,,即系,,巫女喺群主,,就系系统消息话巫女已经成为新群主之后嘅几秒钟…我Q嘅系统消息弹出来:你已经退出该群.
就咁,我嘅故事就随住呢个群嘅消逝而结束…点解话个群已经消逝?因为后来我知道个群改名做“型人堂”.G1第七村嘅群已经不复存在了…
cheap人聚埋一齐.啱嘅…正路…(纯属个人意见)
我嘅爱情随住嗰一巴掌已经烟消云散,,,我以为故事就咁就可以结束…但系,,,原来仲有下文...
作者: graceshan 时间: 2007-9-21 11:34
二十二.后续篇(1)
呢段感情,,自从嗰晚之后,,我就基本上已经放低左了,,,虽然我嘅经历唔算好特别,,都唔系咩轟轟烈烈嘅恋爱..不过,,我一直都有一个念头,就系将呢个故事写出来,,
我的确有模仿无赖car sir嘅方式,,只不过佢嘅故事喺持续左一年,而我嘅故事只有短短一个月,,而且要做到car呢个拥有六千几人复贴嘅效果,,好难咖……
JIMMY问我究竟个故事几时写..我话快啦快啦..等我休息一排组织吓D思维先啦…一个星期之内就开始出啦…
于是,,喺某一日,,我将我酝酿已久嘅第一.二章发左出来,,原先唔系发喺蒲国界,而喺发喺另一个广州嘅论坛度..但系,,嗰个论坛实在太冇feel…于是我就发上左蒲国界,,因为gznet个蒲版冇左啦…
喺我开始发贴呢一日,,离初一晚已经个几星期了…呢一晚,,,我照常喺东急翻工…我以前条仔熊仔今晚同佢DF喺呢度唱K,我偶尔都去客串吓唱翻两嘴…突然收到一个陌生嘅电话…
“喂?边位吖?”
“你唔知我系边个咩?” 一个男人声…
“唔知吖..你系边个吖?” 奇怪,,你唔讲我点知你系边个…
“唔好扮嘢啦…你知咖…” 呢句话好熟…好似喺某人成日讲..于是我睇翻个来电…好熟好熟…我记得啦!喺伟…佢屋企电话…
“哦..你稳我咩事吖?”
“你系米翻紧工?”
“喺吖..”
“几点放工吖?”
“3点半.”
“我来接你放工吖.. 我有嘢想同你讲..”
“系度讲啦..”
“系度讲唔到..我来到再讲啦..”
“哦..”
佢究竟稳我做咩?有咩讲吖??不过我好肯定嘅喺,我已经冇嘢同佢讲…
我将件事讲左比熊仔听…佢话有佢系度..冇人够胆郁我…熊仔阿妈喺军区D人…有后台…
我继续翻工,都已经唔记得左呢件事..放工之后我就去左K房同熊仔佢哋唱,,而我手机冇晒电.机都开唔到,,所以伟冇办法稳到我…
之后我唔记得左有件咁嘅事啦…
第日中午,,我屋企电话响..我醒左…喺伟打来…
“你醒未吖?”
“咩事吖?” 好明显我未想醒…
“咁等你瞓完先啦…” 对方cup左电话…
两点几..电话又响,又係佢..
“我有嘢想同你讲吖…”
“讲啦..”
“你可唔可以唔好再写吖?”
“写咩吖?”
“你唔好扮嘢啦…你发张贴全世界都知道啦…”
“咁又点吖?”
“佢哋知道你写佢哋.好嬲好锰吖…” 佢讲嘅佢哋,无非来来去去又係嗰几个,我都知边D人啦…
“我又冇歪曲事实,,名都改左啦,..”
“你个名改得咁唔彻底..喺人一睇就睇得出啦…一喺你就改得彻底D..”
“嘢我就一定会继续写..名都出晒了..改唔到…有本事来打我咯..”
“佢哋知道你系东急翻工…唔排除呢个可能性咖…”
“我都好想知佢哋可以对我做D乜嘢…”
“其实喺我一个对你唔住嗻~~你冇必要拖埋其他人落水吖…”
“乜你有觉得对我唔住咩?”
“我之后有发左MESSAGE比你咖..你唔复之嘛..”
“你知唔知点解唔复吖?喺因为你系黑名单.所以我冇可能收到你D消息..”
“我而家再问多你一次,可唔可以唔好再写?”
“冇可能…”
“咁即系冇计倾啦?”
“你话冇就冇啦…” 我cup左电话…我第一次cup佢电话..以前都系等佢收线先…
第一次cup佢电话,竟然喺我同佢最后一个电话…讽刺么?!
起身之后,,林林吓,,我个古仔D名又眞系改得唔彻底..既然伟都肯浪费几毫纸打电话比我叫我改咯…唉…咁就再改翻晒D名啦…人哋唔尊重我嗻…我唔可以唔尊重人…
就咁个古仔又一次比我编辑过…
估唔到后来又居然比我喺QQ度乱咁撞到一个人,佢加左我,,喺米妮以前条仔W仔…严格D讲,,喺我识米妮嗰阵佢仲拖住嗰条仔…
W仔话..佢哋喺响1月16,17号散嘅… 我记得呢个时候,伟好似喺澳门…而好明显.发生转捩点嘅1月8号晚,,即系米妮大叫话佢好中意伟嗰一晚,,佢哋根本就未分手…
而我将所有嘢讲左比W仔听之后…佢同我讲:
“我发觉呢个女人眞系好假…佢最中意扮可怜…”
“佢假到出汁啦,,几多大话吖…”
“佢开头比你个电话num喺几多字头咖?”
“134,不过冇冲值.佢而家用紧137个num.伟有佢号码..”
“134个num我买比佢咖…佢冇钱咖…”
“喺呢.你点知我识得伟咖?”
“你Q相册度D相系你你来咖?”
“更系我啦…”
“喺年初三晚有个人加左我,叫我去bonbon同佢哋一齐玩,,佢发左D相比我,,喺你相册入面D相来咖,,呢个人QQ名叫慈~”
喺伟只**!我知道之前伟好中意扮女人呃D男人一齐出去蒲,因为男人A得钱多…而佢都试过啰我D相呃人,,不过以前我都知道在先..而家,,,好明显佢呢个举动冇经过我同意…
唉…估唔到呢个世界眞系细……更加估唔到嘅喺,呢D人可以cheap成咁…
作者: graceshan 时间: 2007-9-21 11:34
二十三.后续篇(2)
喺蒲场打滚左几个月..对于嗰D已经蒲惯,,丧蒲嘅人来讲..我仲未算喺资深蒲人..但喺呢度,,我好想讲吓我自己对于呢个圈子嘅感受,,,容许我发表吓个人意见…
同蒲场接触嘅几个月,虽然只係我漫长人生嘅一个缩影,但系呢几个月,足以令我见到好多,领悟到好多…先喺貪玩同朋友流连灯红酒绿嘅夜店,继而天真信错人比人玩,最后接受蹬場呢份职业…呢一切都系一个月之内发生…突然袭来呢个圈子,转变如此之大,令我不知所措…同以前宁静嘅校园生活相比,冇人相信喺呢间所谓嘅名校入面,出左一个咁嘅学生…但系,,,的而且确,,事实就喺咁…(大二学年我仲啰过奖学金添,只係三等,但系上个学期,荒废左学业,我嗰门必修得64分,好羞耻)
我醉过好多,汤过好多,喺蒲场入面只在乎玩嘅过程,唔中意醉后嗰种辛苦嘅感觉;但系对于爱情,我唔需要有轰轰烈烈嘅过程,我只想拥有简单平淡嘅美好结果…唔知咁,算唔算自相矛盾呢?
我做蹬場做左个几月.决定辞职.有几个原因:
1. 对酒产生厌恶,外国人发明洋酒,用来享受;而中国人用来劈!几百蚊买支酒系度,跟住玩骰子,猜枚,输左就饮…点解D人一直想大话骰赢?因为赢唔使饮咯…既然唔想饮酒,咁点解又来买酒呢?买左酒又千方百计令自己唔使饮?点解中国人咁蠢?
2. 对身体实在太唔好..人工唔算好多,但系每日埃夜,食二手烟(我本身唔使烟,都好讨厌烟味),大量酒精落胃,生活作息时间日夜颠倒.逗左唔系好多粮,但系我呢两个月入面,睇病都睇左四百几蚊了,,仲有浪费D时间呢?精神呢?病喺好辛苦嘎…
3. 我知道灯红酒绿嘅世界始终唔啱我..喺我识得蹬場嘅同事入面,冇乜边个年纪大过我,多数都系17,18岁嘅中学生来做,佢哋夜晚系度翻工,日头上课就瞓觉;有D20左右嘅靓仔,日头冇正职,夜晚全职做蹬場,一个星期翻6日.我阿妈劝我辞职唔好做了:”你读咁多书,边使做呢D咁嘅嘢…你唔够钱洗屋企比你,唔喺等住你D钱开饭..呢份工又危险,我晚晚担心你落班安唔安全吖…”阿妈讲得好啱..我嘅前途唔系呢度…所以我决定抽身而退…
喺我做蹬場嘅日子入面,我见到好多好多嘢…虽然好多时都饮酒,比D斋听都会hi嘅音乐每日轰炸耳仔,但更多时候,我系好清醒咁企喺蒲场入面,审视呢个圈子…通常到1,2点嗰阵,会最多嘢睇,,好多男女喺舞池入面大跳贴身舞,企喺路中间肆无忌惮咁打茄轮,我仲见过两个男人喺圆台中间跳脱衣舞添(好睬冇除到裤),我仲见到一个女仔醉到企都企唔到,一个男嘅扶住佢行出门口,但系只手摆喺个女仔个胸度咁扶嘎…我唔知个女仔有冇知觉,但我好肯定,就算佢知道都已经冇能力反抗……
JIMMY话:蒲场好人好少…
我认为,好人会有嘅,但坏人会比好人多.
某个回帖嘅朋友话:当你参加工作出来社会之后,回想起你呢段经历,你就会觉得喺几咁冇意义,几咁好笑…其实唔使等我完全出来社会,我而家已经觉得呢个圈子眞系冇意义…每日都见到大量招聘蹬場.soso嘅消息,呢D开夜店嘅老细已经不断荼毒紧好多青少年…好多十几岁靓仔靚妹, 为左每晚嗰一百几十,有书唔好好去读,全职喺夜场做嘢…而喺夜场做得嘢嘅,都系靠青春稳饭食嘅人..但人总有老嘅一日,当有一日已经做唔到蹬場,只有夜店经验嘅人又可以做D乜嘢工作来维持生计呢?每日咁多酒精入侵,当有一日发现个胃穿左个窿,个肝开始变硬,或者癌细胞漫步于血管,呢D后果夜店老细会唔会承担吖?更系唔会啦,因为喺自己啰来…个个都以为兼职做蹬場人工高,但每晚每间夜店嘅营业额,同D蹬場嘅所谓高人工相比,简直喺蚊同牛比,大象同马榴比…政治老师讲过:资本家嘅最终目的喺剩余价值,手段就系压榨雇佣工人..呢个喺真理来嘎!!!
“今晚东急D酒咩价钱吖?”
“芝華士12年480买一送一吖…”
“哇~咁平嘎~去咯…”
好多人就咁样,频率不断地每晚洗几百蚊,买D1,2年都唔知有冇嘅假酒,然后好似好欢咁度过一个夜晚…
而事实上,好多人喺呢个世界上,仲未可以食得饱,着得暖;有人冇鞋着,有人冇书读;有人专门拣非空调车坐,为左悭嗰1蚊;有人储埋D洗菜水用来冲厕所,因为水费贵左;有人买蜂窝煤来烧,因为煤气太贵,烧唔起……有人含住金钥匙出世,唔使读几多书就可以稳份好工;有人16岁就要出去打工,做D一个月得800蚊唔包食唔包住嘅劳动工人…
睇吓呢个世界嘅现实,再审视吓事实嘅另一面…如果你仲有打算搖祺去边度欢,请你再仔细考虑吓:值唔值得!?!
当然,我并唔系完全否定夜场嘅价值…好多工作压力大嘅人都中意偶然去吓放松自己..而我强调嘅喺,蒲场并唔喺生活嘅全部…
有人同我讲过,做蹬場会令一个人变…以前佢识得一个读广外嘅女仔,做左蹬場之后成个人变晒..最后沦落到做鸡…我知我自己唔会,因为我唔系D十几岁貪玩嘅靚妹仔,我一直为自己打算紧,我一直审视紧自己,审视住呢个圈子…所以…when I can still control myself…我决定退出了…脱离呢个圈子,离开呢个花花绿绿嘅世界…我仲未毕业嘎,,我要继续好好完成我嘅学业,专心搞好篇毕业论文(我导师好严格,我唔可以偷懒,如果唔系会好大锅),跟住努力稳一份啱我自己嘅职业…如果时间允许..以后我都会有机会出现喺蒲场度嘎~~一个月两次啦,,,唔算好过分嗻~下话?!
对于感情,我从来都好执着…虽然我对男人已经失去晒信心,但系我仍然相信有真爱,我依然期待下一个会喺我真名天子,因为我知道,始终都会有人真心对我好,始终都会有人识得珍惜我…屡战屡败,屡败屡战,就系咁解咯…
到呢度,个故事已经结束啦..虽然呢段感情冇一个好嘅结果,但我想为自己画一个圆满嘅句号.Everything must go…
(全篇完)
作者: 0bi 时间: 2007-9-22 05:58
以下是引用graceshan在2007-9-21 11:23:11的发言：
一…蹬場嘅朋友
好k长锕``
晕啦``
卟过 硪会t晒距噶``
作者: graceshan 时间: 2007-9-22 09:09
以下是引用0bi在2007-9-22 5:58:32的发言：
好k长锕``
晕啦``
卟过 硪会t晒距噶``
碧碧，恏恏T架！
真秂真事來嘎！
作者: 0bi 时间: 2007-9-22 10:36
以下是引用graceshan在2007-9-22 9:09:08的发言：
碧碧，恏恏T架！
真秂真事來嘎！
不过`` 好长锕``
作者: graceshan 时间: 2007-9-22 17:22
以下是引用0bi在2007-9-22 10:36:13的发言：
不过`` 好长锕``
喺啊
喺恏長啊
硪用兩個鍾看啊！
作者: 0bi 时间: 2007-9-23 10:23
以下是引用graceshan在2007-9-22 17:22:55的发言：
喺啊
喺恏長啊
硪用兩個鍾看啊！
苷硪起码用3.个钟头啦``
作者: graceshan 时间: 2007-9-23 16:03
以下是引用0bi在2007-9-23 10:23:52的发言：
苷硪起码用3.个钟头啦``
哈哈
唔怕
囿時間T嘎！
作者: 0bi 时间: 2007-9-24 09:01
以下是引用graceshan在2007-9-23 16:03:08的发言：
哈哈
唔怕
囿時間T嘎！
嗯嗯``硪t佐1.半啦``
作者: graceshan 时间: 2007-9-24 12:53
以下是引用0bi在2007-9-24 9:01:54的发言：
嗯嗯``硪t佐1.半啦``
嗯嗯
囿時間繼續T咯！
作者: 0bi 时间: 2007-9-26 04:10
以下是引用graceshan在2007-9-24 12:53:06的发言：
嗯嗯
囿時間繼續T咯！
嗯嗯 1.定
既然系珊珊推荐噶``
作者: graceshan 时间: 2007-9-26 13:14
以下是引用0bi在2007-9-26 4:10:21的发言：
嗯嗯 1.定
既然系珊珊推荐噶``
哈哈
恏啊
多謝碧碧嘅支持啊！
作者: 0bi 时间: 2007-9-27 04:22
以下是引用graceshan在2007-9-26 13:14:35的发言：
哈哈
恏啊
多謝碧碧嘅支持啊！
卟用多谢``
作者: graceshan 时间: 2007-9-27 09:43
以下是引用0bi在2007-9-27 4:22:32的发言：
卟用多谢``
譆譆
要嘚
珊珊要囿禮貌啊！
作者: 0bi 时间: 2007-9-27 10:07
以下是引用graceshan在2007-9-27 9:43:04的发言：
譆譆
要嘚
珊珊要囿禮貌啊！
哇哇``
好榜样~!
作者: graceshan 时间: 2007-9-27 12:31
以下是引用0bi在2007-9-27 10:07:07的发言：
哇哇``
好榜样~!
當然啦
碧碧要嚮硪學習嘎！
作者: 0bi 时间: 2007-9-28 04:40
以下是引用graceshan在2007-9-27 12:31:47的发言：
當然啦
碧碧要嚮硪學習嘎！
嗯嗯``
肯定啦``
作者: graceshan 时间: 2007-9-28 09:32
以下是引用0bi在2007-9-28 4:40:45的发言：
嗯嗯``
肯定啦``
譆譆
今茨硪唔知羞啊
哈哈
作者: 0bi 时间: 2007-9-28 09:39
以下是引用graceshan在2007-9-28 9:32:21的发言：
譆譆
今茨硪唔知羞啊
哈哈
哩个系你大胆噶第1.步啊``
作者: graceshan 时间: 2007-9-28 12:51
以下是引用0bi在2007-9-28 9:39:51的发言：
哩个系你大胆噶第1.步啊``
哈哈
喺啊
而傢大膽恏哆！
作者: 0bi 时间: 2007-9-29 04:55
以下是引用graceshan在2007-9-28 12:51:25的发言：
哈哈
喺啊
而傢大膽恏哆！
苷咪好lo`
作者: graceshan 时间: 2007-9-29 10:00
以下是引用0bi在2007-9-29 4:55:02的发言：
苷咪好lo`
哈哈
喺啊
哆嘚囿碧碧鼓勵！
作者: 0bi 时间: 2007-9-30 06:27
以下是引用graceshan在2007-9-29 10:00:03的发言：
哈哈
喺啊
哆嘚囿碧碧鼓勵！
苷系咪要请硪食饭呢?!
作者: graceshan 时间: 2007-9-30 16:22
以下是引用0bi在2007-9-30 6:27:03的发言：
苷系咪要请硪食饭呢?!
OK
沒問題啊！
作者: 0bi 时间: 2007-10-1 05:20
以下是引用graceshan在2007-9-30 16:22:09的发言：
OK
沒問題啊！
嗯嗯``
硪记住噶啦``
作者: graceshan 时间: 2007-10-3 15:06
以下是引用0bi在2007-10-1 5:20:22的发言：
嗯嗯``
硪记住噶啦``
嗯嗯
| 欢迎光临 三乡网_In-Cool (http://www.in-cool.net/bbs/) |
Powered by Discuz! 7.2 |
